Monthly Archives: October 2021

دلداریاں رہیں ، نہ دل آزاریاں رہیں 
خود داریاں وبال تھیں ،خود داریاں رہیں 

جب تیرے ساتھ ایک زمانہ عزیز تھا 
پھر تو خود اپنے اپنے آپ سے بیزاریاں رہیں 

لمحوں میں ماہ و سال گزرنے کے دن گیے 
اب ایک زندگی کی گرانباریاں  رہیں 

لہرائیں وہ گھٹائیں ، نہ وہ چاندنی کھلی 
گو پھر بھی رات رات کی بیداریاں رہیں 

دوش صبا پر تار گریبان اڑے پھرے 
موسم میں گل سے دور بھی گلباریاں رہیں 

رنگ خزاں نے اور بھی چمکائے دل کے داغ 
جاتی ہوئی بہار کی گلکاریاں  رہیں

شکر گناہ شوق کہ جی بھر کے جی لئے 
اب ایک زندگی کی گنہگاریاں رہیں 

ٹوٹ کوئی سترہ کہ پھوٹی نئی کرن 
یا صرف داغ دل کی شرر باریاں رہیں 

اک اہ سرد فصل شباب جنوں کے نام 
پھر ہم نے ہوش کھویے نہ ہوشیاریاں رہیں 

یہ دل بھی جل بجھے  گا اگر اور کوئی دن 
یہ شام بے چراغ یہ بے یاریاں رہیں 

ارباب نظم ضبط کی حد سے گزر گیے 
نا ظورہ غزل کی طرح داریاں رہیں 

رسمی سی دھڑکنیں ہیں اب اور دل ہے اے شمیم
دلداریاں رہیں نہ دل آزاریاں رہیں

از قلم زوار حیدر شمیم

https://desikimchi.com/nida-yasir-and-waqar-zaka-recent-issue-full-story-explained/

دور تک بے مہری یاران کے افسانے گیے
ورنہ کیا تھا ہم اگر دکھ میں نہ پہچانے گیے

دل دکھا پا مالی گلشن سے ویرانے گیے 
اب بہار آیے نہ یے اب تو دیوانے گیے 

ہم کو تو آواز دی ایک شوق رسوا نے گیے 
اپ کس تقریب میں حضرت صنمخانے گیے 

راستے بھر تھی ایک انبوہ خرد منداں کی دھوم 
منزل داد رسن تک چند دیوانے گیے 

بزم ساقی بھی کہاں شین رنداں رہ گئی 
چند کمظرفوں کو ہاتھوں ہاتھ پیمانے گیے 

ہے وفا بھی جرم ؟ اچھا ! جرم یہ ہم سے ہوا 
ہم گر نادم نہیں مجرم جو گردانے گیے 

جو نہ سمجھے کیوں ہے ، کیا ہے ، زندگی کی دھوپ چھاؤں 
سایہ گیسو میں اس گتھی کو سلجھانے گیے 

