Salam Korea
by Vaiza Zaidi
قسط 4
جہاز میں ان لوگوں نے ادھم مچایا ہوا تھا۔
چھے گھنٹے ٹک کر بیٹھنا ان میں سے کسی کے بس کی بات نہیں تھی وہ سنتھیا اور ایڈون ساتھ تھے اور انکے پیچھے ہی سالک شاہ زیب اور ایک چپٹی ناک والا بیٹھا تھا
سنتھیا اور اریزہ پہلے تو کھڑکی کیساتھ کون بیٹھے گا اسی پر لڑ پڑیں
تم بیٹھو نیچے دیکھو اور اس بار میرے سیدھا میرے منہ پر الٹی کرنا ۔۔۔ اریزہ بھنا کر اٹھی
میں نے پچھلی دفعہ بھی تمہیں بچانے کی کوشش کی تھی۔۔
سنتھیا منمنائی۔
ناکام کوشش تھی وہ۔۔ اریزہ نے جتایا تو وہ تھوڑی کھسیائ۔۔
جنکو سفر میں الٹی آتی انکو کھڑکی کے پاس بٹھایا جاتا ہے۔۔ سنتھیا نے اپنا دفاع کیا
وہ اس صورت میں کہ کھڑکی کھلتی ہو تھوڑی سی تازہ ہوا کھانے کیلیے یہ کھڑکی نہیں کھلے گی۔۔۔
اریزہ نے باقاعدہ کھڑکی بجا کر اسے دکھایا
تم میں سے ایک پیچھے بیٹھ جائے۔۔۔
ایڈون نے جھگڑا مکانے کو کہا تو شاہ زیب کی با نچھیں چر آئیں
ہاں اریزہ تم یہاں آجائو۔
شاہ زیب نے سالک جو کھڑکی کے پاس بیٹھا تھا اسکی ٹانگ تھپتھپا دی
سالک نے گھور کر دیکھا۔۔۔
اریزہ اور سنتھیا نے بھی گھورا تو وہ کھسیا کر ساتھ بیٹھے چپٹی ناک والے سے انگریزی میں بولا
آپ بھی کوریا ہی جا رہے ہیں ؟
ایڈون اور سالک دونوں نے اسے کان سے پکڑا۔۔
نہیں یہ چاند پر جا رہے ہیں۔
وہ بندہ انکی گفتگو سمجھ تو نہیں پایا مگر شائستگی سے ہاں کہہ دیا۔۔
تم لوگوں سے زیادہ تمیز چینیوں میں ہے۔۔۔ شاہ زیب نے جتایا۔۔
تجھے جانتا نہیں اسی لیے تمیز سے بات کر رہا۔۔۔
سالک نے کہا تو وہ بھنا کر کچھ کہنے ہی لگا تھا کہ
سنتھیا بس کر و اتنے دکھ سہنے کے بعد اب میں یہ دکھ نہیں سہہ سکتی۔۔۔ اریزہ نے کہا تو وہ سب دوبارہ انکی جانب متوجہ ہوئے۔۔
جتنے دکھ سہہ لیے عادت ہوگئ ہوگی ایک اور سہہ لو۔۔
سنتھیا زرا متاثر نہ ہوئی۔۔
واٹس دا میٹر۔۔
اس چینی کو بھی دلچسپی ہوئی۔۔۔
پانچ لوگ سر پر سوار کھچ کھچ کر رہے ہوں تو عاجز آجانا بنتا تھا۔۔۔
دونوں کی چلتی زبان رکی۔۔ ارد گرد دیکھا تو صرف وہ چینی ہی نہیں پورے جہاز کے سب چینی جاپانی امریکی عربی جو جو بھی موجود تھا نہ صرف انکی جانب متوجہ تھا بلکہ خاموشی سے انکے جھگڑے کا ڈراپ سین دیکھنے کے انتظار میں تھا۔۔۔ وہ لوگ خاموش ہوئے تو جہاز میں خاموشی چھا گئ۔۔۔
ایڈون سالک اور شاہ زیب نے بھی تھوڑی خفت محسوس کرلی۔۔
وہ یہ دونوں کھڑکی کے پاس بیٹھنا چاہ رہی ہیں۔ایڈون کی ان سب میں انگریزی اچھی تھی سو سنتھیا کو گھور کر بتایا سنتھیا ہرگز رعب میں آنے کو تیار نہیں تھی بے نیازی سے گھوم گئ
آپ دونوں ایک ایک گھنٹے کی باری لگا لیں ۔۔۔
اس چینی نے کہا تو دونوں کو آئیڈیا پسند آیا
سنتھیا آرام سے بیٹھی تو ایڈون نے خدا کا شکر ادا کیا۔۔۔پھر اس چینی کا
تھینکس۔۔۔ چین ہمیشہ پاکستانیوں کی مدد کرتا ہے۔۔ اس نے ظریف پیرائے میں کہا
مخاطب کچھ سمجھا کچھ نہ سمجھا مگر مسکرا دیا۔۔
ویسے کوریا کیسا ملک ہے ؟آپ بھی پہلی بار جا رہے ہیں۔۔ شاہ زیب اپنی انگریزی کو ہو ا لگانے کے موڈ میں تھا۔۔ تبھی ہوسٹس نے آکر انکو تشریف رکھ لینے کی استدعا کی۔۔
سب تمیز سے براجمان ہو گئے۔۔
جہاز نے ٹیک آف کرنا شروع کیا سنتھیا چیخ مار کر اریزہ کی گود میں گھس گئ۔۔
دیکھو دیکھو ہم زمیں سے اڑنے لگے ہیں۔۔۔ یہ دیکھو پہلا وہیل اٹھا یہ دیکھو پر۔۔۔
اریزہ کونسا کم تھی۔۔۔
تم بہت پٹو گی اریزہ۔۔۔ اس نے سر اسکے پیٹ مین گھسا دیا
آہ۔۔۔ اریزہ کی چیخ بلند ہوئی۔۔
ایر ہوسٹس بھاگی آئی۔۔۔
سب ٹھیک ہے۔۔ ایڈون نے بھیجا اسے واپس پھر دانت کچکچا کر کہنے لگا
سب کو پتہ چل گیا ہوگیا پہلی بار سفر کر رہی ہو دونوں۔۔
ہاں تو۔۔ اریزہ اسکے رعب میں کیوں آتی مزے سے بولی۔۔ سب ہی کبھی نہ کبھی پہلی دفعہ جہاز میں سفر کرتے کون جہاز میں پیدا ہوتا ہے۔۔۔
