Monthly Archives: October 2021

جنوں نواز اشاروں میں دل نہیں لگتا 
ترے بغیر بہاروں میں دل نہیں لگتا 

ہی ہے بار سماعت نوائے ساز نشاط 
نذر نواز نظاروں میں دل نہیں لگتا 

چمن اجڑے کا منظر نظر میں رقصاں ہے 
خزاں کے بعد بہاروں میں دل نہیں لگتا 

قسم ہے لذت صد اضطراب طوفان کی 
سکون بدوش کناروں میں دل نہیں لگتا 

مہیب شب کے گزرنے کے کچھ  سہارے ہیں 
وگرنہ چاند ستاروں میں دل نہیں لگتا 

سہارے ڈھونڈ کے جیتا ہوں تیرے کہنے سے 
یہ بات الگ کہ سہاروں میں دل نہیں لگتا 

از قلم زوار حیدر شمیم

غنچہ و گل نے صبح سے پایے چند تبسم چند ادائیں 

میرے ذہن میں بھی لہرایے چند تبسم چند ادائیں 

اپنی نظر اور وہ رخ زیبا صرف جنوں ہے ایسی تمنا 

ہم تو ہیں آنکھوں  میں بسایے چند تبسم چند ادائیں 

کردے معاف اے روٹھنے والے ، ہم نہ تھے گل کو دیکھنے والے 

گل نے ترے مکھڑے سے چرایے چند تبسم چند ادائیں 

انکو دیکھے ہوگی مدت آنکھوں میں محفوظ ہیں اب تک 

چند اشارے چند کنایے چند تبسم چند ادائیں 

یونہی نہ تھیں یہ آنکھیں جنکو بھیگی بھیگی دیکھ رہے ہو 

کل تھے انہیں آنکھوں میں سمایے چند تبسم چند ادائیں 

اف یہ آل صبح گلستان یائے یہ شام سوز فراواں 

ہائے وہ جن راس نہ آئے چند تبسم چند ادائیں 

پھر ہوں اسی محفل میں غزل خواں، ساری فضا ہے رقصاں رقصاں 

نام پہ مرے اس نے لوٹائے چند تبسم چند ادائیں 

ہم نے شمیم اس دل کو سنبھالا دے کے فریب تازہ بہ تازہ

حاصل سوز عشق بتائے چند تبسم چند ادائیں 

از قلم زوار حیدر شمیم

کہاں کے شیشہ و صہبا کہاں کے پیمانے 
تری نذر سے تراشے گیے ہیں فسانے 

حقیقتوں سے ہیں دلچسپ تر کچھ افسانے 
وگرنہ جلوہ حسن اب نہیں کہ دیوانے 

خرد  سے دور ، رموز جنوں سے سے بیگانے 
خدا کی شان کہ مشہور ہیں وہ فرزانے 

پئے بغیر جو ہوش و خرد کو لوٹ نہ لیں 
مری نظر میں ٹھہرتے نہیں وہ پیمانے 

چرا کے لے گیے ایک سوزش خفی دل میں 
وہ یے تھے مرے سوز دروں کو جھٹلانے 

ابھی حرام نہ کر حسن دوستی کہ ابھی 
خدا کے فضل سے آباد ہیں صنم خانے 

ہمیں نے منہ نہ لگایا کہ سر چڑھئیں نہ کہیں
تھے ورنہ ہم سے بھی مانوس چند پیمانے 

شمیم وضع  کریں عشق کے نیے انداز 
جنوں کو کر گیے بدنام چند دیوانے  

از قلم زوار حیدر شمیم

اس رنگ میں بھی لطف بہاراں کی طرف دیکھ 
آنکھیں ہیں تو زخموں کے گلستان کی طرف دیکھ 

مجبوری و بربادی انسان کی طرف دیکھ 
سکوں پر مچلتے ہوئے ایمان کی طرف دیکھ

درویشی شاہانہ رنداں کی طرف دیکھ 
سینوں میں دہلتے ہوئے ایمان کی طرف دیکھ 

افسوں بہاراں کی حقیقت پہ نظر کر 
گلزار سے منہ موڑ بیاباں کی طرف دیکھ 

ہے مرے سوا تجھ پہ بھی حرف آنے کا ساماں
کونین کے داتا مرے داماں کی طرف دیکھ 

تا چند   اسیری    طلسمات   تبسم 
اشکوں پہ نظر کر دل سوزاں کی طرف دیکھ 

اے ناظر صد گردش جام مئے رنگیں
یک لحظہ کبھی گردش دوراں کی طرف دیکھ 

گر جائے گا نظروں سے فروغ مہ انجم 
تابانی اشک سر مژگاں کی طرف دیکھ 

ہمدردی آفاق مجھے بخشنے والے 
اے کاش مری تنگی داماں کی طرف دیکھ 

اک ان نہ سن دوری منزل کا فسانہ 
منزل پہ نذر رکھ دل جولاں کی طرف دیکھ

سرمایہ نازش ہی سہی ماضی زریں  
امروز تو رنگ چنستاں کی طرف دیکھ 

از قلم زوار حیدر شمیم

خزاں تو خیر خزاں تھی ، خزاں کو کیا کہئے 

مگر جفایے بہار جواں کو کیا کہئے 

کلی کلی کا جگر بجلیوں نے پھونک دیا 

کرشمہ نگہ باغباں کو کیا کہئے 

غبار راہ بھی کافی تھا رہبری کے لئے 

ہو عزم خام تو پھر کارواں کو کیا کہئے 

روایت ستم غیر خوب ہے لیکن 

حقیقت ستم دوستاں کو کیا کہئے 

بسا ہو زہر جب افکار ہی کی رگ رگ میں 

زباں بھی کیا کرے طرز بیاں کو کیا کہئے  

از قلم زوار حیدر شمیم

تڑپ رہی ہیں حقیقتیں جن کو حاصل کائنات کہئے 
مگر تڑپ کو تڑپ نہ کہئے تڑپ کو رقص حبات کہئے 

