وہ جو تھوڑی سی سر کوۓبتاں گزری ہے
کچھ گزرنے کی طرح عمر رواں گزری ہے
با ہمہ خانہ خرابی و ہمہ رسوائی
وہ جو گزری ہے پھر ایسی بھی کہاں گزری ہے
کچھ مجھے یاد تو آتا ہے کہ جادو نگہی
جب مرا عہد جوانی تھا تو ہاں گزری ہے
دل کا وہ حال ہوا ہے غم محرومی سے
تم سے ملنے کی مسرت بھی گراں گزری ہے
دور رہ کر بھی گزرنے کو تو گزری اے دوست
ہر نفس آہ بلب شعلہ بجاں گزری ہے
از قلم زوار حیدر شمیم
درد کی لو سے چراغاں لمحے
میری قسمت کے درخشاں لمحے
رقص فرما و غز لخوان لمحے
شوق رسوا کے فروزاں لمحے
رہ گیے زین میں گڑ کر جیسے
اچھے وقتوں کے وہ پراں لمحے
حاصل حسرت یک عمرعزیز
آج کے بے سرو ساماں لمحے
بن چلے ہیں وہی یادوں کے تنور
وہی گلزار و گلستان لمحے
جم بھی رہتے ہیں اجل کی صورت
سانس کی طرح پر افشاں لمحے
کسی ناکردہ گناہ کی پاداش
موسم گل میں یہ ویران لمحے
ہم تمنا سے نہیں باز آیے
ٹھہر ے حشر بد امان لمحے
از قلم زوار حیدر شمیم
اور کوئی صورت بھی نہیں ہے اور نہیں ضبط کا یارا بھی
ہائے اسی نے توڑدیا دل جس نے دل سے چاہا بھی
کتنی ترقی کر گئی دنیا کر لو پیار کا سودا بھی
دل بھی خریدے جا سکتے ہیں ہاں ہوتا ہے ایسا بھی
کچھ اپنی تقدیر کی گردش کچھ تدبیر کی خامی تھی
پیار پہ کوئی الزام نہیں پیار برا بھی اچھا بھی
عشق نہیں ،اچھا تو ہوس ہے جو ہے ایک حقیقت ہے
لاکھ فسانوں پر بھاری ہے اپنی ہوس کا قصا بھی
سیم و زر تو اپنی نظر میں ٹھہر سکے ہیں نہ ٹھہریں گے
ہم تو ستارے توڑ کر لاتے کوئی ہمارا ہوتا بھی
حسن نظر کا دھوکہ نکلا پیار فریب حرص و ہوس
عقل ٹھکانے آگئی لیکن کچھ بنتا اس دل کا بھی
آج کہیں کل اور کہیں ہے موج شمیم آوارہ
وہ جو ہمارا ہو نہ سکا وہ ہو نہ سکے گا کسی کا بھی
از قلم زوار حیدر شمیم
گل یاد رہیں گے ،نہ چمن یاد رہے گا
ایک فصل بہاراں کا چلن یاد رہے گا
بھولیں گے نہ خوشبوؤں کے رنگین جنازے
پھولوں پہ تبسم کا کفن یاد رہے گا
ناقدری صاحب نظراں اور ذرا دیر
یہ مقتل بے دارو رسن یاد رہے گا
یہ غلغلہ بے ہںراں چار گھڑی اور
البتہ زمانے کا یہ فن یاد رہے گا
موسم تو بدلنا ہے بدل جایے گا اک روز
زخموں کا تر و تازہ چمن یاد رہے گا
ہے گرچہ وطن میں بھی غریب الوطنی سی
یارو ہے وطن پھر بھی وطن یاد رہے گا
گو دور کے جلوے ہی سہی اپنا مقدر
خوشبو سی نظر، گل سا بدن یاد رہے گا
از قلم زوار حیدر شمیم
ادا شناس ہے دل ، کیسے یہ ادا نہ لگے
وفا کا نام نہ لے اور وہ بے وفا نہ لگے
نہ چھیڑ، مجھ کو نہ چھیڑ ، اے شمیم غنچہ نشین
تجھے بھی مرے گریبان کی ہوا نہ لگے
ادا وہ کیا جو نہ ٹھہرے پیام فصل جنوں
کرم وہ کیا جو کلیجے پہ تیر سا نہ لگے
اڑاؤ جیب و گریبان کی دھجیاں ورنہ
لگے سراغ بہار گریز پا ، نہ لگے
عدو کا دل بھی جلے شاخ آشیانہ کے ساتھ
وہ ڈھنگ کر کہ قفس رشک آشیانہ لگے
شمیم آہوں سے دیتے ہیں داغ دل ہوا
لگے سراغ نسیم بہار ، یا نہ لگے
از قلم زوار حیدر شمیم
https://desikimchi.com/missing-the-other-side-season-two-first-episode-urdu-review/
دلداریاں رہیں ، نہ دل آزاریاں رہیں
خود داریاں وبال تھیں ،خود داریاں رہیں
جب تیرے ساتھ ایک زمانہ عزیز تھا
پھر تو خود اپنے اپنے آپ سے بیزاریاں رہیں
لمحوں میں ماہ و سال گزرنے کے دن گیے
اب ایک زندگی کی گرانباریاں رہیں
لہرائیں وہ گھٹائیں ، نہ وہ چاندنی کھلی