آپ کچھ سمجھے شمیم دلزدہ کا جذب شوق
آپ بھی تو ایک دن حضرت کو سمجھانے گیے 

از قلم زوار حیدر شمیم

https://desikimchi.com/moon-in-the-day-first-impression-urdu-review/

https://urduz.com/phurteeli-heroin-episode-1/

شکووں کے ساتھ لب پہ ترا نام ہی تو ہے 
ہے تو سہی مذاق وفا ، خام ہی تو ہے 

وہ ، دور افق پہ ، ہی ابھی دھندلی سی ایک کرن 
اے دل ذرا ٹھہر کہ ابھی شام ہی تو ہے 

ہم، تم سے دور رہ کے بھی . جیتے ہیں آج تک 
یہ بھی بہ فیض گردش ایام ہی تو ہے 

ہاں مجھ کو یہ شکستگی دل بھی ہے عزیز 
آخر یہ اپنے شوق کا انجام ہی تو ہے 

یو ہو رہے ہیں میرے غم دل کے تذکرے 
جسے کسی کا غم کوئی دشنام ہی تو  ہے 

اتنی بھی شمیم سے نفرت نہ کیجیے 
وہ بد خصال تو نہیں بد نام ہی تو ہے 

از قلم زوار حیدر شمیم

وہ جو تھے بھی دل لرزاں کے سہارے ڈوبے 
پھر سحر ہونے کو آیی ہے ستارے ڈوبے 

ڈوبنا ہی ہے تو موجوں سے ذرا چھیڑ رہے
مفت الزام رہے گا جو کنارے ڈوبے

داغ دل اب تک اسی شان سے تابندہ ہے 
کتنے خورشید و قمر کتنے ستارے ڈوبے 

تم کو ساحل پہ کھڑے رہ کے ہوا کیا حاصل
خیر ہم آرزوے خام کے مارے ڈوبے 

صبح ہوتی ہے کہ تاریکی شب جیت گئی
آج کچھ اور ہی انداز سے ستارے ڈوبے 

مجھ سے ہنس ہنس کے نہ کر بات کہ  جی ڈرتا ہے 
مرے آگے گل خاندان کے نظارے ڈوبے 

غم ایمان، غم فردا ، غم دوراں، غم دل 
میے گلرنگ کی ایک بوند میں سارے ڈوبے  

از قلم زوار حیدر شمیم

آنکھوں میں کوئی مکھڑا رہ رہ کے مچلتا ہے 
ایک آہ نکلتی ہے جب چاند نکلتا ہے 

تنہائی سی تنہائی اور گرمی محفل بھی 
ایک شمع ہے جلتی ہے ایک داغ ہے جلتا ہے 

دل اور دکھاتے ہیں یہ بول تسلی کے
روتا ہے تو رونے دو دل یوں بھی بہلتا ہے 

ایک حسرت پسماندہ یا کوئی حسیں لمحہ 
یادوں کے دھندلکوں میں ایک دیپ سا جلتا ہے 

تاروں سے سجا دیکھا پھولوں میں بسا دیکھا 
جتنا اسے بھلائیں دل اور مچلتا ہے 

ہم صبح کے شیدائی ، تڑپیں گے ابھی شب بھر 
لو تم تو بہل جاؤ ، لو چاند نکلتا ہے 

احباب کی پرسش پر آنسو نکل آۓ کیوں 
کیا اس میں بھی کوئی غم کا پہلو بھی نکلتا ہے 

از قلم زوار حیدر شمیم

https://urduz.com/desi-kimchi-episode-1/

• Aik Daily Blogger ki wall say |mukhtasir afsancha| by vaiza zaidi
• Bewaqoof larki |urdu alamati kahani
• Woh Kon Thi: Saheliyon Se kia Chupaya Raaz | Khoofnak Urdu Horror Story
• Qata Taluq |sirf ek jhoot kaha us nay| urdu afsancha
• Lets play Floor is Lava | A cross cultural motherhood story in urdu| written by vaiza zaidi

انکی پلکوں پہ لرزتا ہوا تارا تو نہیں

میری مایوس امیدوں کا سہارا تو نہیں 

مست موجوں میں نہاں کوئی اشارہ تو نہیں 

کسی امڈے ہوئے طوفان نے پکارا تو نہیں 

نکھری نکھری سی نظر آتی ہے شام مہتاب 

اس نے الجھی ہی زلفوں کو سنوارا تو نہیں 

ٹوٹ کر کھو جو گیا ظلمت شب میں ہمدم

یہ کہیں میری ہی قسمت کاستارہ  تو نہیں

ہم نے مانا کہ ہے مضبوط بہت ہمت دل 

پھر بھی، گرداب ہے گرداب ، کنارہ تو نہیں 

چاندنی جھوم اٹھی رقص میں آیے انجم 

آپ کے لب پر کوئی شعر ہمارا تو نہیں 

کہکشاں ، دیکھ ، تری انجمن تاباں میں 

کوئی میرے بھی مقدر کا ستارہ تو نہیں 

لطف آیے گا طوفان کے تھپیڑوں میں یہ کیوں 

انہیں موجوں میں کہیں اپنا کنارہ تو نہیں 

اشک مسلے ہوئے جذبات کا آیئنہ ہے 

اشک موتی تو نہیں ، اشک ستارہ تو نہیں 

بات یہ اور ہے پہو نچوں نہ اگر منزل تک 

تھک کے بیٹھا تو ضعف سے ہارا تو نہیں 

نذر کر سکتا ہوں دو پھول عقیدت کے شمیم 

میرے پاس افسر اسکندر و دارا تو نہیں 

از قلم زوار حیدر شمیم

https://urduz.com/desi-kimchi-episode-1/

• Aik Daily Blogger ki wall say |mukhtasir afsancha| by vaiza zaidi
• Bewaqoof larki |urdu alamati kahani
• Woh Kon Thi: Saheliyon Se kia Chupaya Raaz | Khoofnak Urdu Horror Story
• Qata Taluq |sirf ek jhoot kaha us nay| urdu afsancha
• Lets play Floor is Lava | A cross cultural motherhood story in urdu| written by vaiza zaidi