جہاز میں بھی پیدا ہوتے ہیں ابھی پچھلے دنوں میں نے خبر پڑھی تھی ۔۔۔سالک نے غلط موقعے پر خبر دینی چاہی اریزہ اور ایڈون دونوں نے گھور کر دیکھا تو اس نے باقی خبر منہ میں روک لی۔۔
یار اب تو کچھ نظر نہیں آرہا۔۔ اریزہ نے دوبارہ کھڑکی کی طرف نگاہ کی سنتھیا کی طبیعت اب بحال ہونا شروع ہو گئ تھی سو آخر کار اس نے سر اٹھا لیا۔۔
یہ تو دھواں دھواں ہے بس۔۔۔
سنتھیا نے کہا تو شاہزیب کی زبان میں کھجلی ہوئی۔۔۔
لگتا ہے جہاز کے انجن مین آگ لگ گئ ہے۔۔
اس نے اتنی سنجیدگی سے کہا تھا کہ چاروں باقاعدہ پلٹ کر اسے دیکھنے لگے تھے چینی بھی انجن سن کر متوجہ ہو گیا۔۔
مزاق تھا۔۔۔ اس نے مسمسی سی شکل بنا لی۔
دھواں نہیں بادل ہیں ۔۔۔ اریزہ کو بوریت ہو رہی تھی سو آرام سے اٹھنے لگی۔
آجائو اب ایک گھنٹہ ہو گیا مجھے یہاں بیٹھے۔۔۔۔
۔ رہنے دو کچھ نظر تو آ نہیں رہا۔۔
ظاہر ہےاتنی بلندی پر صرف بد روحیں ہی باہر گھومتی نظر آسکتی ہیں ۔۔۔ ایڈون نے کہا
وہ دیکھ شاہ زیب تیری ساس بادل پر بیٹھی ہے۔۔۔سالک نے ایکدم سے کھڑکی کی طرف اشارہ کیا تو شاہزیب اپنی جھونک میں فورا آگے بڑھ کر دیکھنے لگا ان چاروں نے زور دار قہقہہ لگایا وہ چینی بھی انکے ساتھ ہنس پڑا۔۔ شاہ زیب کھسیانا سا ہوا مگر ڈھٹائی ختم تھی۔۔
آنٹی بیٹی کو کھانا پکانا سکھا دیجئے گا دعائیں دوں گا۔
وہ چینئ اسکی بات تو نہیں سمجھ رہا تھا مگر اسے پاگلوں کی۔طرح کھڑکی میں بادلوں سے مخاطب دیکھ کر شائد ہنسی آرہی تھئ۔
اس چینی کو کیا سمجھ آرہی ہے۔۔ اریزہ نے سنتھیا کے کان میں سرگوشی کی۔۔
کیا پتہ اسے اردو آتی ہو ہماری یونی میں کتنے چینی پڑھتے ہیں ۔۔۔سنتھیا نے کہا
دس بارہ تو ہمارے ڈیپارٹمنٹ ہونگے باقی میں نے کبھی گنے نہیں۔۔ اریزہ نے معصومیت سے کہا تو سنتھیا نے سر پیٹ لیا
محاورتا کہا تھا ایڈیٹ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چار گھنٹے کے بعد ان تینوں کی بیٹری کم ہونا شروع ہوئی سالک نے جب تیسری بار باتھ روم کا چکر لگایا تو واپسی پر اسکی جگہ چینی براجمان ہو چکا تھا وہ کندھے اچکا کر کارنر والی نشست پر ہی بیٹھ گیا۔
سالک اپنا ایم پی تھری دیدو
اریزہ نے گردن گھمائے بغیر پیچھے ہاتھ بڑھایا۔۔
ایم پی تھری اسکے ہاتھ پر رکھ دیا گیا
اس نے دیکھا تو عجیب سی کوئی زبان تھی چائنہ کا ہوگا۔۔
اس نے کندھے اچکا دیے
پہلا گانا دوسرا تیسرا۔۔۔
پشتو تو نہیں لگ رہا۔۔۔
مگر ٹیون مزے کی تھی بول تو پتہ نہیں کیا رہا تھا مگر سب راکنگ ٹریک تھے
اوئے یہ کونسا گانا ہے کونسی زبان میں ہے مزے کا ہے۔۔۔
وہ سیٹ پر گھٹنوں کے بل ہو کر پیچھے مڑی تو ہکا بکا رہ گئ
سالک کی بجائے چینی بیٹھا مسکرا رہا تھا
اوہ یہ آپکا ہے میں سمجھی سالک
ایم سوری۔۔
اسکی کہتے کہتے نگاہ گئ تو شاہزیب چینی کے کندھے پر سر رکھے سو رہا تھا اور سالک شاہزیب کے۔۔۔
اس نے شرمندہ ہو کر کان سے ہینڈ فری اتار کر اسے ایم پی تھری پلیئر تھمانا چاہا تو اس نے ہاتھ بڑھا کر لینے کی بجائےسوال کر ڈالا
یو ڈڈنٹ لائک دا سانگز؟
(آپکو گانے پسند نہیں آئے۔۔؟)
نہیں ۔۔ آئی مین نو آئی ریئلی لائک دیم آسم میلوڈی دو آئ ڈدنٹ گیٹ واٹ دے آر سیئنگ بٹ آئ ریئلی انجوائڈ۔
اس نے کہا تو وہ مسکرا دیا۔۔۔
یہ البتہ حیران ہو کر خود سے بولی۔۔۔
یہ میں ہی ہون جس نے اتنی انگریزی جھاڑ لی۔۔۔
آپ اسے لے سکتی ہیں آپکو پسند بھی آیا گانا تو سن لیجئے میں اس وقت ویسے بھی گانے نہیں سن رہا تھا۔۔۔
اس نے سہولت سے اسے واپس دینا چاہا۔۔۔
تھینک یو اٹس اوکے اس نے انکار کرنا چاہا۔۔
مگر اس نے ہاتھ واپس نہیں کیا تو اسے ایم پی تھری لینا پڑا۔۔۔
میں اسے اٹھا دوں ؟
اس نے پوچھا تو چینی نے مسکرا کر منع کردیا اٹس اوکے ہی مائٹ بی ٹایرڈ