گو پھر بھی رات رات کی بیداریاں رہیں
دوش صبا پر تار گریبان اڑے پھرے
موسم میں گل سے دور بھی گلباریاں رہیں
رنگ خزاں نے اور بھی چمکائے دل کے داغ
جاتی ہوئی بہار کی گلکاریاں رہیں
شکر گناہ شوق کہ جی بھر کے جی لئے
اب ایک زندگی کی گنہگاریاں رہیں
ٹوٹ کوئی سترہ کہ پھوٹی نئی کرن
یا صرف داغ دل کی شرر باریاں رہیں
اک اہ سرد فصل شباب جنوں کے نام
پھر ہم نے ہوش کھویے نہ ہوشیاریاں رہیں
یہ دل بھی جل بجھے گا اگر اور کوئی دن
یہ شام بے چراغ یہ بے یاریاں رہیں
ارباب نظم ضبط کی حد سے گزر گیے
نا ظورہ غزل کی طرح داریاں رہیں
رسمی سی دھڑکنیں ہیں اب اور دل ہے اے شمیم
دلداریاں رہیں نہ دل آزاریاں رہیں
از قلم زوار حیدر شمیم
دور تک بے مہری یاران کے افسانے گیے
ورنہ کیا تھا ہم اگر دکھ میں نہ پہچانے گیے
دل دکھا پا مالی گلشن سے ویرانے گیے
اب بہار آیے نہ یے اب تو دیوانے گیے
ہم کو تو آواز دی ایک شوق رسوا نے گیے
اپ کس تقریب میں حضرت صنمخانے گیے
راستے بھر تھی ایک انبوہ خرد منداں کی دھوم
منزل داد رسن تک چند دیوانے گیے
بزم ساقی بھی کہاں شین رنداں رہ گئی
چند کمظرفوں کو ہاتھوں ہاتھ پیمانے گیے
ہے وفا بھی جرم ؟ اچھا ! جرم یہ ہم سے ہوا
ہم گر نادم نہیں مجرم جو گردانے گیے
جو نہ سمجھے کیوں ہے ، کیا ہے ، زندگی کی دھوپ چھاؤں
سایہ گیسو میں اس گتھی کو سلجھانے گیے
آپ کچھ سمجھے شمیم دلزدہ کا جذب شوق
آپ بھی تو ایک دن حضرت کو سمجھانے گیے
از قلم زوار حیدر شمیم
شکووں کے ساتھ لب پہ ترا نام ہی تو ہے
ہے تو سہی مذاق وفا ، خام ہی تو ہے
وہ ، دور افق پہ ، ہی ابھی دھندلی سی ایک کرن
اے دل ذرا ٹھہر کہ ابھی شام ہی تو ہے
ہم، تم سے دور رہ کے بھی . جیتے ہیں آج تک
یہ بھی بہ فیض گردش ایام ہی تو ہے
ہاں مجھ کو یہ شکستگی دل بھی ہے عزیز
آخر یہ اپنے شوق کا انجام ہی تو ہے
یو ہو رہے ہیں میرے غم دل کے تذکرے
جسے کسی کا غم کوئی دشنام ہی تو ہے
اتنی بھی شمیم سے نفرت نہ کیجیے
وہ بد خصال تو نہیں بد نام ہی تو ہے
از قلم زوار حیدر شمیم
وہ جو تھے بھی دل لرزاں کے سہارے ڈوبے
پھر سحر ہونے کو آیی ہے ستارے ڈوبے
ڈوبنا ہی ہے تو موجوں سے ذرا چھیڑ رہے
مفت الزام رہے گا جو کنارے ڈوبے
داغ دل اب تک اسی شان سے تابندہ ہے
کتنے خورشید و قمر کتنے ستارے ڈوبے
تم کو ساحل پہ کھڑے رہ کے ہوا کیا حاصل
خیر ہم آرزوے خام کے مارے ڈوبے
صبح ہوتی ہے کہ تاریکی شب جیت گئی
آج کچھ اور ہی انداز سے ستارے ڈوبے
مجھ سے ہنس ہنس کے نہ کر بات کہ جی ڈرتا ہے
مرے آگے گل خاندان کے نظارے ڈوبے
غم ایمان، غم فردا ، غم دوراں، غم دل
میے گلرنگ کی ایک بوند میں سارے ڈوبے
از قلم زوار حیدر شمیم
آنکھوں میں کوئی مکھڑا رہ رہ کے مچلتا ہے
ایک آہ نکلتی ہے جب چاند نکلتا ہے
تنہائی سی تنہائی اور گرمی محفل بھی
ایک شمع ہے جلتی ہے ایک داغ ہے جلتا ہے
دل اور دکھاتے ہیں یہ بول تسلی کے
روتا ہے تو رونے دو دل یوں بھی بہلتا ہے
ایک حسرت پسماندہ یا کوئی حسیں لمحہ
یادوں کے دھندلکوں میں ایک دیپ سا جلتا ہے
تاروں سے سجا دیکھا پھولوں میں بسا دیکھا
جتنا اسے بھلائیں دل اور مچلتا ہے
ہم صبح کے شیدائی ، تڑپیں گے ابھی شب بھر
لو تم تو بہل جاؤ ، لو چاند نکلتا ہے
احباب کی پرسش پر آنسو نکل آۓ کیوں
کیا اس میں بھی کوئی غم کا پہلو بھی نکلتا ہے
از قلم زوار حیدر شمیم