Salam Korea
By Vaiza Zaidi
قسط 3
گوارا ۔۔۔یون بن بے حد پریشان ہو چکا تھا اس نے ماسک اتار کر پھینکا اور گوارا کو جھنجھوڑ ڈالا
کیوں چلا رہے ہو۔۔۔ یون بن کے بری طرح جھنجھوڑ دینے پر وہ ایکدم پوری آنکھیں کھول کر بولی تھی۔۔۔
ٹچ ٹچ سارا کمرہ روشنی میں نہا گیا۔۔۔ گوارا کو بےوقوف بنانے کا پلان بنانے والا خود اسکے ہاتھوں بے وقوف بن چکا تھا۔۔۔ گوارا ہنستے ہنستے اٹھ بیٹھی یون بن حیران پریشان بیڈ کے کنارے ٹک گیا۔۔ اسکے چہرے پر سچ مچ ہوائیاں اڑ رہی تھی
تم مجھے ڈرانے آئے تھے ہا ہا۔۔ وہ ہنسے جا رہی تھی۔۔۔
جی ہائے نے آگے بڑھ کر دو تین لگا دیں اسے۔
جان نکال دی تھی تم نے ہماری۔ جی ہائے کے کہنے پر گوارا اس سے لپٹ گئ۔
اف دو رہٹو سارا کیچ اپ کپڑوں پر لگ گیا۔ اس نے جوابا فورا اسے دھکیلا تھا۔ گردن پر تکیئے پر اس نے پورا کیچ اپ الٹ رکھا تھا۔ اندھیرے میں تو خون ہی لگ رہا تھا۔ جی ہائے اپنے کپڑے جھاڑنے لگئ۔
جی ہائے کی بچئ تم سے یہ امید نہ تھی۔ اس کہہ سکی کی باتوں میں آکر تم مجھ سے غداری کر گئیں۔۔
اب منہ پھلانے کی باری گوارا کی تھی
پر تم نے نوٹ کیا یون بن کتنا اتائولا ہوگیا تھا تمہیں مرا ہوا سمجھ کر تڑپ تڑپ کر پکارتا۔کم سن نے چھیڑا
اف کیا منظر تھا ۔۔۔ کچھ بولتے نہ بنے بس گوارا گوارامنہ سے نکل رہا تھا۔
گوارا گوارا۔۔۔
سوچین نے بڑی اچھی نقل اتاری تھی ئون بن کی۔ ۔
مورگن اور سوچین یون بن کا ریکارڈ لگانے لگے۔
یون بن نے سر جھٹکا۔
وہ تو اف مجھے لگا تم مجھے دیکھ کر کہیں مر ہی نہ گئ ہو۔۔۔ وہ آہستہ آہستہ اپنی جون میں واپس آرہا تھا۔۔۔
اور اگر واقعی تمہارے اس بری طرح چونکا دینے پر گوارا کو کچھ ہو جاتا تو۔۔
کم سن نے کہا تو یون بن ڈھٹائی سے بولا۔۔۔
میں نئی گرل فرینڈ بنا لیتا۔۔۔
کیا۔۔۔ گوارا اسے مارنے لپکی وہ بروقت جھکائی دے گیا۔۔۔
مجھے یہ بتائو غداری کس نے کی ہے۔۔۔؟
مورگن کے کہنے پر سب سیدھا ہایون کی طرف مڑے اور پل پڑے۔۔۔ بے چارہ پٹے جا رہا تھا کہے جا رہا تھا میں نے کچھ نہیں کیا۔۔۔کم سن لبوں پر مسکراہٹ سجائے منظر دیکھ رہا تھا۔۔۔ گوارا نے ایک نظر اسے دیکھا پھر ہایون کو بچانے لگی
اسے چھوڑو بتائو یہ پھلتروں وغیرہ بجانے ہیں کہ نہیں۔۔۔ اسکے یاد کرانے پر سب ہایون کو چھوڑ جلدی جلدی سب چیزیں سیٹ کرنے لگے پٹاخے کی آواز کے ساتھ اسکے اوپر رنگیں پنیاں برسنے لگیں کم سن کے ہاتھ میں سنو سپرے تھا۔۔۔ ڈھیر ساری مبارک بادوں اور سالگرہ کے روایتی گانے کے ساتھ گوارا نے کیک کاٹا سب سے پہلے جون تائی کو کھلایا۔۔۔گوارا کی سالگرہ یادگار رہی تھی
۔۔سینگی چوکھدا ہمبندا ۔۔ وہ سب کورس میں گا رہے تھے۔
۔تم پیدا کیوں ہوئیں۔۔ یون بن نے چھیڑا جوابا اس نے ہاتھ میں پکڑا پورا کیک اسکے منہ پر مل دیا
ہایون پٹ کر بھی بد مزہ نہیں ہوا تھا اس وقت سب سے اونچی آواز اسکی ہی تھی۔۔
اور گوارا کے سوا بس وہی جانتا تھا کہ اصل غداری کی کس نے ہے۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صبح دفتر جا کر پہلی فرصت میں انہوں نے سجاد کو کال ملائی تھی۔۔۔
دس بج رہے تھے وہ ابھی تک سویا پڑا تھا۔۔۔
ہیلو۔۔۔ اس نے غنودگی میں شائد فون اٹھایا تھا۔۔۔
ہیلو سجاد بیٹا کیسے ہو۔۔۔
جی ٹھیک ہوں ۔۔۔ وہ شائد نیند خراب ہونے پر بد مزا ہوا تھا
معاف کرنا بیٹے شائد میں نے تمہاری نیند خراب کر دی مجھے لگا تھا دس بج رہے تو تم اٹھ چکے ہوگے۔۔۔
بس اٹھنے ہی والا تھا۔۔۔ وہ کھسیایا
آپ کہییے۔صبح صبح خیریت۔۔۔
ہاں خیریت ہی ہے وہ تم لوگوں کیلیئے آج شام میں دعوت کا اہتمام کیا ہے ۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ اور صارم بیٹھے ویڈیو گیم کھیل رہے کھیل کم لڑ زیادہ رہے تھے۔۔۔
تم ٹرک نہیں سیکھتی ہو سب بٹن ساتھ دبا تی رہتی ہو کوئی تو کام کرےگا ہی۔۔۔
اس نے بے حد چڑ کر کہا تھا
اریزہ نے ڈھٹائی سے مان لیا۔۔۔
ہاں مگر دیکھ لو میرا طریقہ کامیاب ہے۔۔۔ تم سوچتے رہتے ہار جاتے۔۔۔۔
دونوں ایکس باکس کو شائد آج خراب کرکے ہی اٹھنے والے تھے۔۔۔
اریزہ سب بٹن اکٹھے دبا رہی تھی تو دلاور جھنجھلا کر بار بار کنٹرول پٹخ دیتا تھا۔۔۔
صفیہ اندر کچن میں کھانا بنوا رہی تھیں۔۔۔ ملازمہ پورا گھر جھاڑتی پھر رہی تھی۔۔۔
اب تو اٹھ جائیں آپ لوگ پورا گھر صاف ہوگیا لائونج رہ گیا بس چوتھی بار آرہی ہوں
۔۔۔
ہمارا گیم پھنسا ہوا ہے تمہیں صفائی کی پڑی ہوئی۔۔۔ اریزہ کی نظریں ایل ای ڈی پر تھیں
یہاں کی صفائی رہنے دو ویسے بھی گندا نہیں ہے لائونج۔۔۔
دلاور کے کہنے پر کلثوم نے آنکھیں پھاڑ کر صاف لاوئونج کو دیکھا۔۔۔
دونوں نے ناشتہ یہیں بیٹھ کر کیا تھا سو برتن یہیں سجے تھے ۔۔۔ خالی کپوں پر مکھیاں بھنبھنا رہی تھیں سارے صوفے کے کشن ان دونوں کے گرد جمع تھے پہلو بدلنے پر کشن بغل میں داب لیا جاتا تھا فلور کشن پر بیٹھے تھے اور ایک ایک فلور کشن سینٹرل ٹیبل کو سیدھا کر کے اس پر ٹیک لگا کر بیٹھے کے لیئے کھڑا ہوا تھا۔۔۔ناشتہ کیے دو گھنٹے ہو چکے تھے تو اریزہ کرکرے کے پیکٹ اٹھا لائی تھی دلاور بھی ڈائٹنگ پر یقیں نہیں رکھتا تھا سو کولڈ ڈرنک کے کین اسکی طرف سے تھے اب خالی پیکٹ ہوا سے اڑ رہا تھا کچھ کرکرے کارپٹ پر بھی گرے پڑے تھے۔۔۔
آپ لوگ برتن تو کچن میں پہنچا دیتے ۔۔ وہ دیکھ کر روہانسی ہو چلی تھی
ابھی اتنا ڈھیر دھو کر آرہی ہوں۔۔
مت فکر کرو میں دھو دونگی۔۔۔ اریزہ نے گیم کے بیچ میں تسلی دی۔۔۔
کلثوم کو رتی بھر یقیں نہ آیا۔۔۔
اتنی آپ اچھی ۔۔۔
اریزہ نے گیم روک کر اسے گھورا
کیا کہا۔۔۔
میں کہہ رہی آپ بس یہاں سے اٹھ جائیں یہی بہت کر لوں گی میں سب خود۔۔۔
اس نے فورا جملہ بدلا۔۔۔ اریزہ اسکو دیکھتے دیکھتے سنٹ ہوئی پھر کھڑی ہو گئی صارم بھی گیم چھوڑ چھاڑ اٹھ کھڑا ہوا۔
کلثوم حیران اپنے بال وال ٹھیک کرنے لگی
کیا ہوا۔۔۔ انکا انداز عجیب تھا۔۔۔ پھر احساس ہوا کہ دونوں کا مرکز نگاہ اسکے پیچھے کوئی ہے۔۔۔
پلٹ کر دیکھا تو خود بھی سنٹ ہو گئ تھی۔۔۔
مرتضی ضبط سے سرخ چہرہ لیے سجاد کے ساتھ کھڑے تھے۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج ہاں آنٹی نے بتادیا تھا۔۔۔ سجاد بور ہوا
اچھا چلو کوئی بات نہیں
دوبارہ یاد دہانی ہوگئ ۔اچھا بیٹا مجھے تم سے اہم بات کرنی ہے تم ابھی کر سکتے ہو۔۔ وہ ہچکچائے
جی کہییے۔۔۔ سجاد جاگ تو گیا تھا سو سہولت سے بیڈ سایڈ ٹیبل پر ڈھکا گلاس اٹھا کر پانی پینے لگا۔۔۔
ایسا ہے کہ اریزہ کو اسکالر شپ ملی ہے کوریا جانے کی۔۔۔ ماشآللہ سے زہین تو بہت ہے میری بیٹی ۔۔۔ان کے لہجے میں فخر تھا۔۔۔ مجھے تو اسے بھیجنے میں کوئی اعتراض نہیں مگر سوچا کہیں تمہیں نہ ہو۔۔ ویسے بھی ابھی نکاح کے بعد کاغزات بنوانے میں تھوڑا وقت تو لگے گا اچھا ہےتب تک پڑھائی مکمل کرلے۔۔۔
کوریا جا کر؟ وہ ہنسا۔۔۔۔۔
بیٹا یونہی وقت ضا ئع کرنے کا کیا فائدہ۔۔۔ پھر یہ تو اسے ایک اچھا موقع ملا ہے جب تک تم نہیں بلاتے آرام سے پڑھ بھی لے گی۔۔۔
سجاد نے ایک پل کو سوچا پھر ہامی بھر لی
میری بات ہوئی ہے اس سے مجھے کوئی اعترض نہیں بھیج دیں اسے کوریا۔۔۔
بہت شکریہ بیٹا مجھے تم سے یہی امید تھی تم سمجھدار ہو پڑھے لکھے تمہیں کیا اعتراض ہوگا۔۔۔
وہ یکدم خوش ہوگئے تھے۔۔ تبھی انکے دیرینہ دوست کمرے میں داخل ہوئے۔۔ عادل صاحب کو دیکھ کر وہ فورا اٹھ کھڑے ہوئے تھے
ٹھیک ہے بیٹا پھر شام کو ملتے ہیں۔۔۔ فون کان سے لگائے لگائے انہوں نے مصافحہ کیا۔۔۔