ویسے چائنیز سانگ ہے یہ۔۔
نہیں ہنگل ۔۔
اوہ اس نے سمجھ کر سر ہلایا۔۔
ہنگری عجیب زبان ہے مگر مزے کا گانا ہے وہ خود سے کہتی آرام سے سیدھی ہو کر بیٹھ گئ۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ائر پورٹ پر جب اترےتو اگلے دن کا تیسرا پہر چل رہا تھا ۔
ٹھنڈی ہوا چل رہی تھی سنتھیا حسب عادت الٹی پلٹی ہو چکی تھی اریزہ اسکا ہاتھ تھام کر آہستہ آہستہ چل رہی تھی چینی انکے ساتھ کافی گھل مل گیا تھا ابھی بھی ان کے ساتھ ساتھ تھا۔۔ سالک شاہزیب اور ایڈون اپنے سامان کے ساتھ ساتھ ان دونوں کا بھی سامان ڈھو رہے تھے چینی کے پاس صرف ایک بڑا بیگ تھا ان لڑکوں کو مشکل میں دیکھا تو ایک انکا کیرج بھی پکڑ لیا۔۔۔
اریزہ اپنا اور سنتھیا کا شولڈر بیگ اور بیگ پیک بھی سنبھالے تھی اوپر سے سنتھیا بھی لد رہی تھی۔
وہ دہری ہوگئ۔۔
رکو اس نے بمشکل سنتھیا کو پکڑ کر کھڑا کیا
اپنے بیگ سے شاپر نکالا اس کے پاس کچھ ٹافیاں جیلی وغیرہ تھیں اس نے اسکے سامنے شاپر کیا
لو اس میں سے
وہ کہنے جا رہی تھی اس میں سے کچھ کھا لو تھوڑی طبعیت بہتر ہو جائے گی
اسکا جملہ مکمل ہوا ہی نہیں تھا سنتھیا نے شاپر تھاما اور کھل کر اس مین الٹی کر دی۔۔۔
یااک ۔۔۔ اریزہ نے فورا شاپر چھوڑا اسی وقت سنتھیا نے بھی چھوڑ دیا
شاپر پٹاخ سے نیچے گراساری الٹی ان کے قدموں میں گری کچھ چھینٹے جینز کے پائنچوں پر بھی آئے
وہ دونون ایک دوسرے کو دیکھ کر رہ گئیں
ان سے کچھ قدم آگے چلتے لڑکوں نے مڑ کر۔دیکھا پھر ٹھنڈی سانس بھر کر پلٹے
آر یو اوکے
چینی سب سے پہلے ان کے پاس پہنچا
جی۔۔ سنتھیا نے سر جھکا لیا
کیسا صاف ستھرا ائیر پورٹ تھا۔۔دونوں کا بس نہیں تھا یہیں گڑ جائیں۔
اسی نے پاس سے گزرتے خاکروب سے کچھ اسکی زبان میں کہا وہ سر ہلاتا چلا گیا
اٹس اوکےیہ صاف کر لے گا
اس چینی نے حسب عادت مسکرا کر کہا
وہ تینوں بیگز اور سوٹ کیس میں الجھے تھے
اب کیا اس الٹی کو دیکھتی رہو گی ؟ اب چلیں
ایڈون جھلایا
یہ دونوں سر ہلا کر انکے پیچھے بڑھیں
لابی سے باہر نکلے تو سماں کچھ اور تھا
فلیش لائٹس کیمرہ رپورٹرز یہ پانچون کے چلتے قدم رک گئے
وہ ٹھیک ہے یہاں اسکالر شپ پر پڑھنے آئے تھے مگر اتنا پرجوش اسقبال ہوگا انکو یہ توقع نہ تھی
آپ لوگوں کیساتھ سفر بہت اچھا اور یادگار رہا۔۔۔اس چینی نے انکو سامان پکڑاتے ہوئے کہا وہ سب مسکرا دیے وہ ہلکا سا جھک کر انکو وش کرتا ہوا ان سے ایک قدم آگے ہوا تو سارا ہجوم اسکے گرد امڈ آیا۔۔
یہ سب بھونچکا اسے دیکھتے رہے
یہ چینی نہیں۔۔۔ سنتھیا نے جانے پوچھا تھا یا بتایا تھا
یہ کورین ہے۔۔
سالک نے اندازہ لگایا
یہ تو کوئی سیلیبرٹی ہے۔۔۔
اریزہ نے بڑا سا منہ کھول کر کہا پھر اسے یاد آیا تو بیگ میں ایم پی تھری پلیئر ڈھونڈنے لگی۔۔۔
اور میں اسکے کندھے پر سوتا آیا ہوں
شاہ زیب کو یاد آیا۔۔۔
اس نے میری ا لٹی صاف کروائی۔۔
سنتھیا نے پیر پٹخا
ایم پی تھری پلیر مل گیا تھا مگر اتنے رش میں جا کر اسے واپس کرنا ناممکن تھا وہ بھی رش سے بچتا رپورٹروں کے جھرمٹ میں ائر پورٹ سے باہر ہی نکل رہا تھا۔۔۔
ہمیں کون لینے آرہا ہے؟
اریزہ نے ایم پی تھری پلیئر واپس بیگ میں ڈال۔لیا تھا
کوئی چپٹی ناک والاہوگا سر بتا رہے تھے
ایڈون نے سر کھجایا۔۔
ہم نارتھ کوریا میں ہیں یہاں تو سب کی ہی ناک چپٹی ہے۔۔ اریزہ نے کہا تو سب نے پہلے ایک دوسرے کو دیکھا پھر کورس میں چیخے
سائوتھ کوریا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انکو لینے یونیورسٹی سے جو نمائندے آئے تھے وہ تھوڑی دیر سے پہنچے تھے۔۔
انکے پاس انکی تصاویر موجود تھیں سو وہ سیدھا انکے پاس ہی آئے تھے آتے ہی معزرت کرنے لگے
یار مجھے تو لگ رہا ہم چائنہ پہنچ گئے ہیں یہ کوریا ہی ہے نا؟
اریزہ نے ایڈون کے کان میں سرگوشی کی