آنکھ میں آنسو ، لب پہ تبسم 
اف وہ ترا انداز تکلم 

کتنا ہی بدلے رنگ زمانہ 
ہم ہوں یہی ہم ، تم بھی یہی تم 

آہ تھی لب تک آتے آتے 
دل میں اٹھی موج تبسم 

دل اور ایسی درد کی دنیا 
ایک قطرے میں اتنا تلاطم

کتنا سہانا موسم آیا 
مست گھٹائیں دل میں تلاطم 

درد کی ماری کویل کوک 
سیکھ لیا غنچوں نے تبسم 

نہر کنارے ہولے ہولے 
اٹھلاتی موجوم کا ترنم 

آؤ شمیم ایک نغمہ چھیڑیں
کس عالم میں کھویے سے ہو تم 

آگئی پھر کیا یاد کسی کی 
کیوں بیٹھے ہو چھپ چھپ گم سم 

از قلم زوار حیدر شمیم

https://urduz.com/aitraaf/

https://desikimchi.com/park-eun-bin-doesnt-impress-her-fans-in-new-netflix-series-a-look-at-her-performance-in-cast-away-diva-2/

وہ تبسم یاد آیا رو دیے
کوئی غنچہ مسکرایا رو دئیے

ذہن میں لہرا گئیں زلفیں تری 
ابر جب گھر گھر کے آیا رو دئیے

جئے اپنے غم کا نغمہ مل گیا 
گیت یوں مطرب نے گیا رو دئیے  

درد سا دل میں اٹھا آنکھیں بھر آیئں 
یاد نے تیری رلایا رو دئیے  

شغل یہ ہے فصل گل میں اے شمیم 

آنکھ پھڑکی دل بھر آیا رو دئیے

از قلم زوار حیدر شمیم

https://desikimchi.com/bequeathed-2024-kdrama-urdu-an-in-depth-review/

https://youtu.be/4JjAewAwwYE?si=BqShvRHg5hgQKi6x

موت کی آس  نہ جینے کا سہارا کوئی 
اس طرح بھی نہ ہو محروم تمنا کوئی 

تھر تھراتے ہوئے لب ، آنکھ میں نم ،دل میں خلش 
اس پہ زد ، چھیڑیے عشرت کا ترانہ کوئی 

اپنے ہی درد سے فرصت ہے جہاں میں کسی کو
کیا سنے درد بھرے دل کا فسانہ کوئی 

ہم نے ، تو خیر کیا آپکے وعدوں پہ یقین 
دل کے بہلانے کوئی کیا کیا نہیں کرتا کوئی

یوں تو کسی کو نہیں الفت میں وفا کا دعوی
ہو بھی پایا  ہے زمانے  میں کسی کا کوئی 

مجھ کو مجبور کیا ترک تمنا پہ شمیم 
لب پہ آیا بھی نہ تھا حروف تمنا کوئی 

از قلم زوار حیدر شمیم

https://desikimchi.com/believer-2018-korean-action-movie-urdu-review/

https://urduz.com/instalkerinstagramstalker/

کون ہے جس پہ کوئی راز محبت کھولیں 
رات بھر جاگ لیں جی بھر کے تڑپ لیں رو لیں 

لٹ گیا شوق کہ ہو جائے ہمارا بھی کوئی 
چھن گئی چہ کے ایک بار کسی کے ہولیں 

گل و گلزار سے لمحوں کی سلگتی یادوں 
دو اجازت تو ذرا آنکھ جھپک لیں سو لیں 

خود ہی گھڑ لیتے ہیں آج اسکی وفا کے قصے 
چند لمحوں کیلئے یوں ہی ذرا خوش ہو لیں 

بار خاطر  ہے خاموشی بھی تکلم کی طرح 
ہائے کیا بات کریں ہائے کہاں چھپ ہو لیں 

دل نہ بھلے سہی دنیا تو بہل جائے گی 
تلخی دل میں ذرا تلخی دوراں گھولیں 

از قلم زوار حیدر شمیم