ٹھیک ہے انکل پھر شام کو ملاقات ہوتی ہے۔۔۔ اس نے بھی رسمی جملوں کے تبادلے کے بعد فون رکھ دیا تھا۔۔۔۔
انکے دل کو یک گونہ اطمینان ہوا تھا۔ اریزہ میں حقیقتا انکی جان بند تھئ۔
انکے دوست نے بھی انکی بے ساختہ خوشی محسوس کر لی تھی۔ مصافحہ کرکے وہ گرم جوشی سے بولے
کس سے بات ہو رہی تھئ ۔۔
داماد سے اپنے۔۔۔ وہ مسکرا دیئے۔
تم سنائو کہاں تھے۔میں کارڈ لیکر خود گیا اریزہ کے نکاح کا تم پاکستان میں بھی نہیں تھے۔
انہوں نے خفگی جتائی۔ جوابا عادل معزرت خواہانہ انداز مین بولے۔
یار بیٹی کے پاس کینڈا گیا تھا۔۔ کچھ قانونی معاملات حل کرنے تھے۔ بہت خوشی ہوئی سن کے ماشا اللہ اریزہ کے فرض سے سبکدوش ہو گئے تم۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں اریزہ کو بتا چکا ہوں سب مجھے حیرت ہے آپ اب تک انجان تھے۔۔۔
میں نے امی کو صاف کہا تھا میں اپنی پہلی شادی چھپانا نہیں چاہتا اور چاہوں بھی تو چھپا نہیں سکتا میرا وہاں ایک مقام ہے میری بیوی کی حیثیت سے اسے میرا حلقہ احباب جانتا ہے اگر آپ نے بھی پتہ کروایا ہوتا تو آپ بے خبر نہ رہتے۔۔۔
سجاد نے عادت کے مطابق صاف بات کی۔۔۔
یہ انکی بالکل سب سے بڑی غلطی تھی۔۔خاندان دیکھا بھالا ہے رشتے داری ہو وہ کہیں نہ کہیں اندھا بھروسہ کر بیٹھے۔۔۔
میں جانتا ہوں پاکستان کے لوگ باہر سیٹل ہونے کیلئے کتنے اتائولے رہتے ہیں ۔ امی نے میری شادی کے حوالے سے بتا دیا مگر آنٹی کو معمولی اعتراض بھی نہ ہوا۔۔۔تو مجھے تو یہی لگا۔۔ اس نے جملہ ادھورا چھوڑ دیا۔۔۔
مرتضی ضبط کرنے کی کوشش میں بے حال ہو رہے تھے۔جبین سانس تک روک کر بیٹھی تھیں۔ اریزہ بالکل خاموش سر جھکائے بیٹھی تھی صارم الگ حیران پریشان باری باری سب کا چہرہ دیکھتا معاملہ سمجھنے کی کوشش کر رہا تھا۔۔۔
بہر حال۔۔۔ انہوں نے ہنکا رہ بھرا۔۔۔
میں نے فیصلہ کیا ہے اس معاملے کو یہیں ختم کر دیا جائے۔ میں پیپرز تیار کرواتا ہوں تم واپس جانے سے قبل یہ کام کر کے جائو۔ چونکہ غلطی ہم سے بھی ہوئی ہے۔سو میں یہ چاہتا ہوں کہ نہ تمہارے گھر سے نہ میرے گھر سے کسی قسم کی کوئی پیشرفت نہ ہو اور بنا ضد بحث خوش اسلوبی سے معملات نپٹا لیے جائیں۔ مرتضی کا انداز دو ٹوک تھا
سجاد نے گہری سانس لے کر کندھے اچکا دیے۔
جبین چیخ پڑیں۔
یہ کیا کہہ رہے ہیں ؟ طلاق دلوائیں گے بیٹی کو ابھی نکاح کو دن ہی کتنے ہوئے ہیں ۔۔ دنیا والے کیا کیا باتیں نہیں بنائیں گے۔
دنیا کے ڈر سے بیٹی کو درگور کر دوں۔ وہ چیخ پڑے۔
کہہ تو رہا ہے سنڈی کو طلاق دے دے گا۔۔۔ وہ منمنائیں
سال دو سال تک۔۔۔ اور اتنے عرصے میں اسکا ارادہ نہ بدلا تو۔۔۔ بیوی بچے کو چھوڑنا آسان ہے؟ اور چھوڑ بھی دے تو میں کسی اور کا گھر برباد کرکے اپنی بیٹی کا گھر بسا لوں۔؟
مرتضی کی آواز غیض سے کانپ اٹھی تھی۔ زندگی میں شائد پہلی بار وہ ان پر یوں چلا اٹھے تھے۔وہ سوچ بھی نہیں سکتے تھے انکی شریک حیات ان سے اتنی بڑی بات چھپا لے گی۔۔
پاپا میں انتظار کر لوں گی۔۔
ماں باپ کو دووبدو دیکھ کر اس سے رہا نہ گیا سو بول پڑی
آپ اس سے تو پوچھ لیں یہ کیا چاہتی۔۔۔
جبین یکدم مطمئن ہوئیں
تم نے پوچھا تھا اس سے۔۔۔ مرتضی کا سوال کڑا تھا
اور یہ چاہے نہ چاہے مگر میں اس کو کنوئیں میں کودنے نہیں دوں گا۔۔۔
یہ طلاق ہو کر رہے گی۔۔۔
پاکستانی پتہ نہیں کب سمجھیں گے ۔۔ جس کی زندگی کا فیصلہ آپ نے کیا۔۔۔ سجاد نے کھڑے ہوتے ہوئے جبین اور مرتضی پر باری باری نگاہ کی۔۔۔ اور آپ کر رہے ہیں اس کو بھی حق ہے اپنی کم ازکم رائے دینے کا۔۔۔
اریزہ نے جھٹکے سے سر اٹھا کر دیکھا۔۔۔
آپ لوگ بحث کر لیں مجھے کال کر دیجئے گا جو فیصلہ کریں۔۔۔
وہ کہہ کر رکا نہیں۔۔۔
اریزہ۔۔۔ مرتضی اس کے سامنے آکھڑے ہوئے۔۔
تم اپنی تیاری کر لو کوریا جانے کی۔ یہ معاملہ اب ختم ہی سمجھو۔
کیا ہو گیا ہے ہوش کیجئے شادی کوئی گڑیا گڈے کا کھیل نہیں ہے۔۔۔جبین بوکھلا رہی تھیں
تمہیں سمجھنی چاہیئے تھی یہ بات۔۔۔ مرتضی پحلق کے بل چلائے۔
اور تم اریزہ میں سوچ نہیں سکتا تھا تم مجھ سے اتنی بڑی بات چھپا سکتی ہو ۔ ماں نے جو بھی کیا ہو تمہارے ساتھ باپ پر بھئ رتی بھر بھروسہ نہیں کیا تم نے؟
اریزہ نے سر جھکا لیا آنکھ سے ٹپ ٹپ آنسو بہنے لگے
مگر۔۔۔۔ مرتضی۔۔۔۔۔جبین نے پھر کچھ کہنا چاہا۔۔
بس جبین تم نے اپنا اعتبار کھو دیا ہے۔۔۔ وہ ضبط کی انتہا پر تھے
اب اس معاملے پر ایک لفظ تمہارے منہ سے نہ نکلے
۔ تم نے اپنی ممتا کا حق وصول کر لیا۔۔ اب میری ایک باپ کا فرض ادا کرنے کی باری ہے۔۔۔
اریزہ میں نے فیصلہ کر لیا ہے تم کوریا جا رہی ہو۔۔
انکی بات پر اریزہ اور صارم کا واضح منہ کھلا رہ گیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسکا سارا دن مسجد میں نفل پڑھتے گزرا تھا۔
نہ بھوک لگ رہی تھی نہ پیاس کا احساس۔۔۔
فرض نماز کی جماعت لگتی تو فرض کی نیت باندھ لیتا۔ جب نماز پڑھتے تھکتا تو تسبیح شروع کر دیتا۔
وہ فجر کی نماز پڑھا کر گھر گئے اپنے معمول کے کام نپٹائے یونیورسٹی پڑھا کر عصر کے وقت آئے ظہر کی نماز کسی اور نے پڑھوا دی۔ وہاں انکی ڈیوٹی نہیں لگی جو نماز کیلیے موجود ہوتا ازان دے لیتا امامت کرا دیتا اس کیلیے بھی پہل کرنے کی بجائے انتظار کرتے جو ان میں سب سے با رعب شخص ہو وہ ہی امامت کرائے۔۔۔ اج جیسے وہ دیر سے آئے تو عصر کی انہوں نے امامت کرادی۔
پھر کچھ نو مسلم بچوں کو قرآن پڑھوانے لگے۔ کوریائ لب و لہجے سے عربی پڑھنا ہرگز آسان نہ تھا مگر ان بچوں کا شوق قبل دید تھا تھوڑا پڑھتے مگر پوری کوشش کرکے صحیح پڑھتے ۔ وہ رشک سے دیکھتے اجرکم علی اللہ زیر لب کہتے اور خدا سے اپنی اس کوشش پر فخر نہ کرتے بلکہ خدا سے معافی مانگتے رہتے ان بچوں کو سکھاتے مجھ سے کوئی کوتاہی سرزد ہو تو مجھے معاف کر دے مجھے ہدایت دے۔مغرب ہونے کو تھی جون جے کا سجدہ طویل ہو رہا تھا۔ وہ اسکو پریشانی سے دیکھ رہے تھے مغرب کی نماز کے بعدجب سب نمازی رخصت ہو گئے وہ کچھ سوچ کر اسکے پاس آگئے۔ وہ درود کی تسبیح پڑھ رہا تھا۔وہ وہیں بیٹھ کر اسکے فارغ ہونے کا انتظار کرنے لگے۔۔۔
وہ تسبیح ختم کرکے متوجہ ہوا۔۔ انہوں نے اسے اشارے سے نماز مکمل کرکے اٹھنے کو کہا۔۔
جون جے نے الجھن سے دیکھا
ابھی عشاء باقی ہے۔۔۔
مجھے تم سے بہت ضروری بات کرنی ہے میں باہر انتظار کر رہا ہوں۔۔۔
وہ کہہ کو اسکو جواب میں کچھ بھی کہنے کا موقع دیے بغیر باہر آگئے۔۔۔
چند منٹوں بعد جون جے بھی باہر آگیا۔۔ انہوں نے غور سے اسے دیکھا تھا اسکا وزن کچھ دنوں میں تیزی سے گرا تھا۔ اسکی سرخی مائل سفید رنگت میں زردی گھل رہی تھی۔۔۔ وہ آہستہ آہستہ چلتا مسجد کے باہر سیڑھی پر انکے ساتھ ہی آبیٹھا۔
تم یہاں آبیٹھے ہو تمہارے کپڑے گندے ہو جائیں گے اب تم نماز پڑھنا چاہو تو کپڑے بدل لینا۔۔
ہادی صاحب سرسری انداز میں کہہ رہے تھے علی نے چونک کر شکل دیکھی مگر وہ سنجیدہ تھے
آپ بھی تو یہاں بیٹھے ہیں آپ نماز نہیں پڑھیں گے؟اس نے پوچھا تھا وہ نو مسلم تھا ان سے ہر بات سیکھ رہا تھا
ہاں آج میں عشاء کی نماز گھر جا کر نہا کر کپڑے بدل کر پڑھوں گا۔۔۔
بے وجہ باجماعت نماز چھوڑنا درست ہوگا۔۔
میں نماز تو نہیں چھوڑ رہا اپنی سہولت کیلیے جماعت چھوڑ رہا۔۔۔
علی نے ہنکارہ بھرا۔۔ ویسے یہ سیڑھیاں روز صاف کی جاتی ہیں سارادن ان پر دھوپ پڑی ہے تو پاک نہیں ہو گئیں؟
عبدالہادی مسکرائے