ایڈون نے سر ہلا کر تسلی کروائی
یقین رکھو جہاز سیول میں ہی اترا ہے۔۔
یونیورسٹی کا نمائندہ انکو آپس میں بات کرتے دیکھ کر جانے کیا سمجھا بولا
سیول میں اس سے بھی بڑی بڑی عمارتیں موجود ہیں ۔۔
یہ شنوا ٹاور ہے۔۔۔
اس کے کہنے پر دونوں نے باہر گردن گھمائی
اسے کیا لگتا ہم نے اونچی عمارتینں نہیں دیکھیں
دونوں اکٹھے برا مان گئے
یہ دیکھو اریزہ سنتھیا نے بڑے شوق سے اسے کھڑکی کے باہر کچھ اونچا ہاتھ کر کے دکھانا چاہا
ایڈون اور اریزہ نے ایک دوسرے کو دیکھا پھر اریزہ نے بلا لحاظ سنتھیا کے بازو میں چٹکی بھری۔۔ سنتھیا تڑپ کر اسے کھا جانے والی نظروں سے گھورنے لگی۔
چھچھوری سیدھی ہو کر بیٹھو تمہاری وجہ سے یہ ہمیں پینڈو سمجھ رہا۔۔۔
یونیورسٹی جب وہ پہنچے تو شام ہو رہی تھی ان دونوں کو گرلز ہاسٹل کے سامنے ڈراپ کر کے آگے بڑھ گیے تھے انکے استقبال کو ایک لڑکی موجود تھی
آننیانگ ہاسے او۔ میں گوارا ہوں۔ میں بیچلرز کر رہی ہوں ماس کمیونیکیشن ڈیپارٹمنٹ سے۔ آپ لوگوں کو کوریا میں خوش آمدید۔۔
انکو دیکھ کر حسب روایت جھک کر سلام کیا یہ دونوں بھی اسکی دیکھا دیکھی جھک گئیں۔۔۔
ہاسٹل کافی بڑا تھا۔ بڑے سے لان کو پار کر کے ہاسٹل کی لابی آئی تھی چینی گڑیا جیسی لڑکیاں جا بجا چلتی پھرتی نظر آرہی تھیں انہیں دیکھ کر ایک مرتبہ ٹھٹک ضرور رہی تھیں بیگ گھسیٹتی اریزہ نے ایک بار تو رک کر اپنے کپڑے بھی صحیح کر لیے۔۔۔
سنتھیا اسے رکتے دیکھ کر رک گئ۔۔۔
یار سب مجھے گھور رہی ہیں ۔۔۔ اریزہ نے بے چارگی سے کہا۔۔۔ تو سنتھیا نے بھی تائید کی
مجھے بھی ایسا ہی لگ رہا۔۔
ان کے ساتھ چلتی لڑکی اپنی رو میں چلتی لابی میں اوپر سیڑھیاں چڑھتی جا رہی تھی۔۔۔
وہ دیکھو کدھر جا رہی۔۔۔ اریزہ نے کہا تو دونوں جلدی سے بیگ گھسیٹتی پیچھے لپکیں
دوسری منزل پر جا کر کونے میں سب سے آخری انکا ڈورم تھا
وہ دروازے کے پاس جا کر رکی تھی پیچھے مڑ کر دیکھا تو دونوں ہانپتی کانپتی سیڑھیوں پر نمودار ہو رہی تھیں۔۔
توبہ پاکستانی لڑکیاں موٹی کتنی ہیں ۔۔۔ اس نے زیر لب سوچا۔۔۔ یہ تو مہینے بھر میں پہنچیں گی۔۔۔اس نے اندازہ لگایا
دونوں لیکن ایک آدھ ہفتے میں پہنچ گئیں تھیں
یہ روم کارڈ ہے تم لوگوں کا۔
اس نے الیکٹرانک مشین جو دروازے کے برابر نصب تھی کارڈ چھوایا تو کمرہ کا دروازہ کھلا۔۔ اس نے دیوار میں لگی ایک چھوٹی سی پلاسٹک کی درز میں وہ کارڈ رکھا تو کمرہ روشن ہو گیا۔ ۔۔ دونوں کی آنکھیں کھل گئیں
دروازے سے کمرہ ایک قدم اونچا تھا۔ یہاں ایک جانب دیوار گیر الماری تھی جس کے نیچے سلیپر رکھے تھے دو عدد۔
اس لڑکی نے جوتے یہیں اتارے اور چپل پہنتی آگے بڑھی
یہ دونوں بنا جوتے اتارے اندر آگئیں۔ اس لڑکی نے سخت ناپسندیدگئ سے دیکھا
وہ جگہ جوتے اتارنے کیلئے ہے۔ ہم کورین باہر کے جوتے پہن کر کمرے میں نہیں آتے۔
اس نے رواں انگریزی میں جتایا۔
ہم پاکستانی کمرے میں بھی بنا جوتے نہیں پھرتے۔
اریزہ نے جھٹ جواب دیا تھا مگر اردو میں۔ سنتھیا نے سٹپٹا کر ٹہوکا دیا۔ گوارا منہ بن کر چپ ہورہی۔۔ دونوں پر شوق انداز میں کمرہ دئکھنے لگیں۔
بے حد خوبصورت کمرہ تھا بہت بڑا نہیں تھا مگر اتنا بڑا ضرور تھا کہ ایک جانب دو لوگوں کے حساب سے کرسی میز سجے تھے تو دوسرے کونے میں بیڈ بچھا تھا اسی بیڈ کے ساتھ گول چکر کھاتی سیڑھیاں تھیں اوپر جا کر چھوٹی سی جگہ تھی جس میں ایک طرف بیڈ بچھا تھا دوسری جانب الماری بنی تھی اسی طرح کی ایک الماری نیچے والے بیڈ کے سامنے والی دیوار پر بھی تھی۔۔
کیسا لگا کمرہ؟
چپٹی ناک والی لڑکی پوچھ رہی تھی
بہت پسند آیا۔۔
بہت پیارا ہے۔۔۔ دونوں نے کہا تو وہ تھوڑا سا ہنس کر اپنی زبان میں بولی
بے چاری غریب ملک کی اس پر ہی خوش ہو گیئیں
کیا کہہ رہی ہیں؟
