Blog

وہ جو تھے بھی دل لرزاں کے سہارے ڈوبے 
پھر سحر ہونے کو آیی ہے ستارے ڈوبے 

ڈوبنا ہی ہے تو موجوں سے ذرا چھیڑ رہے
مفت الزام رہے گا جو کنارے ڈوبے

داغ دل اب تک اسی شان سے تابندہ ہے 
کتنے خورشید و قمر کتنے ستارے ڈوبے 

تم کو ساحل پہ کھڑے رہ کے ہوا کیا حاصل
خیر ہم آرزوے خام کے مارے ڈوبے 

صبح ہوتی ہے کہ تاریکی شب جیت گئی
آج کچھ اور ہی انداز سے ستارے ڈوبے 

مجھ سے ہنس ہنس کے نہ کر بات کہ  جی ڈرتا ہے 
مرے آگے گل خاندان کے نظارے ڈوبے 

غم ایمان، غم فردا ، غم دوراں، غم دل 
میے گلرنگ کی ایک بوند میں سارے ڈوبے  

از قلم زوار حیدر شمیم

آنکھوں میں کوئی مکھڑا رہ رہ کے مچلتا ہے 
ایک آہ نکلتی ہے جب چاند نکلتا ہے 

تنہائی سی تنہائی اور گرمی محفل بھی 
ایک شمع ہے جلتی ہے ایک داغ ہے جلتا ہے 

دل اور دکھاتے ہیں یہ بول تسلی کے
روتا ہے تو رونے دو دل یوں بھی بہلتا ہے 

ایک حسرت پسماندہ یا کوئی حسیں لمحہ 
یادوں کے دھندلکوں میں ایک دیپ سا جلتا ہے 

تاروں سے سجا دیکھا پھولوں میں بسا دیکھا 
جتنا اسے بھلائیں دل اور مچلتا ہے 

ہم صبح کے شیدائی ، تڑپیں گے ابھی شب بھر 
لو تم تو بہل جاؤ ، لو چاند نکلتا ہے 

احباب کی پرسش پر آنسو نکل آۓ کیوں 
کیا اس میں بھی کوئی غم کا پہلو بھی نکلتا ہے 

از قلم زوار حیدر شمیم

• Aik Daily Blogger ki wall say |mukhtasir afsancha| by vaiza zaidi
• Bewaqoof larki |urdu alamati kahani
• Woh Kon Thi: Saheliyon Se kia Chupaya Raaz | Khoofnak Urdu Horror Story
• Qata Taluq |sirf ek jhoot kaha us nay| urdu afsancha
• Lets play Floor is Lava | A cross cultural motherhood story in urdu| written by vaiza zaidi