صحیح ۔۔۔ دھوپ بھی پاک کر دیتی ہے۔ ہوا پانی سب ان سب کو استعمال میں لایا جا سکتا۔۔
آپ میرا امتحان لے رہے تھے علی مسکرایا۔۔
میری مجال۔۔ میں بس جاننا چاہ رہا تھا کہ تمہیں میری بتائی ہر بات یاد ہے کہ نہیں۔
مجھے سب یاد ہے۔۔۔ اس نے سب پر زور دے کر کہا۔۔وہ ایکدم تیز ہو کر بولے
پھر یہ کیسے بھول گئے کہ اسلام میانہ روی اختیار کرنے کا حکم دیتا رسول اکرم ص تہجد گزار بھی تھے مگر تہجد بھی چھوڑ دیتے تھے جو چیز فرض نہیں اسکو کرنا اچھا سہی مگر اسے چھوڑنا برا بھی نہیں۔۔۔تم فرض ادا کر رہے ہو مگر نفل در نفل صبح سے سے ادا کیے جا رہے ہو مجھے لگا تھا تم دوپہر میں کہیں باہر گئے ہوگے مگر ملازم بتا رہا تھا تم صبح سے کھائے پئے بنا بس عبادت میں مصروف ہو کیوں؟ میں نے کب رہبانیت کا درس دیا۔۔۔ ہم کھاتے پیتے ہیں کماتے ہیں اور پھر خدا کا شکر ادا کرتے دنیا چھوڑ کر بس عبادت کا درس تو رسول ص نے نہیں دیا۔۔۔ تم نے اسلام کو اتنا مشکل مزہب کیسے سمجھ لیا یہ دین تو آسانیان پیدا کرنے کیلیے ہے۔۔
میں اسلیے نماز نہیں پڑھ رہا تھا کہ بس میں عبادت کرتا رہوں میں نفل بھی نہیں پڑھ رہا تھا۔۔۔ علی کی آنکھوں میں آنسو آگئے۔۔۔ میں آپ جیسا اچھا تلفظ نہیں رکھتا مجھے سب یاد بھی نہیں رہتا میں نے بس یہ چاہا میں آج ایک نماز کم ازکم ایسی پڑھ لوں جو اللہ کا حق ادا کر سکے مگر کبھی مجھے لگتا میں تیزی سے نماز پڑھ گیا کبھی کوئی سجدہ بھول جاتا۔۔۔ مجھے جب لگتا نماز میں کو ئی کمی رہ گئی تو دوبارہ پڑھ لیتا۔۔۔ مگر میں آج ہار گیا مجھے بارہا بیت الخلا جانا پڑا مجھے وضو کئی بار کرنا پڑا مگر میں پھر بھی آج ایسی کوئی نماز ادا نہیں کر سکا جو قبول ہو سکتی ہو۔۔۔ وہ سر جھکا گیا شرمندگی سے
عبدالہادی اسے حیران نظروں سے دیکھ رہے تھے۔۔۔ انہیں اس میں آج کوئی الگ ہی انسان نظرآرہا تھا معصوم فرشتوں سا چھوٹا سا کوئی بچہ جیسے۔۔۔
تم نے خود کو ناحق مشکل میں ڈالا۔۔۔ وہ کچھ توقف سے بولے۔۔۔
عملوں کا دارومدار نیتوں پر ہوتاہے تم جب وضو کیلیئے کھڑے ہوئے تمہاری نماز کی پہلی نیکی لکھ دی گئ۔۔۔ تم نے پہلا سجدہ کیا تمہاری نماز میں حاضری لگ گئی۔۔ تم نماز میں بھولے۔۔کیونکہ شیطان کو تمہاری نماز سے خوف محسوس ہوا۔۔۔ تم نے دوبارہ نماز پڑھی۔۔۔
شیطان تلملایا۔۔۔ اس نے تمھارے دل میں وسوسہ ڈالاکہ خدا تمہاری نماز قبول نہ کرے گا۔۔۔ تم بار بار نماز پڑھتے رہے شیطان نے تمہیں تھکا ڈالا۔۔۔ کیا تمہیں سجدہ سہو کے بارے میں نہیں بتایا میں نے؟
غلطی پتہ لگی سجدہ سہو۔۔۔ شک گزرا درگزر کرو۔خدا معاف کرنے والا ہے۔۔ تمہارا کام عبادت کرنا ہے تمہاری عبادت قبول کرنا خدا کا کام ہے جو بے نیاز جو رحمان اور رحیم ہے۔۔ جو ضروری حاجات کو بر لانے کا حکم دیتا پھر سجدہ قبول کرتا۔
تم حضرت علی کرم اللہ وجہہ سے زیادہ اچھی نماز پڑھ سکتے ہو جو دوران نماز سائل کا سوال سن لیتے ۔۔ سائل نے انکی انگلی سے انگوٹھئ اتارئ تھی۔۔ تم رسول خدا کے اس قول کو نہیں سمجھے میری ماں اگر مجھے نماز میں آواز دیتی تو میں اسکی پکار پر پہلے جواب دیتا۔۔۔ نماز فرض ہے مگر باقی دینوی احکامات بھی فرض ہیں ۔۔۔ ان سے رو گردانی جائز نہیں۔۔۔
کیا مین نے غلط کیا؟
علی نے پوچھا تھا
آئندہ ایسا مت کرنا ۔ نماز پڑھو مگر دنیا سے کٹ کر نہیں۔ اگر خدا کو صرف عبادت درکار ہوتی تو اکیلے نماز پڑھنے کا حکم دیتا مگر وہ مسلم امہ کو ساتھ رہنے ایک دوسرے سے رابطہ رکھنے کا حکم دیتا ہے۔۔۔
ایک ایسی نماز جو تمہیں خود پر فخر دلا دے کہ تم نے عبادت کا حق ادا کر دیا سوائے شیطان کے کسی نے ادا نہیں کی۔۔۔۔۔ اور جس نےایسا سوچ کے کیا اس نے شیطان کی پیروی کی۔
ایسا دعوی تو کبھی کسی نبئ نے بھی نہ کیا جو پیدا ہی معصوم ہوئے تھے۔
انکا حرف حرف اسکے دل پر اثر کر رہا تھا۔
تم نے دنیا کیلیے دین چھوڑا تھا اب دین کیلئے دنیا چھوڑ تے جا رہے ہو۔۔۔ غلط تم تب بھی تھے صحیح اب بھی نہیں ہو۔۔۔
عبدالہادی کا نرم انداز۔ وہ خاموشی سے سر جھکاتا گیا۔ جوابا انہوں نے اگلی نصیحت بھی کردی۔۔
اور اپنی ماں سے ملو جا کر خفا ہیں منائو۔۔ تمہارے مزہب بدل لینے نہ انکا حق تم پر کم ہوا ہے نہ درجہ۔۔
علی ایکدم چپ ہو کر دیکھ رہا تھا۔۔۔
چلو ہم اکٹھے کھانا کھاتے ہیں ۔۔۔
انہوں نے ایکدم بات بدل دی۔۔۔ علی نے اثبات میں سر ہلا کر ساتھ چلنے کا عندیہ دےدیا۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔………. ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم پاگل تو نہیں ہو گئی ہو اریزہ۔۔۔ تمہارا باپ تمہاری محبت میں اندھا ہو کر فیصلہ کر رہا ہے تم ہی روک سکتی ہو اسے ابھی نکاح کو دن کتنے ہوئے طلاق کا داغ لگوا لو گی تم ؟ جانتی دنیا والے کیا کیا الزام نہ دیں گے ۔۔۔ امی اسکو سمجھانے آئی تھیں۔۔۔۔
اسے اپنی ماں دنیا کی سب سے بے رحم ماں لگی تھئ۔۔
تمہارا باپ ابھی میری بات نہیں سنے گا مگر تم اسے روک سکتی جائو کہو انہیں جا کر تم یہ رشتہ نبھانا چاہتی ہو۔۔۔وہ بے تابی سے بنا رکے کہے جا رہی تھیں
آپ اب بھی ۔۔۔ اریزہ تاسف سے دیکھ کر رہ گئی۔۔۔
وہ اسکا بازو تھامے آنکھوں میں آنسو لیے منت کر رہی تھیں۔۔
ایسی ہی روتی ہوئی وہ انکے پاس آئی تھئ۔
امی پلیز منع کردیں مجھے سجاد بھائئ نہیں پسند۔
پھر کیا کوئئ اور پسند ہے۔۔
وہ ایکدم الرٹ سی ہوئیں۔۔
نہیں مگر امی میں جیسا۔۔ وہ جھجک سی گئ۔
وہ مزاج کے لحاظ۔ سے۔۔ انکی شخصیت۔ امی مجھے بس وہ اپنے سے بہت مختلف لگتے ہیں بڑے کتنے ہیں وہ امی میں۔۔
وہ ماں کو دوست سمجھ کر دل کی بات کردینا چاہتی تھی۔
تو ؟ کم عمر لڑکا ڈھونڈو جو تم جیسی بے ڈھنگی لڑکی کو سنبھال بھئ نہ سکے۔ اریزہ بچوں والی حرکتیں چھوڑدو بس۔ اب شادی ہونے لگی ہے تمہاری تم۔۔۔۔ آگے کی لمبی تقریر وہ ڈبڈبائئ آنکھوں سن کانوں سے بس شاکی ہی دیکھتی رہی۔۔
اب وہی منظر تھا مگر آج ماں اسکے سامنے لجاجت سے کہہ رہی تھی۔۔۔ اس لمحے نے اس سے دوٹوک فیصلہ کروالیا۔۔
اس نے گہری سانس لے کر سختی سے بازو چھڑایا۔۔
میں ایسا ہرگز نہیں کروں گی۔۔۔ وہ کہہ کر تیز تیز قدم اٹھاتی کمرے کی طرف بڑھ گئ۔۔
اب بھی امی کو لگتا ہے وہ مجھے میری مرضی پس پشت ڈالنے پر مجبور کرلیں۔گی۔
دروازہ زور سے بند کرتے وہ بڑ بڑائی تھئ۔ پھر دروازے سے ہی ٹیک لگا کر کھڑی ہوگئ۔
اریزہ میں نے فیصلہ کر لیا ہے تم کوریا جا رہی ہو۔۔
باپ کے الفاظ کان میں گونجے تو ایکدم ہی اسکے اندر جوش سا بھر آیا۔
سنتھیا۔ وہ تیزی سے موبائل اٹھانے دوڑی۔۔ بیڈ پر سے موبائل اٹھا کر اس نے سنتھیا کو کال ملائی اسکے ہیلو بولنے پر بلا تمہید بولی۔
سنتھیا میں بھی تمہارے ساتھ کوریا جا رہی ہوں۔
ہیں کیا۔؟ وہ کمرشل میں شاپنگ کر رہی تھی۔ کوٹ اپنے ساتھ لگاتے سمجھی نہیں۔۔
کوریا بابا مجھے کوریا بھیج رہے ہیں۔
کیا ؟ واقعی۔۔ سنتھیا اتنی زور سے چیخی تھی کہ دکان میں لمحہ بھر کو سناٹا چھا گیا۔ بل بناتے دکاندار کے ہاتھ سے کیلکولیٹر گر گیا۔
ہاں بابا مان گئے مجھے بھیج رہے ہیں کوریا
وہ کھلکھلائی۔
ایک منٹ۔
سنتھیا نے کان سے فون ہٹا کر دکاندار کو کہا
اسی کوٹ کا لارج سائز بھئ نکالیں۔ اور دونوں کی دینے والی قیمت بتائیں۔۔
اف مجھے یقین نہیں آرہا میں۔ دوسرے ملک جا رہی ہوں۔۔۔
اریزہ کان پر چلا رہی تھی۔
مجھے بھی نہیں آرہا یقین۔ سنتھیا کا بس نہیں تھا کہ دکان میں اچھلنا شروع کردے۔
یا ہو۔۔۔۔۔اریزہ اپنے کمرے میں تھی سو کسی کی پروا نہ تھی گھوم گھوم کر بتاتئ اچھلتی بیڈ پر دھم سے گری تھئ۔