اس کی مسکراتی شکل سے انہیں شک بھی نہ گزرا کچھ الٹا سیدھا کہہ رہی ہوگی۔۔
مں بتا رہی تھی نہا دھو لو۔۔ آٹھ بجے کے قریب نیچے بائیں جانب ہال ہے وہاں کھانا کھانے آجانا۔۔۔
وہ بتا کر جھک کر وش کرتی باہر چلی گئ۔۔۔ باہر نکل کر گہری سانس لی۔۔
اف کتنی بدبو تھی ان کے پاس۔۔۔لگتا ہے پاکستانی نہاتے نہیں۔۔
۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کونے میں لگے بڑے سے آئنے میں خود کو دیکھنے لگی سنتھیا تھک چکی تھی سو نیچے والے بیڈ پر ڈھیر ہو گئ۔۔۔
اریزہ نے اوپر دیکھا۔۔۔ ویسے اسے اوپر والا بیڈ لینے میں اعتراض بھی نہیں تھا۔۔ چلو بیڈ کا فیصلہ ہوگیا۔۔
ہم پریشان ہو رہے تھے یہ سب ہمارے کپڑوں کی وجہ سے ہمیں دیکھ رہی تھیں۔۔۔ اس نے اپنا دوپٹہ لہرایا۔۔۔
ہممم سنتھیا نے تائید کی
دیکھا تھا اس نے کیا پہن رکھا تھا؟
شارٹ اسکرٹ پنڈی سے دو تین ڈگری کم ہی ہے یہاں کا موسم اور ابھی ہمیں لان میں کپکپی چڑھ رہی تھی ٹھنڈی ہوا سے اور یہ کتنے مزے سے۔۔۔
وہ جوش میں اٹھ کر بیٹھ گئ۔۔
ہاں یار ویسے ہو سکتا ان لوگوں کو ٹھنڈ کم لگتی ہو انکی خوراک کتنی مختلف ہے ہم سے۔۔ اریزہ نے خیال ظاہر کیا۔۔۔
ہم ویسے کیا کھائیں گے؟ سنتھیا کو فکر ہوئی۔۔
تم تو کھا سکتی ہو انکا کھانا میں گوشت نہیں کھائوں گی۔۔ویسے میں نے جو ریسرچ کی اسکے مطابق کورین اسپائسی کھانا کھاتے ہیں۔۔۔اف یہ الٹی والے کپڑے بدلوں سخت الجھن آرہی ہے۔
اریزہ نے بیگ سے کپڑے نکالے سنتھیا نے اسے غور سے دیکھا پھر پوری قوت سے بھاگ کر باتھ روم میں گھس گئ۔۔۔ اریزہ کو جتنی دیر میں سمجھ آیا وہ دروازہ بھی بند کر چکی تھی۔۔
ہے سنتھیا یار ۔۔۔ کیا حرکت ہے۔۔ کپڑے تو نکال۔لیتیں
تم نکال دو میرے اندر سے مزے سے حکم صادر ہوا۔۔۔
میں کوئی نہیں نکال رہی اندر ہی رہنا رات بھر تم
اریزہ تپ گئ۔۔۔
خیر ہے میں شاور کے بعد باہر آ کر خود نکال۔لونگی
ویسے بھی یہاں تمہارے سوا ہے کون۔۔۔
وہ مزے سے بولی۔۔
اریزہ نے پہلے دو تین زیر لب گالیاں دیں پھر بڑبڑاتی ہوئ اسکا بیگ کھول کر کپڑے نکالنے لگی
یہ لو۔۔ دروازہ کھٹکا کر اس نےتھمائے
اور زیادہ۔ماڈرن بننے کی ضرورت نہیں کوریا میں موجود ہو مگر ہو پاکستانی ہی۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گوارا نیچے ہال میں آئی تو جی ہائے دور کونے میں بیٹھی تھی ہاتھ ہلا کر اسے بلایا۔۔ وہ مسکراتی اسکے پاس چلی آئی
کہان رہ گئ تھیں ؟ اتنی دیر لگا دی شاور لینے میں؟
یار نیچے آرہی تھی میڈم نے کہا دو نئ لڑکیوں کو ہاسٹل چھوڑ کر آئو تمہارے روم کے سامنے والے روم میں شفٹ ہوئی ہیں۔۔۔
اب کونسا سیشن ہے؟ وہ حیران ہوئی۔۔
ہمارا تو سیمسٹر کا بیچ چل رہا ہے ۔۔۔
کوئی ٹرانسفر اسٹوڈنٹ ہیں کسی چھوٹے سے ملک کی ٹان کرکے
گوارا نے زہن پر زور ڈالا۔۔
جبھی۔۔۔ خیر مجھے تو اکیلے رہنے کی عادت ہو گئ ہے تم ہفتے میں دو ایک دن ہی یہاں گزارتی ہو وہ بھی اگر تمہیں یی ڈر نہ ہو کہ ہاسٹل کی ریزرویشن کینسل ہو جائے گی تو وہ بھی نہ ٹھہرو۔۔ جی ہے نے تا ئید چاہی تو وہ منہ لٹکا کر بولی۔۔
یار سوچ رہی ہوں اپارٹمنٹ چھوڑ کر کچھ بچت کر لوں ۔۔ مگر یار اپارٹمنٹ کا سکون بہت ہےآرام سے موج کرتی۔۔۔۔۔
تو یہاں کیوں آتی ہو؟ جے ہی نے پوچھا تو ٹھنڈی سانس بھری لمبی کہانی ہے پھر کبھی۔۔۔
ابھی چلو کھانا کھا لیں۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیا کھائیں۔۔۔ اریزہ ایک۔کے بعد ایک ڈش کھول کر دیکھ رہی تھی
دونوں الجھن میں مبتلا سی کھڑی تھیں
کیا ہوا؟
گوارا جو کھانا لینے آئی تھی حیرانی سے پوچھنے لگی
کچھ نہیں۔۔ سنتھیا نے گڑبڑا کر جلدی سے سامنے والی ڈش سے بڑا سا گوشت کا پیس نکال لیا پلیٹ میں۔۔
اریزہ اب بھی کنفیوز تھی۔۔
اس نے سلاد اٹھا لی۔۔۔
