میں نے خدا سے کہا

سب کے اصل چہرے مجھے دکھا دے۔اس نے دکھا دیئے۔۔

اب مجھے سب سے نفرت ہوگئ ہے۔۔۔

پھر میں نے آئینہ بھی دیکھ لیا۔۔

اب مجھے سب سے کوئی گلہ نہیں رہا۔۔

مگر میری نفرت کم نہیں ہوئی ہے۔۔

جب آئینہ دیکھتا ہوں۔۔

یہ نفرت بڑھتی ہے۔۔

کیونکہ میں ایسا نہیں تھا جیسا ہوگیا ہوں۔۔

اور جو میں اب ہوگیا ہوں۔۔

سب نے بنایاہے ایسا مجھے۔۔

پتھر سے انسان۔۔۔
کبھی چلتے چلتےپتھر سے ٹھوکر کھائی؟
کیا کیا پھر؟
جس پتھر سے ٹھوکر کھائی
اس سے نفرت کی؟
اس سے دور ہوئے؟
اسے ٹھوکر لگادی؟
یا سنبھل کر آگے بڑھ لیئے؟
میں بتائوں میں نے کیا کیا؟
پتھر اٹھایا۔۔
دل سے لگایا۔۔
اب بھی پاس ہے میرے۔۔
یاد دہانی کیلئے۔۔
راستے میں پتھر ہوتے ہیں۔۔
پتھروں سے بچ کر چلنا چاہیئے۔۔
اور پتھر جیسے انسانوں سے بھی۔۔

۔
۔
۔

از قلم ہجوم تنہائی۔۔

Rate us below

زہر لگتے ہیں مجھے ہنستے چہرے۔۔
بس چلے تو ان پر میں لگا دوں پہرے۔۔
کس بات کی خوشی ہے انکو؟
زندگی کیسی ملی ہے انکو؟
جو گزرے سب دکھ سب بھول گئے؟
ماضی پر کیسی ڈال یہ دھول گئے؟
ایسابھی کیا ملا ہے اب ہمیں بتائو
کیا کبھی نہ تم سےکچھ چھنا؟ ہمیں بتائو
مسکراتے ہوئے دیکھے ہیں ہم نے کہاں لوگ
ہمارے گرد تو ہم جیسے ہیں تہی داماں لوگ
تنہائی میں ملتی ہیں کالی ناگن سی پھنکارتی سوچیں
اپنے سود و زیاں پر کلبلاتی ماضی کو پکارتی سوچیں
یاسیت و اداسی سے بھرے صبح شام سےہیں
چند پل بھی خوشی کے بس نام کے ہیں
اب ان کو بھی یاد کریں تو دل دکھتا ہے
گزرے لمحوں میں رہنے سے کہاں کچھ ملتا ہے۔
ہم جیسے لوگوں کو تو بس قسمت کا لکھا کھا گیا
ہمارے دل میں جانے کیا تھا
جو دکھوں کے موسم کو بھا گیا۔۔
اب کس دل سے دیکھوں میں اس دل میں بستے چہرے؟
تبھی تو زہر لگتے ہیں مجھے اب ہنستے چہرے۔۔

از قلم ہجوم تنہائی

نہ مجھے کسی کا انتظار رہا ہے اب
نہ مجھے مرا ماضی پکار رہا ہے اب
جستجو میں لگا رہاتھا ایک عمرجس کے
وہی لمحہ یہ دل پھیکا سا گزار رہا ہے اب
اب تو کوئی حسرت کوئی خواہش ہی باقی نہیں رہی میری
دل قابو میں مرے اب آرہا تو وقت اسے مار رہا ہے اب
ہر گام پر روکتا تھا جو بڑے شوق سے راستہ میرا
وہ مجھ سے چھپ کر میرا ضبط آزما رہا ہے اب
کوئی نشتر کوئی تیر کوئی بھالا نہیں چھوڑا میں نے مگر
وہ حرب جنگ بخوبئ ہے جانتا مراخالی ہر وارجا رہا ہے اب

میں نے سوچا تھاسوچ سوچ کے رکھا کروں گا اپنا ہر قدم
لیکن یہ زمانہ ہے کہ اپنی رفتار بڑھاتا جارہا ہے اب
ہجوم نے ٹھہرایا تھا مجرم مجھے تنہائی سزا کے طور پر دی تھی گئ
ہجوم کیا جانے قنوطی کس خوشی سے تنہائی کو دل میں اتار رہا ہے اب

© Hajoom.E.Tanhai

نوشتہ دیوار پڑھیئے

جو ہے پس دیوار پڑھیئے

کون کس کا راستہ روک سکا ہے آج تک

ہو سکے تو تاریخ کے ادوار پڑھیئے

خاک چھانتے گزری ہو اک عمر جنکی

انکے چہروں پرہی لکھا ہےآدم بیزار پڑھیئے

انکی خواہش رہی کہ پا لیں چہرے سے راز دل

ارےمیرے لفظوں میں درج ہے میرا احوال پڑھیئے

ایسی بھی کیا قنوطیت کہ سب خوش کن احساس مار لیئے

جواب ہجوم کے پاس نہیں، آپ تنہائی میں زیست کے اوراق پڑھیئے

از قلم ہجوم تنہائی

اب تھوڑی وہ زمانے ہیں کہ کہیں وہی چاہیئے۔۔
ہمیں اس دنیا سےکچھ بھی اب نہیں چاہیئے۔۔

دو چار خواہشوں کی ہماری چھوٹی سی فہرست تھی
پرزندگی سے وہی ملا جس پہ کہا اب نہیں
چاہیئے۔۔

واعظ نے گزاری ہے زندگی بلک بلک کر مانگتے جسے۔۔ 

اسی جنت نے ٹھکرایا زاہد تو بہت ہیں یہ اب نہیں
چاہیئے۔۔

کہتے ہیں ملے گا سب اس جہان میں اس جہان میں تو بس۔۔
چند سانسیں ہیں ملی اس سےبھی ہیں تنگ اور اب
نہیں چاہیئے۔۔

احباب مختصر کلام مختصر اب حاصل وصول کا تذکرہ کیا کرنا
ہمیں اور  لوگ تو کیا ہمیں تو ہم بھی اب نہیں چاہیئے۔۔

ہم نئے مزاج میں ڈھل چکے ہیں محفلوں سے اکتائے ہیں ۔۔
ہم رونقوں  ہجوم سے دورہیں اور تنہائی بھی اب نہیں چاہیئے۔۔

از قلم ہجوم تنہائی۔