اف میں نے منت مانی تھئ کہ تمہیں کوریا جانے کی اجازت مل جائے تو وہاں چرچ میں جاکے نیاز دوں گئ اف۔ مجھے بہت خوشی ہورہی ہے۔
سنتھیا کے لہجے میں محسوس کی جانے والی خوشی تھی۔ اریزہ مسکا دی
اور میں شکرانے نفل ادا کروں گی
تھینک یو اللہ میاں ڈھیر سارا لو یو۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سچ مجھے یقین نہیں آرہا واقعی تمہیں طلاق ہو رہی ہے۔۔۔ سنتھیا بے ساختہ اس سے لپٹ ہی تو گئی۔۔۔
مچ مجھے طلاق ہو رہی ہے یا ہو۔۔۔ اریزہ نے اسے لپٹا کر گول گول گھما ڈالا۔۔
ایڈون انکو خوشی سے اچھلتے دیکھ کر مصنوعی تاسف سے ٹچ ٹچ کرکے بولا۔۔۔
یہ وقت بھی آنا تھا طلاق کی مبارک باد دی جا رہی ہے۔۔۔ قیامت آنے والی ہے لگتا ہے۔۔۔
اریزہ نے گھومتے گھومتے گھورا مگر خوش تھی سو جانے دیا۔۔۔ اسے خوش ہونے کی دوسری وجہ یاد آئی۔۔۔
ہم شمالی کوریا جا رہے ہیں ۔۔۔ یاہو۔ اریزہ سے چھٹ کر سنتھیا چکراتی چکراتی فٹ پاتھ پر ڈھیر ہوئ مگر اریزہ آج پوری مستی میں تھی۔۔۔
خدا نہ کرے اچھا اچھا بولو۔۔۔ ہم جنوبی کوریا جا رہے ہیں۔۔۔
ایڈون نے منہ بنا کر تصحیح کی۔۔۔
ہاں ہاں وہی جنوبی کوریا شمالی کوریا میں تو جنگ ہو رہی نا۔۔۔ اسے یاد تھا
جنگ نہیں ہورہی ڈکٹیٹر کی حکومت ہے بدترین وہ بھی۔۔۔
سنتھیا نے معلومات میں اضافہ کیا۔۔۔
وہ۔لوگ اپنے کیمپس کے احاطے میں بیٹھے تھے۔
ویسے یار تمہارے بابا سجاد کی شادی کا سن کر غصے میں آئے طلاق کا مطالبہ بھی کر دیا مگر کوریا بھیجنے پر تیار کیسے ہوگئے۔۔۔۔۔۔
سنتھیا کو۔بڑے دور کی سوجھی اریزہ اور ایڈون بھی سوچ میں پڑے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں ٹوٹ سا گیا ہوں عادل۔۔۔
مرتضی کرسی کی پشت پر سر ٹکا کر آنکھیں بند کرتے ہوئے بولے تھے۔اپنے دفتر میں پہلی دفعہ اپنے خاندان کا کوئی کیس تیار کررہے تھے وہ بھی اپنی سگی بیٹی کی طلاق کا معاملہ۔
اپنی بیٹی کی طلاق کے کاغزات بنوانا کسی باپ کےلیے آسان کہاں ہوتا۔۔۔ عادل نے تاسف سے کہا۔۔۔
مجھے معاف کر دو اس دن اتفاقیہ ذکر نکل آیا میرے فرشتوں کو بھی خبر نہ تھی کہ سجاد تمہارا داماد ہوگا۔ میں تو بس اپنی بیٹی کی جائداد کے کیس کے بارے میں۔۔۔۔
اور اگر تمہیں پتہ ہوتا تو نہ بتاتے۔۔ طالب نے ترچھی نظر ڈالی۔۔ وہ سر جھکا کر رہ گئے۔۔۔
ایک طرف میں شکر ادا کر رہا ہوں یہ معاملہ شادی سے قبل کھل گیا تو دوسری طرف خود کو کوس بھی رہا ہوں میں نے اپنے طور سے تحقیقات کیوں نہ کرائی کیا مجھے نہیں پتہ تھا تمہارا آدھا خاندان کینڈا میں ہے تم سے ذکر کرلیتا تو آج یوں میری بیٹی پر داغ تو نہ لگتا۔۔
ایسے مت کہو اتنی پیاری بچی ہے سچ تو یہ ہے میں اپنے فرحان کیلیے سوچتا تھا تم نے اچانک اسکا نکاح کردیا ورنہ میں اور میری بیوی آنا چاہ رہے تھے
بلکہ تو اس معاملے کو ختم کر ہم آئیں گے میں آج ہی اپنی بیوی سے بات کرتا ہوں۔۔۔
وہ یکدم پر جوش ہوئے
نہیں اب میں کوئی بھی فوری فیصلہ نہیں کروں گا
مرتضی کا انداز قطعی تھا
میں اریزہ کو اسکالر شپ پر کوریا بھیج رہا ہوں اسکی تعلیم مکمل ہونے سے پہلے میں اسکی شادی کا سوچوں گا بھی نہیں۔۔۔وہ پڑھے گی اکیلی رہے مضبوط ہوگی میری بیٹی ہو کر وہ اتنی کمزور کیسے رہ گئی کہ انتہائی ناجائز بات مان کر زندگی برباد کرنے جا رہی تھی۔ کل کو میں اسکے سر پر نہ رہا اسکو تو دنیا سالم نگل جائے گی۔ اب بھی میں اگر ڈٹ نہ جاتا تو وہ شائد ماں کے دبائو میں آکر مان جاتی اس رشتے کو نبھانے میں۔۔۔ ۔۔۔
وہ بے چینئ سے کنپٹی مسل رہے تھے۔
عادل ایمان سے بتائو کیسے کیسے کیس نہیں دیکھے ہم نے فیملی کورٹ میں۔۔کیا کیا ظلم نہیں ہوتے بچیوں پر ان میں سے کچھ بھی کبھی سہنا پڑ جائے یا اپنے حق کیلیے لڑنا پڑ جائے تو اریزہ تو پہلے مرحلے پر ہار مان لے گی۔۔ وہ تو اتنی لاڈلی ہے کہ کبھی گاڑی خراب ہو تو یونیورسٹی نہیں جاتی پبلک ٹرانسپورٹ تک استعمال کرنا نہیں آتا اسے۔۔۔ میں اسکی زندگی کی کیا گارنٹی دے سکتا کہ اسکو کبھی کوئی مسلئہ کوئی پریشانی نہیں آئے گی۔۔۔
تو بہت جزباتی ہو کر سوچ رہا۔ ٹھیک ہے برا ہوا مگر مزید برا بھی ہو سکتا خدا نے بچا لیا تجھے بھی اریزہ کو بھی۔۔۔
عادل صاحب نے سمجھانا چاہا
یہی تو۔۔۔ یہیں غلطی کرتے ہیں ہم۔۔۔ وہ تیز ہو کر میز پر ہاتھ مار کر بولے۔
مزید برا نہیں ہو ا یہ سوچ کر تسلی دیتے خود کو ۔
اپنی بیٹی کو نازوں سے پالنا کافی نہیں ہے یار ہمیں بیٹی کیلیے بھی اسی طرح سوچنا ہوگا جیسے بیٹے کیلیے سوچتے ہیں۔۔ مجھے ہی دیکھ لو
میں چاہتا تھا میرا کوئی بچہ وکیل بنے یہ خواب میں نے اریزہ کیلیے نہیں دیکھا حماد نے ایل ایل بی شروع کیا میں مطمئن ہو گیا۔۔ اریزہ پڑھائی میں اچھی تھی تقریریں وغیرہ کرتی ہمیشہ انعام لے کر آتی مین بہت خوش ہوتا تھا بس۔۔۔ اسکے حوالے سے میں نے کبھی کوئی خواب دیکھا ہی نہیں۔۔۔ وہ کہتی سی ایس ایس کرنا میں نے صرف یہ سوچا ٹھیک ہے خرچہ اٹھا لوں گا۔ بس کبھی اسے کامیاب ہوتے دیکھنے کی خواہش ہی نہ کی۔ ۔۔ شادی کو ذمہ داری سمجھا بس ۔۔ نتیجہ دیکھ لو ۔۔۔
اس نے خود بھی اپنے آپ کو سمیٹ لیا خواب پورے کرنے کیلیے کوشش چھوڑو خواب دیکھنا ہی چھوڑ دیے۔۔ اس نے پتہ ہے ایک نظم لکھی تھی اسکی یونیورسٹی کے میگزین میں چھپی ہے اسکے استاد نے مجھے میل کی اور کہا میں ایک بار اسے پڑھوں اور پھر فیصلہ کروں کہ اسے اسکالر شپ پر باہر بھیجنا ہے کہ نہیں۔۔۔ ۔۔ انکی آنکھون میں آنسو آگئے تھے انہوں نے لیپ ٹاپ کا رخ انکی جانب کردیا۔۔۔۔ عادل کچھ نہ سمجھتے ہوئے دیکھ رہے تھے۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزاد نظم تھئ شائد کچھ کمیاں کجیاں بھی ہوں گی مگر انکو تو اس تتلی میں سمٹتی اریزہ دکھائی دے رہی تھی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں تتلی ست رنگی۔۔
ایک گلستان میرا گھر ۔ میں اڑتی تھی
ہوا کے سنگ۔۔۔
میری پرواز نیچی تھی۔۔۔ میرےخواب ستاروں کے تھے
میں باد سموم کی عادی۔۔۔
روز
اونچی اڑان بھرتی
پھر اک دن۔۔ ہوا تند ہوئی۔
۔ اپنی ہی دھن میں اڑتی تھی میں
مجھے کیا خبر تھی کوئی طوفان آگھیرے گا۔۔۔
کوئی باد مخالف میرے نازک پروں کا امتحان لیتی۔۔۔
مجھے سنگ اڑا لے گئ۔۔ مجھے گلستاں سے باہر کسی بیاباں میں لا پھینکا
میں زخم زخم اپنے پروں کو سمیٹے تپتی دھوپ میں پڑی سوچتی ہوں
مجھے گلستان نے پھولوں پر بٹھایا مگر
میں تو ایک تتلی ہوں
کمزور جان
نہ میرے پر مضبوط
نہ مجھ میں موسم کے سرد وگرم جھیلنے کی طاقت
مجھے بتایا تو ہوتا
اگر طوفان کا اندیشہ ہو تو۔۔
اڑان نہ بھرنا۔۔۔
کہا تو ہوتا کہ باد مخالف
گلستاں سے نکال سکتی ہے مجھے۔
نہ مجھے یہ سکھایا
بیاباں میں کیسے پر سمیٹنے ہونگے
میں اپنے رنگ کھو کر جان پائی ہوں
یہ دھوپ جو کبھی مہربان تھی مجھ پر
گلستاں سے باہر مجھے جلا دےگی
گکستاں کی سب غلطی ہے
مجھے اتنا تو مضبوط بنایا ہوتا
میں مقابلہ کرتی تند ہوا کا۔۔۔
چبھتی دھوپ کا۔۔۔
میرے پر نہ ٹوٹتے۔۔
میں گلستاں میں واپس آ سکتی
یا پھر
مجھے پرواز ہی نہ دی ہوتی۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس نے دروازے پر لگی بیل بجائی اور پیچھے ہو کر کھڑا ہو گیا۔۔۔
سی سی ٹی وی کیمرہ میں اسے اندر دیکھ لیا گیا تھا۔۔
کھا جا۔۔۔۔۔ میں تمہاری شکل بھی نہیں دیکھنا چاہتی۔۔
بیل کے ساتھ اسپیکر پر اسے درشت انداز میں دفع ہو جانے کو کہا گیا تھا۔۔۔