تم سبزیاں کھانا چاہ رہی ہو؟ گوارا نے پوچھا تو اس نے جھٹ سر اثبات میں ہلا دیا
یہ سوپ لے لو
اتنی گرمی میں سوپ وہ بے چارگی سے بولی مگر پھر بائول۔اٹھا کر سوپ لے لیا ایک پلیٹ میں کچھ سادے چاول لیے اور سلاد سے ابلے انڈے چن لیے
سنتھیا نے بھی تھوڑے سے چاول نکال لیے۔۔۔
جے ہی نے حیرت سے ان دونوں کو دیکھا۔۔
یہ کیا پہنے ہیں؟
اس نے گوارا کے کان میں سرگوشی کی۔۔۔ وہ دونوں قریب میز پر جا کر بیٹھ گئیں تو جی ہائے لمبے سے لٹکتے دوپٹے کو نظر انداز نہ کر سکی
انکا کوئی روائیتی لباس ہوگا۔۔ کیمونو جیسا ۔۔۔ اس نے اندازہ لگایا۔۔۔
اس نے چاپ اسٹکس اٹھائیں تو اریزہ کو سوپ چکھتے دیکھ کر جانے کیا سوجھی جی ہائے کے کان میں بولی
آئو انکے ساتھ بیٹھتے ہیں شغل رہے گا۔۔۔ جی ہائے فورا مان گئ۔۔۔
یار یہ کیا ہے اتنا پتلا سوپ اور وہ بھی پالک کا؟
اریزہ نے سوپ میں چمچ چلایا۔۔۔
سنتھیا نے اسکی بے چاری سے شکل دیکھی پھر اپنا چمچ اٹھا کر سوپ چکھا۔۔۔
یہ پالک نہیں ہے۔۔ گھاس لگ رہی یہ تو۔۔ وہ کالی سی پرت جو سوپ مین تیر رہی تھی چبا کر اسکا جیسے منہ خراب ہو گیا۔۔
ہین پالک نہیں ؟ میں تو کھا گئ اسے۔۔ اریزہ ڈری
بے وقوف گوشت تو نہیں ہے نا۔۔ سبزی تھوڑی حلال حرام ہوتی۔۔۔ اس نے ڈپٹا تو اس کی عقل کے در وا ہوئے۔۔
سر ہلادیا۔۔
ویسے آج پہلا دن ہے یہ بیف اسٹیک چکھ لو یہ واقعی اچھا ہے۔۔ سنتھیا کو اس پر ترس آیا۔۔
نہیں یار ایسی بھی کیا بات۔۔ بھوک تو مٹ جائے گی سادے چاول بھی نعمت لگ رہے فی الحال تو۔۔
اس نے سوپ رکھ دیا اور صبر شکر کرکے چاول پر ابلے انڈے رکھ کر کھانے لگی۔۔۔
کیسی لگی کورین کیوزین؟
گوارا اور جی ہائے نے بڑی اپنائیت سے پوچھا تھا۔۔
اچھا ہے ۔۔ سنتھیا نے دل سے کہا تھا اسے وا قعی پسند آیا۔۔
واقعی۔۔ اسکا مطلب تمہیں گدھے کا گوشت کافی پسند ہے۔۔۔ مجھے بھی۔۔
ویسے میں یہاں بیٹھ سکتی ہوں ؟
گوارا معمول کے سے انداز میں بولی
وہ دونوں شاک میں اسے دیکھ رہی تھیں جی ہائے جو گوارا کی تقلید مین بیٹھ رہی تھی گبھرا کر اٹھ گئ۔
کیا؟ دونوں اردو میں چلائیں۔۔
مجھے لگتا انکو ہمارا بیٹھنا پسند نہیں آیا ۔جی ہائے منمنائی
کیا ہوا ؟ گوارا نے حیرانی سے پوچھا
یہ اسٹیک گدھے کے گوشت کی ہے؟
اریزہ نے حواس بحال کر کے پوچھا۔۔
گوارا نے اثبات میں سر ہلایا
سنتھیا رونے والی ہوگئ۔۔
اریزہ۔۔
یہ کوئی غلط چیز نہیں ہم یہی کھا رہے ہیں دیکھو تمہارے سامنے وہیں سے لائے ہیں۔۔۔
بات اب کوریا پر آرہی تھی اسے یہی لگا شائد وہ دونوں یہ سمجھ رہی ہیں کہ انکو دوسرے ملک کا سمجھ کر بے وقوف بناتے ہوئے کچھ الٹا کھلایا جا رہا ہے سو فورا صفائی پیش کرنے لگی۔۔۔ اریزہ نے گلاس بھر کر سنتھیا کو پکڑایا
نہیں وہ اسے گدھے کا گوشت پسند نہیں بس اسلیے۔۔
وہ یہی کہہ سکی
مگر ابھی تو اس نے کہا اسکو اسکا ٹیسٹ پسند آگیا ہے گوارا حیران تھی
چلو پہلے نہیں پسند تھا اب تو پسند آگیا کھا تو لو۔۔ جےہی نے بھی کہا تو سنتھیا اٹھ کھڑی ہوئی اسے اپنے ارد گرد گدھے ڈھینچو ڈھینچو کرتے نظر آرہے تھے۔
میرا پیٹ بھر گیا سنتھیا کہہ کر تیز تیز چلتی باہر نکل گئ۔۔۔
ایکسکیوز می۔۔ اریزہ بھی معزرت کرتی اسکے پیچھے بھاگی۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہا کر بال کھول کر درختوں کے نیچے پھرا رہی ہو کوئی جن ون نا چمٹ جائے بس کرو اب اندر چلو۔۔۔ سر پر اچھی طرح دوپٹہ لے کر بھی اسے لان میں ٹہلتے ڈر لگ رہا تھا سنتھیا نے بھی سر سے دوپٹہ اوڑھ رکھا تھا اسکے بال کمر تک تھے سو گیلے تھے ابھی تک
کوریا میں جن کہاں۔۔۔ سنتھیا بھنائی
جنوں کو کوریا آنا منع ہے کیا؟ اریزہ الٹا اس سے پوچھنے لگی۔۔۔
اور چلو پاکستانی ٹھرکی جن نہ آئے ہوں ہمارے ساتھ کورین کوئی چپٹی ناک والا بھی ہماری بڑی بڑی آنکھوں پر عاشق ہو سکتا ہے۔۔ یہاں ایسی آنکھیں کہاں۔۔ وہ آنکھیں مٹکا کر اترائی۔۔۔
