Urduz Web Digest

Kuch guzarnay ki tarah umr rawaan guzri hay

• Syeda Vaiza Zaidi
• 0
• Posted on October 31, 2021June 20, 2023

وہ جو تھوڑی سی سر کوۓبتاں گزری ہے 

کچھ گزرنے کی طرح عمر رواں گزری ہے 

با ہمہ   خانہ خرابی    و ہمہ  رسوائی 

وہ جو گزری ہے پھر ایسی بھی کہاں گزری ہے 

کچھ مجھے یاد تو آتا ہے کہ جادو نگہی

جب مرا عہد جوانی تھا تو ہاں گزری ہے 

دل کا وہ حال ہوا ہے غم محرومی سے 

تم سے ملنے کی مسرت بھی گراں گزری ہے 

دور رہ کر بھی گزرنے کو تو گزری اے دوست 

ہر نفس آہ بلب شعلہ بجاں گزری ہے 

از قلم زوار حیدر شمیم