اس نے چند لمحے حسرت سے دیکھا تھا بیل کو۔۔۔
پھر سی سی ٹی وی کیمرے میں لبوں پر دو انگلیاں رکھ کر خلا میں دکھائیں یہ ہوائی بوسہ تھا پھر اسپیکر کے قریب چہرہ لا کر بولا
آہمو جی اپنا بہت خیال رکھیے گا میں ٹھیک ہوں اور آپ سے بہت پیار کرتا ہوں۔۔۔ ہو سکے تو مجھے معاف کر دیں۔۔
کہہ کر وہ آنکھیں صاف کرتا پلٹ گیا تھا۔۔۔۔۔
۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
#
۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔
ہایون شا۔۔۔
انی دروازے پر دستک دے کر پکاری تھیں
نونا۔۔ ۔۔
وہ بیڈ پر اوندھا لیٹا میگزین کی ورق گردانی کر رہا تھا جب اسے مبہم سی آواز سنائی دی۔۔۔
کانوں میں لگے ہیڈ فون میں فل والیم میں شن ھی کا گانا چل رہا تھا اس نے ہیڈ فون اتارا۔۔۔ نونا۔۔ کی پھر آواز آئی
نونا آئیں اندر آئیں۔۔۔ وہ سیدھا ہو بیٹھا۔۔۔
کیسے ہو بھائی ۔۔ وہ شائد ابھی آفس سے آئیں تھیں بلیک فارمل سے لانگ اسکرٹ کوٹ میں ملبوس ہمیشہ سےزیادہ پروقار اور بارعب
کندھے سے لٹکا سیاہ بیگ انہوں نے اتار کر بیڈ پر رکھا اور اسکے سامنے بیٹھ گیئں۔۔
میں ٹھیک ہوں وائو نونا بہت پیاری لگ رہی ہیں۔۔۔
انی کھلکھلا دیں
گوما وویو۔۔۔ انہوں نے ایک ادا سے تعریف وصول کی پھر سنجیدہ ہو بیٹھیں۔۔
تم مصروف تو نہیں ہو
نہیں کہیئے کیا کام ہے۔۔۔وہ مئودب ہوا۔۔
میں نے تمہارے لیے بلائنڈ ڈیٹ ارینج کی ہے بہت پیاری لڑکی ہے جا کر مل لو۔۔۔
وہ مزے سے بولیں ہایون نے حیران ہو کر انکی شکل دیکھی تو کھلکھلا کر ہنس دیں
مزاق کر رہی ہوں۔
ہایون انکے انداز پر مسکرا دیا
۔۔ ایک کام ہے کل لازمی کرنا ہے۔ یہ کچھ ڈیزائن ہیں انہوں نے بیگ سے ایک لفافہ نکال کر اسے تھمایا
کیسے ڈیزائن اس نے یونہی لفافہ کھولا تو بالشت بھر کے کئی صفحات نکل آئے
تجریدی فن ہے تمہیں سمجھ نہیں آئیں گے وہ شرارتی انداز میں بولیں
اسے واقعی سمجھ نہیں آئے کندھے اچکا کر واپس لفافے میں ڈال دیے
اسکو اس پتے پر پہنچانا ہے۔۔ انہیں یاد آیا تو بیگ سے اپنا گلابی کلچ نکال کر اس میں سے ایک پرچی نکال کر اسے تھمائی۔۔۔
ہایون کی نظر انکے کلچ پر جم گئی۔۔
پکڑو ۔۔ انی نے ہاتھ بڑھایا ہوا تھا اس نے گہری سانس لے کر پرچی تھام لی۔۔۔
کون ہوگا یہاں۔۔۔
ہوپ ۔۔
ایک لڑکی ہے اس ریستوران میں پارٹ ٹائم جاب کرتی ہے۔۔۔ ویسے ریستوران اچھا ہے کسی دن ہم چلیں گے۔۔۔
کل ہی چلیں۔۔۔
ہیونگ سک نے کہا تو وہ منہ لٹکا کر بولیں
کل کا ہی تو مسلئہ ہے رات کو بوسان جا رہی ہوں دو دن بعد آپائوں گی۔۔ ورنہ میں خود دے آتی اس لڑکی کو۔۔ خیر کل لازمی دیے آنا بھولنا مت یہ اسے چاہیے ہونگے اسکی محنت ہے ایک ہفتے سے میرے پاس پڑا ہوا ہے کیا سوچتی ہوگی میں اسکے ڈیزائن ہڑپ گئی۔۔۔
دے آئوں گا۔۔ ہایون نے تسلی کرائی
شکریہ پیارے بھائی ۔۔ وہ کہتی اٹھ کھڑی ہوئیں
میں تھوڑا آرام کر لوں بہت تھک گئ۔۔۔ وہ کنپٹی سہلا رہی تھیں
نونا ۔ اسے جانے کیا خیال آیا انہیں پکار بیٹھا
ہممم وہ جاتے جاتے مڑ کر دیکھنے لگیں
آپکا کلچ بہت پیاراہے۔۔۔
واقعی۔۔ تمہیں پسند آیا ۔۔۔ شکریہ۔۔
وہ بے ساختہ خوش ہوئیں۔۔۔
مجھے پہلی نظر میں پسند آگیا تھا یہ۔۔۔
مجھے بھی۔۔ ہایون نے زیرلب کہا تھا۔۔
نونا ہاتھ ہلا کر اسے بائے کہتی باہر چلی گئیں وہ پلٹ کر بیڈ پر ٹکا اور سائڈ ٹیبل کی دراز کھول کر نفیس سے بیگ سے کلچ نکال کر دیکھنے لگا۔۔
بالکل وہی برانڈ وہی ڈیزائن۔۔
آپ تو یہی لے چکی ہیں اب میں یہ کس کو دوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھے دو نا۔۔
اریزہ چلائئ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ لان میں ٹہل ٹہل کر اپنا وزن کم کر رہی تھی جب دلاور ہاتھ میں ٹکٹ لہراتا جھوم جھوم کے گنگناتا آیا۔۔
دوست دوست نہ رہا پیار پیار نہ رہا زندگی ہمیں تیرا اعتبار نہ رہا اعتبار نہ رہا۔۔ ہک ہائے
وہ دھم سے گارڈن چیئر پر گرا۔۔۔
اب کیا دکھ پہنچ گیا تمہیں ۔۔۔ اس نے موبائل سے سر اٹھائے بغیر پوچھا تھا ٹہلتے ٹہلتے پلٹی
بہت بھاری دکھ ہے بھاگم بھاگم خوارم خواری کے بعد فرسٹ ڈے فرسٹ شوکے ٹکٹ لایا ہوں اور کمینہ معاز جا نہیں رہا اپنی گرل فرینڈ کو کراچی سے آگے دکھانے لے جا رہا ہے کمینہ لچہ ٹون ٹون۔۔۔۔۔ اس نے اگلی گالیاں سنسر کر دیں
اب میں کس کے ساتھ جائوں؟
فلم کا سن کر اریزہ بھاگ کر پلٹی
میں ہوں نا مین مر گئ ہوں کیا؟ مجھے دو
دو نا کونسی فلم ہے؟
اریزہ نے دلاور کے ہاتھ سے ٹکٹ کھینچا۔۔
آرام سے پھٹ جائے گا۔۔۔ وہ ڈر کر چلایا پھر خود ہی گرفت کمزور کر دی اور منہ بنا کر جتایا
انگریزی فلم ہے۔۔۔
تو ؟اریزہ نے ابرو چڑھائے
میرے خاندان کی سات پشتوں میں کوئی انگریز نہیں گزرا تو کیا ہوا میں کنڈرگارٹن سے انگریزی سیکھ رہی ہوں سمجھ سب آتا مجھے۔۔۔
سب ٹائٹلنگ پڑھ پڑھ کر ۔۔۔۔
وہ ہنسا۔اس پر بھی ہر دوسرے ڈائلاگ پر میرا بازو دبوچ کر پوچھتی ہو اب کیا کہہ رہا ہے یہ۔۔۔ وہ اسکا مزاق باقاعدہ نقل اتارتے ہوئے اڑا رہا تھا۔۔۔
اریزہ کھسیا گئ
وہ تو مجھے انکے لہجے سمجھ نہیں آتے ہم کتنا رواں بات کرتے ایک ایک لفظ الگ صاف سمجھ آتا یہ تو بولتے ہی آدھے آدھے لفظ ہیں۔۔۔
اسکی اپنی منطق تھی۔۔۔
یہ تمہارا نہیں اردو کا کمال ہے ۔ ایسی نغمگی والی زبان ہے جو منہ کی مکمل ورزش کرواتی اور دنیا کی ہر آواز کو بولنے لکھنے کے قابل ہے۔۔۔ جس کا اردو میں رواں لہجہ ہو وہ دنیا کی ہر زبان کا ہر لفظ بول سکتا ہے۔۔۔
واہ واہ مکر ر مکرر۔۔۔ اریزہ سر دھننے لگی سراسر اسکا مزاق اڑارہی تھی
جا تو رہی ہو کوریا ہنگل تمہیں آتی نہیں انگریزی بولتے جان جاتی ہے کیا کروگی وہاں۔۔۔
میرے ساتھ سنتھیا ہوگی۔۔۔ اور ٹھیک ہے بولنے میں تھوڑا شائی ہوں مگر انگریزی آتی تو ہے مجھے اتنے مقالے لکھے ہیں میں نے اسائنمنٹ بناتی ہوں اب اتنا گیا گزرا تو نہ سمجھو مجھے۔۔۔ وہ برا مان گئی تھی
یہی تو تم کوشش نہیں کرتی ہو جب اتنی اچھی گرفت ہے انگریزی پر تو بولنے میں کیا مسلئہ۔۔
مسلئہ پاکستانی زہنیت ہے۔۔۔ وہ جھلائی
غلط اردو بول لو کچھ نہیں ایک لفظ انگریزی کا غلط بول لو سب مزاق اڑائیں گے۔۔۔ اب ہم بچپن سے سیکھتے مگر بولنا ہر کسی کے بس کی بات نہیں کیوں؟
کیوں۔۔۔صارم جانتا تھا اب کوئی نئی تحقیق اس کے گوش گزار کی جانے والی ہے
وہ اسلیے آپ صرف اس زبان کے ماہر ہوتے جس میں آپ بات کرتے۔۔۔۔۔۔ سوائے کام کے کہ جب آپ کو پڑھنا ہو یا آفس ورک کے انگریزی اور کام کہاں آتی ہے ؟
ہم ایک دوسرے سے رابطہ اردو میں ہی کرتے ہم سے انگریزی میں رٹے لگوا لیے جاتے مگر کھوپڑی میں ہمارے وہی گھستا جو ہمیں اردو میں سمجھایا جاتا
ہر کسی کے ساتھ ایسا ہوتا وہ اپنی مادری زبان سمجھتا اگر ہم پر کام کاج میں انگریزی مسلط نہ ہو تو ہم اتنی بھی نہ سیکھ پائیں
اور کاش ایسا ہو کبھی۔۔ صارم نے کہا تو وہ سر جھٹک کر رہ گئ
ویسے ایڈون بتا رہا تھا کورین کو انگریزی بھی زیادہ سمجھ نہیں آتی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس میں مجھے کچھ سمجھ نہیں آرہا مجھے نہیں پتہ کیا لکھا ہوا ہے ۔۔۔
بے زاری سے اس بھورے بالوں نیلی آنکھوں والی امریکی لڑکی نے منہ بنا کر کہا تھا۔
مجھے سبزیوں کا سوپ چاہیے اور پورک کا اسٹیک۔۔۔
شکل سے یہی لگ رہا ۔۔۔ اسکی ساتھی لڑکی بھی مینیو کارڈ پر ہی جھکی تھی تصویر سے ایک آدھ کھانا پہچان کر ٹوٹی پھوٹی ہنگل میں اسے بتایا۔۔۔