اریزہ میں نے گدھا کھا لیا یار۔۔۔ سنتھیا کو اسکی اتنی باتیں بھی یہ غم نہ بھلا سکیں
یار بس کرو وہاں پاکستان میں بھی کھایا ہی ہوگا تم نے تو تم نے میں نے بھی۔۔۔ کھلے عام بیچ رہے تھے مسلمان گدھے کا گوشت گائے کا کہہ کر ۔۔۔ اریزہ جھلائی۔
۔۔ وہ تو ٹھیک ہے مگر ہم تو گائے سمجھ کر ہی کھاتے ہیں نہ۔۔ سنتھیا بے چارگی سےبولی تو اریزہ ہنس پڑی
یہ بھی تم نے گائے کا گوشت سمجھ کر ہی کھایا تھا۔۔
بس کنفرم جلدی ہوگیا کہ گدھا ہی تھا یہ۔۔۔ وہ مزاق اڑا رہی تھی
سنتھیا نے گھور کر دیکھا اور پیر پٹختی لابی میں جانے لگی
اریزہ نے رفتار بڑھا کر اسے جالیا۔۔۔
سنتھیا کے کندھے پر ہاتھ رکھا اس نے جھٹک دیا
وہ ہنستے ہنستے لپٹی تو اسکے سر سے دوپٹہ اتر گیا لمبے بال بکھر گئےدوپٹی ہوا کے زور سے لہرا گیا۔۔
لابی میں سیڑھیاں اتر کر آتی لڑکی ٹھٹھک گئی
نیم اندھیرے میں لہراتے پردے لمبے کھلے بالوں والی لڑکی اور سر سے پائوں تک سفید لہراتا لباس کھلکھلانے کی آواز ۔اس کے منہ سے گھٹی گھٹی چیخ نکلی
دونوں چونک کر ہنسی کر بریک لگا کر مڑیں تو تھر تھر کانپتی کورین بھونچکا کھڑی تھی
کیا ہوا؟ وہ دونوں کونسا طرم خان تھیں تیزی سے اندر بھاگیں
دو سفید لباس والی پاکستانی بھتنیوں کو تیزی سے اپنی طرف بھاگ کر آتا دیکھ کر کورین دوشیزہ کا ننھا دل کانپ اٹھا ہلکی سی جھر جھری لے کر وہ ان بھتنیوں کے قدموں میں ڈھیر ہو چکی تھی۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یار کچھ زیادہ بیستی نہیں ہو گئ میری ٹھیک ہے میں ان سب اور تمہاری طرح چٹی چمڑی نہیں مگر اتنی بھی کالی نہیں کہ مجھے دیکھ کر کوئی بے ہوش ہو جائے۔۔۔
رات کو بستر پر لیٹتے ہوئے سنتھیا دکھی ہو گئ۔۔
مجھے بھی دیکھ کر ڈری تھی وہ میں تمہارے ساتھ ہی تھی سینٹی مینٹل ہیروئن۔۔
اریزہ نے مکھی اڑائی
تمہیں نیند آرہی ہے۔۔۔
سنتھیا کے لہجے میں یاسیت اتر آئی
نہیں یار مجھے تو اپنا بیڈ اتنا یاد آرہا۔۔۔
رات کے گیارہ بج رہے تھے دونوں دو دن کی تھکی تھیں مگر نیند آنکھوں سے کوسوں دور تھی۔۔۔ اس نے موبائل اٹھا لیا۔
یار پاپا کو کال کرنا تو بھول ہی گئ۔۔
پہلے سوچا کال کرلے مگر انٹر نیشنل رومنگ پر کال؟
اس نے خیریت سے پہنچنے کا پیغام بھیجا ۔۔
کچھ دیر جواب کا انتظار کرتی رہی پھر سکرین کو دیکھتے دیکھتے ہی جانے کب آنکھ لگ گئ۔۔۔
صبح سنتھیا نے اسے جگایا تھا
آٹھ جائو آٹھ بج رہے پہلا دن ہے ہمیں جلدی جانا چاہیے۔۔۔
وہ جلدی میں کہہ کر پلٹ گئ۔۔
اس نے کسمسا کر آنکھیں کھولیں پھر زور سے بولی
کوئی اخیر زہر عورت ہو تم سنتھیا۔۔۔
سات بج کر دس منٹ ہوئے تھے جبھی وہ تیزی سے نیچے بھاگی تھی ۔۔۔
وہ منہ بناتی بال سمیٹتی اٹھی۔۔۔ موبائل میں پاپا کی ایک مسڈ کال پڑی تھی اور دو میسج
اوہ وہ سوگئ تو پاپا کال کرتے رہ گئے۔۔۔ اس نے خود کو کوسا۔۔
پاپا اسے اپنا خیال رکھنے کی تاکید کر رہے تھے ساتھ یہ بھی کہ شاید سو گئ ہے سو آرام کرلے وہ بعد مین بات کر لیں گے۔۔۔
اس نے اپنے موبائل میں وقت دیکھا تو موسم کے حال والی ایپ پنڈی میں رات کے تین بج رہے ہیں بتا رہی تھی۔۔اس نے کرنٹ لوکیشن بھی ایڈ کر لی۔۔۔
سیڑھیاں اتر کر سیدھا باتھ روم کا رخ کیا تو سنتھیا شاور لے رہی تھی اس نے غصے سے دروازہ پیٹ دیا۔۔۔
کم از کم نہا کر ہی اٹھا لیتی تم مجھے۔۔۔ وہ کسلمندی سے نیچے والے بیڈ پر گر گئ۔۔۔
دس منٹ بعد کھل کھلاتی ہوئ موصوفہ باہر آئی تھیں۔۔۔
گھور کر اسے دیکھتی اریزہ اپنے کپڑے اٹھا کر باتھ روم میں گھسی۔۔
کپڑے لٹکا کر مڑی تو ٹوائلٹ بائول کو دیکھ کر ٹھنڈی سانس بھری۔۔۔ چند لمحے دیکھتے رہنے کے بعد بھی وہ ویسا ہی رہا تو منہ بناکر رہ گئ۔۔ یہاں اسی پر گزارا کرنا تھا اسے۔۔