انکی پلکوں پہ لرزتا ہوا تارا تو نہیں

میری مایوس امیدوں کا سہارا تو نہیں 

مست موجوں میں نہاں کوئی اشارہ تو نہیں 

کسی امڈے ہوئے طوفان نے پکارا تو نہیں 

نکھری نکھری سی نظر آتی ہے شام مہتاب 

اس نے الجھی ہی زلفوں کو سنوارا تو نہیں 

ٹوٹ کر کھو جو گیا ظلمت شب میں ہمدم

یہ کہیں میری ہی قسمت کاستارہ  تو نہیں

ہم نے مانا کہ ہے مضبوط بہت ہمت دل 

پھر بھی، گرداب ہے گرداب ، کنارہ تو نہیں 

چاندنی جھوم اٹھی رقص میں آیے انجم 

آپ کے لب پر کوئی شعر ہمارا تو نہیں 

کہکشاں ، دیکھ ، تری انجمن تاباں میں 

کوئی میرے بھی مقدر کا ستارہ تو نہیں 

لطف آیے گا طوفان کے تھپیڑوں میں یہ کیوں 

انہیں موجوں میں کہیں اپنا کنارہ تو نہیں 

اشک مسلے ہوئے جذبات کا آیئنہ ہے 

اشک موتی تو نہیں ، اشک ستارہ تو نہیں 

بات یہ اور ہے پہو نچوں نہ اگر منزل تک 

تھک کے بیٹھا تو ضعف سے ہارا تو نہیں 

نذر کر سکتا ہوں دو پھول عقیدت کے شمیم 

میرے پاس افسر اسکندر و دارا تو نہیں 

از قلم زوار حیدر شمیم

• Aik Daily Blogger ki wall say |mukhtasir afsancha| by vaiza zaidi
• Bewaqoof larki |urdu alamati kahani
• Woh Kon Thi: Saheliyon Se kia Chupaya Raaz | Khoofnak Urdu Horror Story
• Qata Taluq |sirf ek jhoot kaha us nay| urdu afsancha
• Lets play Floor is Lava | A cross cultural motherhood story in urdu| written by vaiza zaidi

آنکھ میں آنسو ، لب پہ تبسم 
اف وہ ترا انداز تکلم 

کتنا ہی بدلے رنگ زمانہ 
ہم ہوں یہی ہم ، تم بھی یہی تم 

آہ تھی لب تک آتے آتے 
دل میں اٹھی موج تبسم 

دل اور ایسی درد کی دنیا 
ایک قطرے میں اتنا تلاطم

کتنا سہانا موسم آیا 
مست گھٹائیں دل میں تلاطم 

درد کی ماری کویل کوک 
سیکھ لیا غنچوں نے تبسم 

نہر کنارے ہولے ہولے 
اٹھلاتی موجوم کا ترنم 

آؤ شمیم ایک نغمہ چھیڑیں
کس عالم میں کھویے سے ہو تم 

آگئی پھر کیا یاد کسی کی 
کیوں بیٹھے ہو چھپ چھپ گم سم 

از قلم زوار حیدر شمیم

وہ تبسم یاد آیا رو دیے
کوئی غنچہ مسکرایا رو دئیے

ذہن میں لہرا گئیں زلفیں تری 
ابر جب گھر گھر کے آیا رو دئیے

جئے اپنے غم کا نغمہ مل گیا 
گیت یوں مطرب نے گیا رو دئیے  

درد سا دل میں اٹھا آنکھیں بھر آیئں 
یاد نے تیری رلایا رو دئیے  

شغل یہ ہے فصل گل میں اے شمیم 

آنکھ پھڑکی دل بھر آیا رو دئیے

از قلم زوار حیدر شمیم

موت کی آس  نہ جینے کا سہارا کوئی 
اس طرح بھی نہ ہو محروم تمنا کوئی 

تھر تھراتے ہوئے لب ، آنکھ میں نم ،دل میں خلش 
اس پہ زد ، چھیڑیے عشرت کا ترانہ کوئی 