وہ آرڈر لے کر پلٹنے ہی لگی تھی اس لڑکی نے باآواز بلند تبصرہ کیا تھا اس پر اپنی انگریزی زبان میں
اف کتنی بد صورت لڑکی ہے یہ قد بھی چھوٹا اور آنکھیں بھی۔۔
وہ تو یہاں کس کی بڑی آنکھیں ہیں ہاں دبلی بہت زیادہ ہے تھوڑی موٹی ہو جائے تو بہتر لگے ابھی تو لگ رہا فاقہ کشی سے مرنے کو ہے۔۔۔
اسکی سہیلی کو اس سے تھوڑا اختلاف تھا۔۔۔
وہ بلارادہ رک کر پلٹ کر دیکھنے لگی۔۔۔
اس کو انگریزی سمجھ تو نہیں آتی۔۔
اسکے چہرے پر نا قابل فہم تاثرات تھے سو ایڈلین کو لگا شائد سمجھ گئ وہ۔۔۔
انکو کہاں آتی انگریزی آتی تو دو گھنٹے ہمیں سر تھوڑی کھپانا پڑتا آرڈر دینے میں۔۔۔
سارا بے فکر تھی اسے یونہی جمے کھڑے دیکھ کر کہنے لگی۔۔
یہ تمہارے بالوں کی تعریف کر رہی ہے۔۔ گھنے ہیں۔۔۔
گوما وویو۔۔شکریہ۔۔۔ وہ دھیرے سے کہہ کر آگے بڑھ گئ۔۔
یہ مجھے دیکھ ایسے رہی تھی جیسے اسے سمجھ آگیا ہو میں نے اسے بد صورت کہا ہے۔
ایڈلین تھوڑا کھسیا گئ تھی۔۔۔
سمجھ نہ بھی آیا مگر اسے دیکھ کر بولوگی تو اسے یہ تو پتہ لگ ہی جائے گا کہ اسکے بارے میں بات ہو رہی۔۔
ہممم ایڈلین نے سر ہلایا۔۔۔
ویسے تمہاری ہنگل بہت اچھی ہے۔۔
اسکے انداز میں رشک تھا
خاک اچھی دو سال سے یہاں ہوں اب بھی بس ٹوٹی پھوٹی ہنگل آتی دو جملے بول لوں حلق میں خراش ہونے لگتی اتنا برا لہجہ اتنی مشکل زبان میرے خدا۔۔ اوپر سے یونیورسٹی میں پھر گزارا ہو جاتا ان چھوٹے موٹے ویٹر وغیرہ کو تو سرے سے ایک لفط انگریزی کا نہیں آتا کچھ کہہ دو تو شکل دیکھتے رہتے۔۔۔ سارا نے ناک چڑھائی۔۔۔
یار بہت بور ملک لگا ہے مجھے تو کوریا۔۔۔ ایڈلین نے کہا تو سارا نے فورا تائید کی
ہاں واقعی۔۔
ہایون ان سے کچھ فاصلے پر ہی بیٹھا تھا۔۔۔آہبوجی کی مہربانی سے اگر اسے بین القوامی اسکول میں پڑھنے پر انگریزئ سیکھنے پر۔مجبور نہ کیا گیا ہوتا تو ایک لفظ اسے بھی انکا سمجھ نہ ابھئ دانت پیس کر رہ گیا تھا۔
ریستوران میں داخل ہوتے ہی وہ سیدھا کاونٹر پر گیا تھا ہوپ نامی لڑکی کو بلانے کو کہا تو وہاں موجود ویٹریس نے اسے انتظار کرنے کا کہا۔۔
وہ یونہی ایک میز گھیر کر ایک ایکسپریسو کا آرڈر دے کر انتظار کرنے لگا۔۔۔
اسے ان دونوں لڑکیوں کی رائے بالکل اچھی نہیں لگی تھی سو برا سا منہ بنا کر ان سے توجہ ہٹانے کو لفافہ کھول کر فن پارے دیکھنے لگا۔۔۔
ایک دو تیسری تصویر نے اسے چونکا دیا۔۔
یہ کیا۔ہے ؟
وہ گھما گھما کر سیدھا الٹا دیکھنے لگا۔۔۔
احمق لڑکی۔۔۔یہ سبزیوں کا سوپ ہے ؟ برابر کا چکن ملا ہوا ہے ۔
ایڈلین کو غصہ آرہا تھا۔۔
آپ نے جس تصویر پر ہاتھ رکھا تھا وہ یہی سوپ تھا۔۔۔
ہوپ نے دھیرے سے شستہ ہنگل میں بتایا۔۔۔ اسکا لہجہ اتنا مختلف تھا کہ سارا کو تو بالکل سمجھ نہیں آیا ہیونگ سک بھی چونک کر دیکھنے لگا تھا ۔۔
کیا؟
سارا نے پوچھا تو ہایون نے بلا ارادہ انگریزی میں
ترجمہ کرڈالا۔۔۔ تینوں چونک کر متوجہ ہوئیں ہوپ کی آنکھوں میں شناسائی کی رمق اتر آئی
اوپر سے چکن او رپورک اکٹھے ڈال رکھے ہیں ۔ میں چکن اور پورک اکٹھے نہیں کھا سکتی دونوں کا مزا خراب ہو جائے گا اتنی دیر میں آرڈر لائی وہ بھی غلط آئندہ میں یہاں کبھی نہیں آئونگی۔۔ ایڈلین کو غصہ آرہا تھا۔
چلو اب آگیا تو ہے تو کھا لو۔۔ ایک تو یہ کورین پتہ نہیں انگریزی کیوں نہیں سیکھتے۔۔۔
سارا نے بے زاری سے کہا۔۔۔
کورین کو انگریزی سکھانے کی بجائے اگر آپکو کوریا میں رہنا ہے تو آپ کو کورین سیکھ لینی چاہیے آئی آپ یہاں ہیں کورین آپکے ملک میں جاتے ہیں تو کورین آپ کو سکھانے کی بجائے خود انگریزی سیکھتےہیں ۔۔۔
بہت شستہ انگریزی میں جواب ہوپ کی جانب سے آیا تھا۔
تینوں فق چہرے کے ساتھ اسے دیکھتے رہ گئے۔
اس نے اطمینان سے ٹرے اٹھائی اور ٹرے میں موجود اکلوتا ایکسپریسو کا مگ لا کر ہیونگ سک کے سامنے رکھا۔جو آنکھیں پھاڑے دیکھ رہا تھا۔۔۔
یہ لیجئے۔۔۔ اس نے اسکے ہاتھوں میں موجود فن پاروں کو غور سے دیکھا۔۔۔ میں ہوپ ہوں یہ غالبا آپ مجھے دینے کیلیئے یہاں آئے ہیں۔۔۔
ہیونگ سک چونکا پھر گڑبڑا کر سب سمیٹ کر لفافے میں ڈال کر اسے تھمایا۔۔ وہ شکریہ ادا کرکے پلٹ گئ
مشیل پیچھے سے جھلا کر پوچھ رہی تھی۔۔۔
اگر تمہیں انگریزی سمجھ آگئ تھی تو صحیح آرڈر کیوں نہیں لائیں۔۔؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم واقعی رہ لو گی اکیلی۔۔
اسے سامان پیک کرتے دیکھ کر دلاور یاسیت سے پوچھ رہا تھا۔
ہاں ۔۔ وہ ہنسی۔۔
کوئی جنوبی کوریا تھوڑی جا رہی ہوں مت فکر کرو۔۔۔
تم جنوبی کوریا ہی جا رہی ہو احمق۔۔۔ اس نے اسکا پاسپورٹ لہرایا۔۔
اف ۔۔۔ اس نے سر پر ہاتھ مارا
شمالی کوریا۔۔ اس نے بچوں کی طرح رٹنا شروع کیا۔۔۔
میں جنوبی کوریا جا رہی وہی جو موبائل بناتے ترقی یافتہ اچھے لوگ ہیں۔۔
اور شمالی کوریا ایک آمریت ہے جہاں ظالم بادشاہ معمولی معمولی بات پر گردن اتروا دیتا۔۔۔
ہیں ؟
دلاور نے حیرت سے کہا۔۔۔ تو وہ اپنا کام چھوڑ چھاڑ اس کے سامنے آ بیٹھی۔۔۔
ہاں یار بس افغانستان جیسا حال سمجھ لو ۔۔ شمالی کوریا میں اگر کوئی بھی بین القوامی فلم دیکھتا یا جریدہ پڑھتا پکڑا جائے تو اسکو لوگوں کے سامنے جان سے مار دیا جاتا۔۔۔ انکا بادشاہ خدا کی طرح پوجا جاتا بادشاہ یا اسکی فوج کے خلاف بولنا قابل گردن زنی ہے وہاں ۔۔۔ اور ہمارے جیسے ہی حالات ہیں وہاں کے ۔غربت ہے بجلی نہیں لوگوں پر فوج میں کم ازکم دس سال کام کرنے کی پابندی ہے اس میں مرد و زن کی تشخیص نہیں۔۔
پاگل ہے کیا بادشاہ اور ہمارے یہاں ایسے حالات کب ہوئے مانا آمریت بار بار مسلط ہوتی رہی ہے ہم پر مگر ایسے بھی حالات نہیں تھے ہمارے کبھی بھی۔۔
صارم نے کہا تو وہ متفق ہو گئ۔
کہہ تو صحیح رہے ہو میں نے ویڈیو شئر کی ہے فیس بک پہ دیکھنا اس کے بارے میں ہے۔۔۔
صارم نے فورا موبائل اٹھا لیا۔۔
وہ دوبارہ کپڑے تہہ کرنے لگی۔۔
ویسے میں نے سیول کا موسم اپڈیٹ بھی موبائل میں ایڈ کر لیا ہے۔۔ یہاں سے ایک دو ڈگری کا ہی فرق ہوتا ہے آجکل تو موسم گرم ہی ہوگا سو لان رکھ رہی باقی سردیوں کی شاپنگ سوچ رہی وہیں کروں گی باہر کے کوٹ وغیرہ زیادہ آچھے ہوتے اور پھر کوٹ وغیرہ رکھے تو سامان کی جگہ نہیں رہے گی صحیح کہہ رہی ہوں نا۔۔۔ اس نے مڑ کر تائید چاہی صارم شائد سن بھی نہیں رہا تھا مگن تھا موبائل میں ۔۔۔ وہ کندھے اچکا کر مصروف ہوگئ۔۔۔
یار یہ تو افغانستان جیسا لگ رہا بس وہاں امریکی فوج نہیں بس۔۔۔ صارم کی ویڈیو ختم ہوئی تو وہ واپس پاکستان آگیا۔۔
افغانستان سے بھی برا۔۔ کیونکہ افغانستان کے پڑوسی ہم ہیں ۔۔۔ اریزہ کا انداز معنی خیز تھا۔۔۔
مطلب دلاور نہ سمجھا۔۔۔
ہم نے افغان محاجرین کو جتنا اس ملک میں پناہ دی وہ یہاں آکر رہے کاروبار جمائے شادیاں کیں۔ ہم نے افغانستان کے المیئے پر انکو تنہا نہیں چھوڑا۔
ظاہر ہے مسلمان ہیں افغانی انسان ہیں اور نسلا بھی ایک ہی ہیں اس بیلٹ کے لوگ۔ صارم نے کہا تو وہ تاسف سے سر جھٹکتی بولی۔
ہاں مگر اسکے الٹ شمالی کوریائی محاجرین جب پڑوسی ملکوں کا رخ کرتے ہیں تو نا صرف انکو آنے سے شدت پسندی سے روکا جاتا ہے بلکہ اگر قسمت سے کوئی چین پہنچ بھی جائے توغیرقانونی محاجر ہونے کی بنا پر وہاں اسکو غلاموں کی طرح بیچا خریدا بھی جاتا ہے۔ وہ یہ نہیں سوچتے کہ یہ انسان ہیں ، ہم مزہب یا ہم نسل لوگ ہیں۔ انکے نزدیک وہ بس آفت ذدہ ہیں ۔ ایسی آفت جس سے انکا کوئی واسطہ نہیں۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم صبح جہاز میں بیٹھیں گے شمالی کوریا جائیں گے وائو کتنا مزا آنیوالا ہے۔ فیلنگ اس نے سوچا پھر ایکسائیٹڈ چن لیا۔۔ اس نے فیس بک پر اسٹیٹس لگا کر سنتھیا اور ایڈون کو ٹیگ کیا۔۔۔