بجا کہ ہے صبح نو کے چہرے پہ شام کی تیرگی سی لیکن 
وہ دن بتائیں تو دن سمجھئے وہ رات کہدیں تو رات کہئے 

بضد میں اس پر آج سنئے جفائے دور خزاں کا شکوہ 
مصر وہ اس بات پر کہ رنگینی گلستان کی بات کہئے 

امیر غربت کچل کے رکھدے تو صرف تفریح دل سمجھئے
غریب شکوہ کے تو اسکو بہت بڑی واردات کہئے 

کہاں وہ آزادیاں چمن کی کہاں اسیری قفس کی لیکن 
اسے بھی احسان جانئے فکر آشیاں سے نجات کہئے 

میں شہد حاضر کروں جو  کوزہ میں زہر قاتل سمجھئے اسکو 
وہ زہر شیشوں میں بھر کے دے دیں تو اسکو آب  حیات کہئے 

از قلم زوار حیدر شمیم

ستمگر بہ زعم ستم مسکرائے
خدا جانے کیوں اہل غم مسکرائے 

کوئی تازہ دھوکہ ہے یا قرب منزل 
راہ شوق کے پیچ و خم مسکرائے 

میسر کہاں سب کو ایسا تبسم 
جفاؤں کے جھرمٹ میں ہم مسکرائے 

بہ زعم عمل مسکرائی تمنا 
تمنا پہ لوح و قلم مسکرائے 

ہمیں جانتے ہیں جو گزری ہے دل پر 
ترا ساتھ دینے کو ہم مسکرائے 

بہت زور مارا اندھیروں نے شب بھر 
ستارے مگر دمبدم مسکرائے  

از قلم زوار حیدر شمیم

وہ جیسا بھی ہے چمن ہے چمن کو کچھ نہ کہو 
مرا وطن ہے یہ ، میرے وطن کو کچھ نہ کہو

نہ دیکھا جائے مرا دکھ تو پھیر لو نظریں 
تبسم سمن و نسترن کو کچھ نہ کہو 

ہے حکم دار مرے شکوہ جفا کا جواب 
وہ کم سخن ہے مرے کم سخن کو کچھ نہ کہو 

خدا کو طعنہ دو  تخلیق اہرمن پہ ضرور 
مگر خدا کیلیے اہرمن کو کچھ نہ کہو 

لہو کے گھونٹ پیو خوبی نسب کہو 
خزاں نصیب بہار چمن کو کچھ نہ کہو 

جو تشنہ ہیں وہ رہیں سیر جو ہیں اور پئیں
یہی چالان ہے یہاں کا چالان کو کچھ نہ کہو 

شمیم مرا فسانہ سنو سنو ، نہ سنو 
مگر مجھے مرے طرز سخن کو کچھ نہ کہو  

از قلم زوار حیدر شمیم

سیر حرم و دیر سے بیزار کھڑے ہیں 
میخانے کے در پر کی دیں دار کھڑے ہیں 

وہ سلسلہ اہل جنوں کب ہے سوئے وار 
دم انکا غنیمت ہے جو دو چار کھڑے ہیں 

پھر اہل خرابات میں ہیں زیست کے آثار
پھر تاڑنے والے پس دیوار کھڑے ہیں 

رندوں کو تو کافی ہے ترا حسن نذر بھی 
کچھ اہل خرد ہوش سے بیزار کھڑے ہیں 

یہ طور نہ دن اہل تقدس کا فسوں بھی 
ڈوبے جو  رسوا سر بازار کھڑے ہیں 

یہ شوق کا مدفن ہے یہ منزل تو نہیں ہے
منزل پہ جو آ پہو نچے ہیں بیزار کھڑے ہیں 

از قلم زوار حیدر شمیم

ہمیں سے یہ گلزار پھولے پھلے ہیں 
ہمیں پر خزاؤں کے   پہرے لگے ہیں 

کوئی رہبری میرے کس کام آتی 
مری منزلیں منزلوں سے پرے ہیں 

امنگوں پہ آیی بہار اور گئی بھی
مگر زخم دل ہیں کہ ابھی بھی ہرے ہیں 

ہمیں کم مذاق عمل کہنے والے
ہمیں راہ میں راہنما مل گیے ہیں 

کہاں ہم کہاں تم کہاں وہ زمانے 
مگر دل اب بھی بڑے آسرے ہیں 

نہیں گل تو کانٹوں سے دامن سجا لو 
کہ یہ بھی بہاروں کے پالے ہوئے ہیں  

از قلم زوار حیدر شمیم