اپنے ہی درد سے فرصت ہے جہاں میں کسی کو
کیا سنے درد بھرے دل کا فسانہ کوئی 

ہم نے ، تو خیر کیا آپکے وعدوں پہ یقین 
دل کے بہلانے کوئی کیا کیا نہیں کرتا کوئی

یوں تو کسی کو نہیں الفت میں وفا کا دعوی
ہو بھی پایا  ہے زمانے  میں کسی کا کوئی 

مجھ کو مجبور کیا ترک تمنا پہ شمیم 
لب پہ آیا بھی نہ تھا حروف تمنا کوئی 

از قلم زوار حیدر شمیم

کون ہے جس پہ کوئی راز محبت کھولیں 
رات بھر جاگ لیں جی بھر کے تڑپ لیں رو لیں 

لٹ گیا شوق کہ ہو جائے ہمارا بھی کوئی 
چھن گئی چہ کے ایک بار کسی کے ہولیں 

گل و گلزار سے لمحوں کی سلگتی یادوں 
دو اجازت تو ذرا آنکھ جھپک لیں سو لیں 

خود ہی گھڑ لیتے ہیں آج اسکی وفا کے قصے 
چند لمحوں کیلئے یوں ہی ذرا خوش ہو لیں 

بار خاطر  ہے خاموشی بھی تکلم کی طرح 
ہائے کیا بات کریں ہائے کہاں چھپ ہو لیں 

دل نہ بھلے سہی دنیا تو بہل جائے گی 
تلخی دل میں ذرا تلخی دوراں گھولیں 

از قلم زوار حیدر شمیم

جنوں نواز اشاروں میں دل نہیں لگتا 
ترے بغیر بہاروں میں دل نہیں لگتا 

ہی ہے بار سماعت نوائے ساز نشاط 
نذر نواز نظاروں میں دل نہیں لگتا 

چمن اجڑے کا منظر نظر میں رقصاں ہے 
خزاں کے بعد بہاروں میں دل نہیں لگتا 

قسم ہے لذت صد اضطراب طوفان کی 
سکون بدوش کناروں میں دل نہیں لگتا 

مہیب شب کے گزرنے کے کچھ  سہارے ہیں 
وگرنہ چاند ستاروں میں دل نہیں لگتا 

سہارے ڈھونڈ کے جیتا ہوں تیرے کہنے سے 
یہ بات الگ کہ سہاروں میں دل نہیں لگتا 

از قلم زوار حیدر شمیم

غنچہ و گل نے صبح سے پایے چند تبسم چند ادائیں 

میرے ذہن میں بھی لہرایے چند تبسم چند ادائیں 

اپنی نظر اور وہ رخ زیبا صرف جنوں ہے ایسی تمنا 

ہم تو ہیں آنکھوں  میں بسایے چند تبسم چند ادائیں 

کردے معاف اے روٹھنے والے ، ہم نہ تھے گل کو دیکھنے والے 

گل نے ترے مکھڑے سے چرایے چند تبسم چند ادائیں 

انکو دیکھے ہوگی مدت آنکھوں میں محفوظ ہیں اب تک 

چند اشارے چند کنایے چند تبسم چند ادائیں 

یونہی نہ تھیں یہ آنکھیں جنکو بھیگی بھیگی دیکھ رہے ہو 

کل تھے انہیں آنکھوں میں سمایے چند تبسم چند ادائیں 

اف یہ آل صبح گلستان یائے یہ شام سوز فراواں 

ہائے وہ جن راس نہ آئے چند تبسم چند ادائیں 

پھر ہوں اسی محفل میں غزل خواں، ساری فضا ہے رقصاں رقصاں 

نام پہ مرے اس نے لوٹائے چند تبسم چند ادائیں 

ہم نے شمیم اس دل کو سنبھالا دے کے فریب تازہ بہ تازہ

حاصل سوز عشق بتائے چند تبسم چند ادائیں 

از قلم زوار حیدر شمیم

کہاں کے شیشہ و صہبا کہاں کے پیمانے 
تری نذر سے تراشے گیے ہیں فسانے 

حقیقتوں سے ہیں دلچسپ تر کچھ افسانے 
وگرنہ جلوہ حسن اب نہیں کہ دیوانے 

خرد  سے دور ، رموز جنوں سے سے بیگانے 
خدا کی شان کہ مشہور ہیں وہ فرزانے 

پئے بغیر جو ہوش و خرد کو لوٹ نہ لیں 
مری نظر میں ٹھہرتے نہیں وہ پیمانے 

چرا کے لے گیے ایک سوزش خفی دل میں 
وہ یے تھے مرے سوز دروں کو جھٹلانے 

ابھی حرام نہ کر حسن دوستی کہ ابھی 
خدا کے فضل سے آباد ہیں صنم خانے 

ہمیں نے منہ نہ لگایا کہ سر چڑھئیں نہ کہیں
تھے ورنہ ہم سے بھی مانوس چند پیمانے 

شمیم وضع  کریں عشق کے نیے انداز 
جنوں کو کر گیے بدنام چند دیوانے  

از قلم زوار حیدر شمیم