Rafta Rafta ban gaya hay ansooun aahon ka shoq رفتہ رفتہ بن گیا ہے آنسوئوں کا آہوں کا شوق
رفتہ رفتہ بن گیا ہے آنسوئوں کا آہوں کا شوق
تھا ہمیں بھی دوستو پھولوں کا خوشبوئوں کا شوق
کس کے دم سے ہے یہ سب ہنگامہ بزم وفا
شمع کی لو دیدنی ہے یا کہ پروانوں کاشوق
کچھ یونہی محروم ہیں مجبور ہیں ہم دل زدہ
کس کو ہوتا ہے تبسم چھوڑ کر آہوں کا شوق
پھول کو چوما کہیں سبزے پہ ماتھا رکھ دیا
دیکھنے کی چیز ہے موسم میں دیوانوں کا شوق
از قلم ذوار حیدر شمیم