مختصر افسانہ منافع Munafa

مختصر افسانہ 
منافع 


انکا تو دھیان بھی نہیں گیا تھا اس طرف انکے دوست نے توجہ دلائی 
انکی چلتی ہوئے سڑک پر کریانے کی دکان تھی 
کچھ مہینوں سے جانے کیوں کاروبار میں کچھ مندہ تھا لوگ بڑے مارٹ میں جا کر شاپنگ کرنا پسند کرنے لگے تھے کہ کیا کچھ نقصان ہوا انکو تبھی دوست نے کہا ایک آدھ مہینہ دو نمبر مال رکه لو 
انہوں نے خود تو حج نہیں کیا تھا مگر دو نمبر کام بھی نہیں کیا تھا بات مگر دل کو لگی 
ایک مہینہ جم کر بکا مال کچھ پرانے گاہک ایک دو چیزیں واپس کرانے آیے بھی 
انہوں نے معذرت کر کے نیا سامان دے دیا آدھی قیمت پر خوشی خوشی لوٹ گیے مگر چلتی ہوئے سڑک پر انکی کریانے کی دکان تھی کون کون آتا واپس کس کو یاد رہتا
پورے پچاس ہزار بچے دیگر معمول کے منافع کے علاوہ
وہ خوشی خوشی گن رہے تھے
تبھی موبائل بجا
انہوں نے فون سنا تو حواس باختہ ہو گے
انکے بیٹے کا ایکسیڈنٹ ہو گیا تھا ہاسپٹل سے کال تھی
ریسپشن پر بیتابی سے ایک بوڑھا ایکسیڈنٹ کیس کی تفصیل پوچھ رہا تھا ڈاکٹر
نے تسلی دی اسکے بیٹے کی جان بچ گی تھی بر وقت ہاسپٹل لانے سے مگر کچھ ٹیسٹ ہونے تھے اور ایک چھوٹا سا
آپریشن …
ڈاکٹر نے ایک فارم دیا
اسے پر کر لیں
کانپتے بوڑھے ہاتھ فارم فل کرنے لگے
تقریبا بارہ ہزار ابھی جمع کرانے تھے ٹیسٹوں اور دیگر آپریشن کے اخراجات کی تفصیل بھی لکھی تھی
انہوں نے جلدی سے سب کو جمع کر کے کل رقم کا تخمینہ لگایا تو پچاس ایک ہزار بن گیے تھے

اردوز ویب ڈائجسٹ کی تمام تحاریر کے جملہ حقوق محفوظ ہیں بلا اجازت ان تحاریر کو استعمال کرنے پر انضباطی کاروائی عمل میں لائی جا سکتی ہے۔۔ از قلم واعظہ زیدی (ہجوم تنہائی) #اردو #اردوویب #ناول #hajoometanhai

By Syeda Vaiza Zaidi

Vaiza Zaidi is a female writer who writes Urdu web novels online. She is one of the most popular and prolific writers in the Urdu literature scene. She has written over 50 novels in different genres, such as romance, thriller, comedy, and social issues. She has a large fan following who admire her for her creativity, style, and humor. She is also an active blogger who shares her views on various topics related to Urdu culture, literature, and society. She is an inspiring role model for many young and aspiring Urdu writers.

Leave a Reply

Your email address will not be published. Required fields are marked *