چند سیکنڈ میں ہی تیرہ لائکس اور سنتھیا کا تبصرہ آچکا تھا۔۔
بہت پرجوش ہوں میں بھی
اگلا کمنٹ کسی شاہزیب کا تھا
میں بھی جا رہا ہوں آپکے ساتھ ایڈ می۔۔
اریزہ تاسف سے ٹچ کہہ کر رہ گئ اگلا نوٹیفیکیشن تھا شاہ زیب ایڈیڈ یو ایز آ فرینڈ
ہف وہ سخت چڑی
ایک یہ ٹھرکی عوام
ایڈون کا بھی تبصرہ آیا تھا
شمالی نہیں جنوبی کوریا تم وہاں جا کر بھی یہی کہتی پھروگی اور وہ تمہیں شمالی کوریا کا ایجنٹ سمجھ کر سچ مچ وہیں چھوڑ آئیں گے۔۔۔ آگے غصے سے آگ بگولہ ہوتا کارٹون جھلا رہا تھا
اس نے سر پر ہاتھ مارا
کمنٹ کیا ہاں ہاں وہی۔۔۔
پھر جلدی سے اپنا اسٹیٹس ایڈٹ کرنے لگی۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاپا اسے ائر پورٹ چھوڑنے آئے تھے وہیں سے انہوں نے اپنے آفس چلے جانا تھا
ان کے گلے لگتے وہ آبدیدہ ہو چلی تھی۔۔۔
اپنا بہت خیال رکھنا اور
وہ کہتے کہتے رک گئے۔۔۔
وہ سوالیہ نظروں سے دیکھنے لگی۔
وہ بات بدل گئے۔۔۔
جاتے ہی فون کرنا اور جتنے پیسے چاہیے ہوں مجھے بتا دیا کرنا سمجھیں خبر دار جو وہان جاب وغیرہ کرنے کا سوچھا بس پڑھنا خوب گھومنا پھرنا اور سب تصویریں فیس بک پر لگانا اور مجھے کینڈی کرش کی ریکویسٹ بھیجنا مت بھولنا۔۔۔ سمجھیں۔۔۔ انہوں نے ہلکے پھلکے انداز میں کہہ کر اسکا سر ہلایا تو اثبات مین سر ہلا کر ہنس دی۔۔ سنتھیا اپنے والدین سے مل رہی تھی پانچ طلبا اس فلائٹ سے جا رہے تھے وہ ایڈون اور سنتھیا ایک ہی فلائٹ میں تھے۔۔۔
وہ بے حد خوش تھی اتنی کے ان سے مل کرپیار لینے کے بعد سنتھیا اور ایڈون کیساتھ اندر جاتے ہوئے اس نے پلٹ کر بھی نہ دیکھا تھا
اسکے بچوں جیسے انداز پر وہ مسکرا دیے۔۔
اور اپنی ماں کو دل سے معاف کر دو۔۔ انہوں نے وہ زیر لب کہا جو کچھ دیر پہلے روک لیا تھا۔۔ انہیں گھر سے نکلتے ہوئے کا منظر بخوبی یاد تھا جب جبین بے اختیار اسکی جانب بڑھی تھیں وہ کتنے دن سے ان سے بات نہیں کر ر ہی تھی اب بھی اگر اس نے انھیں گلے لگانے سے روکا نہیں تھا تو خود سے گلے بھی نہ لگی تھی۔۔۔ سیدھی اکڑی کھڑی رہی تھی وہ دکھی سا ہو کر خود ہی پیچھے ہٹ گئیں۔۔۔
۔۔۔اریزہ مت رو یار۔۔۔
سنتھیا اسکا ہاتھ تھامے ساتھ لگائے تھی۔۔۔ پیچھے مڑ کر نہ دیکھنے کی وجہ ڈھیر سارے امڈ آنے والے آنسو تھے جنہیں وہ باپ سے چھپانا چاہتی تھی ۔۔
اس نے سر ہلا کر آنسو پونچھ لیے تھے سامنے ایڈون انکے ساتھ جانیوالے کلاس فیلوز کیساتھ کھڑا تھا
وہ سب بورڈنگ کرنے سے پہلے اکٹھے ہوئے تھے۔۔۔
کلاس فیلو ہونے کے ناطے ایک دوسرے کو جانتے تو ہیں ہم مگر چونکہ ہم اکٹھے دوسرے ملک جا رہے وہاں ہم ایک ٹیم کی طرح کام کریں گے ہم آج کچھ اصول بناتے ہیں اور وعدہ کرتے ہیں انکی پاسداری کریں گے۔۔
ایڈون انکے گروہ کا سرغنہ بنا ہوا تھا
سب سے پہلے سب کا تعارف ہو جائے۔۔۔
وہ سب دائرہ بنا کر کھڑے ہو گئے
شاہ زیب۔۔۔ گرے جینز وہائٹ ٹی شرٹ پانچ فٹ دس انچ قد کھلتا ہوا رنگ بات بے بات مسکرانے کی عادت اور اریزہ کو گھورنے کی بھی۔۔
اریزہ۔۔اس نے ناپسندیدہ نظر شاہ زیب پر ڈالی وہ کسی کمپلیمنٹ کی طرح وصول کرکے مسکرایا
سنتھیا۔۔۔ سانولی سی دبلی سی لڑکی اریزہ میں سے ایسی دو یا شائد تین نکل آئیں آرام سے قد میں اریزہ سے ایک دو انچ زیادہ ہی تھی۔
سالک۔۔۔ فربہی مائل جم لگا کر خوب جسم بنائے مگر قد میں لڑکیوں سے تھوڑا ہی اونچا بے حد گورا کشمیری اردو بولتے ہی جسکا پتہ لگ جائے کہ مشکل ہے بولنا۔۔
اور ایڈون۔۔
چھے فٹ سے بھی نکلتاقد سانولا نہیں بے حد کالا مگر پرکشش۔۔ کم و بیش شاہزیب جیسا ہی ۔۔ عادت میں بھی۔۔۔
پہلا اصول
ہم آپس میں جیسے بھی رہیں وہاں ہم میں سے
کسی کو بھی کوئی بھی مشکل آئے گی ہم ایک دوسے کی مدد کریں گے۔۔
دوسرا ۔۔۔
ہم آپس مین صرف اردو میں بات کریں گے۔۔۔
تیسرا۔۔۔
ہم وہاں پر پاکستانیوں کا بہت اچھا تاثر پیش کریں گے ۔
چو تھا
ہم بڑے سے بڑا اختلاف ہو جائے آپس میں نہیں لڑیں گے
۔۔۔ ایک منٹ ہم جہاد پر نہیں جا رہے
سنتھیا نے اینٹری ماری
چلو فلائٹ کا ٹائم ہو رہا۔۔۔
ایڈون چڑ گیا
ایک تو تم لڑکیاں مجال ہے کوئی بات خاموشی سے سن لو ۔۔۔
ایڈون ٹھیک کہہ رہا۔۔ اریزہ نے بھی تائید کی۔۔
ہم ایک دوسرے ملک جا رہے ہیں الگ الگ نہیں اکٹھے ہم وہاں پر پاکستان کی نمائندگی کر رہے ہونگےہمیں وہاں واقعی بہترین تاثر دینا ہوگا پاکستان کا ۔۔۔
ہم تبھی میں نے سوچ سمجھ کر پانچ اصول بنائے ہیں
۔۔۔ ایڈون کی سوئی پھر اٹکی۔۔
ٹھیک ہے۔۔۔ پانچوں نے مٹھیاں بنا کر بازو پھیلا کر عہد کیا۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جی ہائے اسکو تاسف سے گھور رہی تھئ۔ اسکے اپارٹمنٹ میں اسکے اصرار پر آیا کرتی تھی۔ آس وقت وہ حسب معمول اسٹریچنگ کر رہی تھئ۔ جبکہ گوارا لیپ ٹاپ کھولے بیٹھئ تھی۔ سارا دن دنیا جہاں کے میک اپ ٹیوٹوریل دیکھتی رہی پھر اب انٹرنیٹ ایکسپلوررمیں دو درجن سائٹس کھولے کے پاپ آئڈلز کی پلاسٹک سرجری اور ان کے سایڈ ایفیکٹ کے سب مضامیں پڑھ کر بھی اسکا ارادہ متزلزل نہ ہوا۔ بلکہ اٹھ کر کمرے میں لگائے( خاص اپنے پیسوں سے) قد آدم آئنے میں خود کو ہر انداز سے دیکھتی جائزہ لینے میں مصروف ہو گئ
وہ ڈھیلی سی پیلی ٹی شرٹ اور شارٹس میں ملبوس تھی۔ متناسب فگر کمر تک لمبے بالوں کی اونچی پونی بنائے وہ کھنچی ہوئی آنکھوں اور گول چہرے والی خالص کوریائ نقوش کی مالک پر کشش لڑکی تھی
اسکی آنکھیں بہت بڑی نہیں تھیں مگر غلافی بھی نہیں لگتی تھیں
پھر بھی اسکو اسکی نظر سے دیکھا جاتا تو اسے اپنی ان آنکھوں کو بڑا کروانا تھا ناک کو پتلا گال جو کہ بھرے بھرے تھے انکو پتلے فاقہ کشوں کی طرح لٹکی کھال جیسے کروانا تھا۔۔۔
میں بھی غریب ہوں مجھے دے دیتیں وہ پیسے
اس نے منہ بنایا۔۔
لے دے کر ایک اپارٹمنٹ ہی ہے میرے پاس وہ بھی ایک کمرے کا ورنہ دو چار پے اینگ گیسٹ رکھ لیتی تھوڑی آمدنی ہو جاتی۔۔۔ اس نے باآواز بلند سوچا
ایک بچت کا اور طریقہ بھی ہے۔۔ میں کسی گھٹیا علاقے مین شفٹ کر جائوں ۔۔۔ مگر ایک تو یونی یہاں سے قریب۔۔۔ بلکہ ایک کمرے کا ہی سہی کتنا کھلا کھلا کچن اور لاونج ہے اس میں کسی سستے علاقے میں ایسا گھر چھوٹا بہت ہوگا۔۔۔
کیا مما ایک اکلوتی بیٹی ہوں کیا ہوا جو پلاسٹک سرجری کروا کر تھوڑی خوبصورت ہو جائوں کوئی حرج ہے اسمیں ؟
اس نے پلٹ کر اپنی سائڈ ٹیبل کے کنارے رکھے ماں کی فوٹو سے پوچھا۔۔
مسکراتی ہوئی ماں کے ابرو تن گئے۔
ایک تو پہلے ہی شکل خراب اوپر سے اگر تھوڑی سی بھی پلاسٹک سرجری خراب ہوئی تو مزید دیکھنے کے قابل نہیں رہوگی دوسراتمہارا باپ کوئ جائداد چھوڑ کر نہیں مرا جو فضول اللے تللے میں اڑانے دوں
تصویر دھاڑ رہی تھی۔۔ مگر نہیں۔ اس نے آنکھیں مسلیں۔
خیر ابھی آبھوجی مرے بھی نہیں۔ ۔۔ اس نے منہ بنایا۔۔
ہاں اور زندگی میں اس نے روپیہ نہیں دیکھا تو مر کر کونسا کچھ دے جائےگا الٹا انشورنس بھی پتہ نہیں بچے گی کہ نہیں جتنا بیمار رہتا ہے کمپنی کو دیوالیہ کر کے مرے گا۔۔۔
اب ماں کا لہجہ نارمل تھا۔۔۔ وہ بھنا کر تصویر کے پاس آئی۔۔
تو میں کس سے کہوں ؟ ایک بیٹی ہوں اور اسکی ایک خواہش پوری نہیں کر سکتے۔۔۔
نہیں ۔۔۔ ماں کا اطمینان دیدنی تھا۔۔۔ تصویر میں ہی اس سے منہ پھیر لیا۔۔
میں خود کما کر اپنا آپریشن کروا لوں گی۔۔
وہ چلائ۔۔
گڈ لک فائیٹنگ۔۔۔ ماں نے ویسے ہی منہ پھیرے پھیرے کہا۔۔
ہونہہ ۔ اس نے غصے سے فریم الٹ کر رکھ دیا۔۔
تمہاری اماں کا حرف حرف درست حقیقت پر۔مبنی ہے۔
جی ہائے نے کہا تو وہ گھور کر رہ گئ
تبھی اطلاعی گھنٹی بجی۔۔۔
وہ منہ بناتی دروازے تک آئی۔۔ سیکیوریٹی کیمرے کا ڈسپلے دروازے سے تھوڑا پہلے لاونج کی دیوار پر لگا تھا کوئی لڑکی کھڑی تھی
کیا بات ہے؟
اس نے سپیکر سے پوچھا۔۔
تھوڑی سی چینی مل سکتی ہے ؟
نہیں یہ سپر اسٹور نظر آتا ہے؟ اس نے بد تمیزی منع کر دیا۔۔۔
اور ٹی وی آن کرکے وہین صوفے پر دراز ہوگئ۔۔
باہر کھڑی ہوپ بھونچکا رہ گئ۔۔۔
جنوبی کوریائی تمیز گنوا بیٹھے ہیں ۔۔۔ وہ بڑ بڑا کر رہ گئ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ موبائل میں فن پارہ دیکھ رہا تھا ۔۔
یہ تصویر اسے چونکا گئ تھی جبھی اس نے فورا اسکی تصویر کھینچ کر محفوظ کر لی تھی ابھی والپیپر کے طور پر سیٹ کر کے فون کو ہر زاویے سے دیکھ رہا تھا۔۔
نونا کالنگ۔۔۔
ہنگل زبان میں نام چمکا اس نے پہلی بیل پر ہی اٹھا لیا۔۔
آننیانگ واسے او۔۔
اسکے ساتھ ہی انی بولیں تھیں۔
واہ بھئ آج تو پہلی بیل پر اٹھا لیا۔۔۔
دونوں اکٹھے بولنے پر ہنسے۔۔
آپ کا پیکج پہنچا دیا یا نہیں یہی پوچھنے فون کیا ہے نا آپ نے۔۔۔ اس نے اندازہ لگایا
ہاں مجھے ویسے پتہ ہے میرا منا بھائی ذمہ دار تو بہت ہے۔
وہ مصروف تھیں کہیں۔۔
جلدی بتائو۔۔ وہ بولا نہیں تو عجلت میں ٹوک دیا۔۔
اس نے غور سے انکے پیچھے سے شائد دکاندار کی آواز سنی وہ ہرگز بھی ہنگل نہیں بول رہا تھا۔۔
نونا آپ کوریا میں ہی ہیں ۔۔ وہ پریشان ہوا تھا
انی بولتے بولتے چپ ہو گئیں
آنیو۔۔
دونون خاموش سے ہوگئے
پلیز ناراض مت ہو میں چھپانا نہیں چاہتی تھی بس بتایا نہیں تم یونہی فکر کرتے ہو میں بالکل ٹھیک ہوں کم از کم مجھے یہاں کوئی خطرہ نہیں ہے۔۔۔ کچھ توقف سے انی بے تابی سے بولیں۔۔
نونا ۔اس نے کہا تو وہ بولتے بولتے چپ ہوئیں
اپنا بہت خیال رکھیے گا پلیز۔۔۔۔
اسکے لہجے میں فکر تھئ
ہاں میں رکھوں گی بالکل رکھوں گی میرا منا بھائ بالکل میرے لیے پریشان مت ہوا کرے
آپ کرتی ہیں تو ہوتا ہوں نا۔۔۔ اسکے انداز سے خفگی جھلکی۔۔
ہایون جیسے تم وہاں پریشان ہو رہے ہو اس سے کہیں زیادہ کچھ لوگ اپنوں کیلیے پریشان ہیں تم تو مجھ سے بات کر رہے انہیں تو یہ یقین بھی نہیں کہ انکے اپنے زندہ بھی ہیں کہ نہیں
میں سب کی مددچاہ کر بھی نہیں کر سکتی مگر کوئی ایک انسان میری کوشش سے اپنے اپنوں تک رسائی پا لے تو مجھے لگے گا میری زندگی کا مقصد پورا ہو گیا۔۔
بولتے بولتے نوناجزباتی ہو چلی تھیں ان کے لہجے مین محسوس کیا جاسکنے والا دکھ بول رہا تھا ان کی آواز بھرا چکی تھی۔۔۔
ہایون کا دل چاہا فون سے نکل کر اپنی نونا کو بانہوں مین بھر لے۔۔
وہ خود ہی سنبھل کر بولیں
خیر میں پکا دو دن میں واپس آجائوں گی۔۔۔ ایک شرٹ پسند آگئ ہے مجھے تمہارے لیئے لے لوں
انہوں نے بات بدلی
اس نے شانے اچکا دیے
مرضی ہے
پھر اچانک اسے کچھ یاد آیا۔۔
نونا وہ لڑکی کیا نام ہے اسکا ہوک
۔
ہوپ۔۔ نونا نے تصحیح کی
وہ بھی کیا شمالی کوریا سے آئی ہے ؟
اس نے سرسری انداز سے پوچھا تھا پھر بھی نونا جیسے ایکدم فل چارج ہو گئیں
ہاں کیوں ؟پسند آگئ؟ بات چلائوں نمبر لے لو ٹھہرو۔۔۔
نونا اتنی ہی رفتار سے چلتی تھیں
ارے۔۔۔ وہ کچھ بولنا چاہ رہا تھا
میں کال کے بعد بھیجتی ہوں یہ دکاندار شرٹ کسی اور کو بیچنے لگا ارے ٹھہرو رکو ۔۔۔
نونا ہنگل بولتے بولتے چائنیز پر اتر آئیں تھیں گھبرائ آواز کے بعد کال بند ہو گئ۔۔ وہ انکے انداز پر ہنسا۔۔
اپنا خیال رکھنا نونا۔۔۔ کال کے اختتام پر اسکرین پر آخری کال کا خلاصہ نظر آیا تو انی کا نام چمکتے دیکھ کر وہ محبت سے بولا تبھی نونا کا میسج آیا اس نے کھولا تو ہوپ کا نمبر ساتھ کامیابی کی دعا بھی تھی۔۔
ارے۔ آہش یہ انی بھی نہ۔۔ اس نے سر جھٹکا پھر کچھ سوچ کر نمبر محفوظ کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تقریبا ساڑھے تین گھنٹے میں دبئ آیا تھا دبئ میں انکے پاس چھے گھنٹے تھے اگلی فلائٹ انہیں سیول کے بین القوامی پروازوں کے ایئر پورٹ پہنچا دیتی
سنتھیا کی یہیں بس ہو گئ تھی۔۔۔ پہلے تو جہاز کے اڑنے پر اسکی حالت بری ہونے لگی۔۔۔ لینڈنگ پر تو الٹی ہی آگئ اسے اریزہ اسکی کمر سہلا تی رہی تھی۔۔۔
میں نے اب جہاز میں نہیں بیٹھنا۔۔۔ ائر پورٹ پر لاوئنج میں بیٹھی روتی رہی۔۔
اریزہ جو مستقل اسے بہلا رہی تھی تنگ آگئ۔۔۔
ٹھیک ہے مرو یہیں ہم یہیں کسی شیخ سے نکاح کر جاتے ہیں تمہارا آرام سے رہنا۔۔
روتے روتے سنتھیا ہنس پڑی
اوئے۔۔ یہ میری اکلوتی آفیشل منگیتر ہے میں اسکو کھو نہیں سکتا۔۔۔
ایڈون ڈھیر ساری کھانے پینے کی چیزیں ساتھ لایا تھا انکی بات اچک کر رو ہی تو پڑا اریزہ ابھی بھی گھور رہی تھی اسے۔۔۔
تم لوگ کہاں تھے ؟ سنتھیا کو باقی دنیا کی بھی فکر ستائی۔۔۔
ہم سوچ رہے ہیں دبئ آگئے ہیں تو تھوڑی سیر کر لیں۔۔۔ شاہ زیب نے کہا تو بات انکے دل کو لگی۔۔۔
واقعی چھے گھنٹے بعد اگلی فلائٹ ہے اتنی دیر ہم گھوم ہی لیں ۔۔۔ اریزہ پرجوش ہوئی۔۔۔
پھر وہ اگلے چار گھنٹے دبئ میں گھومتے پھرے پیسے سب کے پاس بس گزارے کیلیے تھے سو مال میں گھومتے ہوئے ونڈو شاپنگ پر ہی گزارا کیا۔۔
سب چپس وغیرہ ٹھونس لیے تو بھوک کا احساس ہوا۔۔۔
سیدھا مشہور فاسٹ فوڈ چین پر جا کے ٹوٹ پڑے۔۔
ویسے اریزہ دل بھر کر چکن کھا لو یہاں۔۔۔
اریزہ برگر سے منہ بھرے بیٹھی تھی جب شاہزیب نے کہا۔۔
کیوں ۔۔ اسکے ماتھے پر بل پڑے۔۔۔
کوریا میں حلال چکن تھوڑی ملے گا۔۔۔
اس نے کہا تو سالک نے بھی تائید کی۔
۔۔ ہاں یار گوشت تو ہم وہاں کھا نہیں سکیں گے۔۔۔
اریزہ نے کندھے اچکا دیے
دیکھا جائے گا۔۔۔
تھک ہار کر واپس ائرپورٹ پہنچے تو پتہ چلا موسم کی خرابی کے باعث فلائیٹ لیٹ ہو گئ ہے۔۔۔
ہفف سب تھک چکے تھے ارادہ یہی تھا کہ جہاز میں لمبی تان لینی ہے مایوس ہو کر ویٹنگ روم کی کرسیوں پر گر گئے۔۔ مگر ان چاروں کے بر عکس اریزہ مطمئن تھی اپنا ڈی ایس آر نکال کر سارے دن کی کھینچی تصویریں دیکھنے لگی۔
کچھ تصویریں فورا اپلوڈ کیں
تم سب بور لوگ ہو۔۔۔ دبئ میں بیٹھے ہو اور شکل بنائی وی ہے۔۔۔
اس نے انہیں بھی جوش دلانا چاہا مگر سب واقعی تھک چکے تھے ۔۔۔
اس نے ان سوتے چہروں کو بیک گرائونڈ میں لیتے اپنی تصویر بنائئ مگر اپنے چہرے پر ہتھیلی پھیلا کر پوز مارتے چہرہ بھی چھپا لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا خوبصورت ہے۔ دیکھنے والے بنیں۔
اس نے دبئی کی رونق سموتی تصویروں کے انبار لگا دیئے تھے بلاگ پر۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پہلا کمنٹ دل جلے صارم کا ہی تھا۔
دبئئ جا کے ہی دکھائی دی نا؟۔۔۔ یہاں رہ کر کہتیں تو مانتا
دوسرا کمنٹ
کیسا دبئئ ہے شیخوں کی جگہ ماجا ساجا دکھائی دے رہے۔۔
تیسرا کمنٹ
دبئئ شاپنگ فیسٹول لگ رہا ہے کوئی اچھا سا تحفہ ہی لیتی آنا دعائں دوں گا ایڈمن
چوتھا کمنٹ
میں بھی دبئی آیا ہوا ہوں ملیں؟؟؟؟
پانچواں کمنٹ۔۔
سب گوگل فوٹوز ہیں بہنا مانیٹایزیشن بین ہو جائے گئ۔۔
کسی کو اسکے بلاگ کا کتنا خیال تھا۔
اس نے گہری سانس لیکر بند کر دیا موبائل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ختم شد
جاری ہے۔
Kesi lagi apko Salam Korea ki 3 qist ? Rate us