۔۔۔۔۔ نہا کر باہر آئی تو سنتھیا جینز اور ٹاپ پہنے گلے میں اسٹول ڈالے تیار کھڑی تھی۔۔
یونیورسٹی میں وہ اسی حلیے میں جاتی تھی۔۔ پونے آٹھ ہونے کو تھے
اریزہ تم بھی جینز پہن لو ورنہ کل کی طرح سب گھورتے رہی گے۔۔۔
سنتھیا کا مشورہ اچھا تھا مگر اریزہ اپنے پیچ اینبرائیڈڈ لان کے کرتے پاجامے میں اطمینان سے تھی۔۔ اپنے شولڈر کٹ بالوں میں ہاتھ چلاتی آرام سے بولی
ٹیمپریچر دیکھا ہے؟ 34 ڈگری ہے باہر۔
اچھی خاصی گرمی مجھے روسٹ نہیں ہونا گرمی میں سب سے آرام دہ لباس بس لان کا ہی ہوتا ہے۔۔۔
سنتھیا نے کندھے اچکا دیے۔۔
ناشتے کا کیا کرنا ؟
اریزہ کو بھوک لگ رہی تھی۔۔
یہاں کا تو کوئی اندازہ نہیں یونیورسٹی چلتے ہیں دیکھتے ہیں ان لڑکوں نے کیا سوچا۔۔سنتھیا نے کندھے اچکا دیے۔۔
یار وہ کل جو لڑکی ہمیں ملی تھی وہ ہمارے ہی ڈیپارٹمنٹ کی تھی نا۔۔۔
اریزہ کو یاد آیا۔۔
ہاں تھی تو پر اس وقت نجانے کہاں ہوگی۔۔۔ ہم خود ہی چلتے ہیں۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہاں ہی ہوں ڈیپارٹمنٹ کی سیڑھیاں چڑھ رہی ہوں۔۔
وہ آج بہت اونچی ہیل پہن کر آئی تھی سو کافی احتیاط سے چل رہی تھی۔۔
ایکسکیوز می۔۔ ایڈون سالک اور شاہزیب تینون ڈیپارٹمنٹ ڈھونڈ رہے تھے تین لوگوں سے پوچھ چکے تھے کسی کو انگریزی نہیں آتی تھی تو کسی کو ڈیپارٹمنٹ کا نہیں پتہ تھا۔۔
گوارا فون کان سے لگائے لگائے مڑی۔۔
ہم ماس کمیونیکشن کے طلبا ہیں آپ ہمیں بتا سکتی ہیں بلاک۔۔۔
اس نے ابھی اتنا ہی کہا تھا گوارا نے مصروف انداز میں سامنے بورڈ کی طرف اشارہ کیا۔۔۔ اور آگے بڑھ گئ
انکے مطلوبہ بلاک کا نمبر بڑا بڑا سامنے ہی درج تھا۔۔
انگریزی میں بھی مقامی زبان میں بھی۔۔۔
یار حد ہے۔۔ تینوں کھسیا گئے۔۔
ہمیں ڈیپارٹمنٹ نہیں مل رہا وہ دونوں تو گم ہی گئ ہونگی۔۔
یہ کہتا ایڈون ابھی چار سیڑھیاں ہی چڑھا تھا سامنے کلاس روم کے کھلے دروازے سے اریزہ کا کھلکھلاتا چہرہ دکھائی دیا۔۔ شاہ زیب اور سالک بھی انہیں دیکھ کر حیران تھے۔۔۔
وہ سب اکٹھے بیٹھنا چاہ رہے تھے چار چار سیٹوں کا ڈیسک تھا۔۔ اریزہ حسب عادت سب سے آگے والا ڈیسک گھیر کر بیٹھ گئ تھی۔۔ باقی ڈیسک گھرا تھا ایڈون پیچھے خالی ڈیسک پر جا کر بیٹھا اور ان دونوں کو بھی بلایا
وہ تینوں وہاں بیٹھے ہم بھی وہیں چلتے۔ سنتھیا اجنبی شکلوں میں گھبرا رہی تھی۔۔
بیٹھی رہو کلاس میں ہیں ہم۔۔ اریزہ مطمئن تھی۔۔ گوارا اور جی ہائے ان کے پیچھے آ بیٹھیں اس نے مڑ کر گرم جوشی سے ہائے کہا۔۔
مگر کل کے مقابلے میں گوارا کا انداز کافی روکھا تھا۔ اریزہ کندھے اچکا کر سیدھی ہوگئ۔۔
سر پارک مسکراتے چلے آئے۔
ہایون ان کے ساتھ ہی کلاس میں آیا تھا
کم سن اور جون تائی سب سے پیچھے کونے میں بیٹھے تھے وہ انکی طرف بڑھا۔۔
ہایون یہ سیٹ خالی ہے۔۔ سر نے سنتھیا کے ساتھ والی سیٹ کی طرف اشارہ کیا وہ سر جھٹکتا وہیں آبیٹھا۔۔
کیا حال ہے بچوں؟
وہ آج خوش گوار موڈ میں تھے
ٹھیک ہیں سر۔۔
اچھی بات ہے۔۔ آج ویسے مجھے اطلاع ملی ہے نئے ایکسچینج اسٹوڈنٹس آج ہمارے ساتھ کلاس میں شامل ہوئے ہیں کیا میں آپ سب کو جان سکتا ہوں۔۔۔
انہوں نے پوچھا تو یہ پانچوں اٹھ کھڑے ہوئے۔۔۔
ہممم اچھی بات بیٹھ جائیے۔۔
آپ لوگ سیمسٹر کے بیچ میں یہاں آئے ہیں آپ لوگ اپنے ملک میں کیا کتنا پڑھ چکے میں نہیں جانتا مگر سیمسٹر کے بیچ میں یہاں سے آپکو کافی محنت درکار ہوگی یہ پانچ مجھے امید ہے آپ لوگوں میں جلد گھل مل جائیں گے۔۔ آپ سب کو انکی مدد کرنی پڑے گی کیا میں امید رکھوں آپ سب سے تعاون کی؟
جی سر۔۔ سب نے کورس میں جواب دیا۔۔
گڈ۔۔
گڈ لک پاکستاینز ورک ہارڈ۔۔
انہوں نے بک اپ کیا۔۔
یہ کیون اوڑھ رکھا ہے؟
جے ہی نے آگے جھکتے ہوئے اریزہ سے سرگوشی میں پوچھا۔۔
یہ اسکارف ہے ہم پاکستانی لڑکیاں اپنے لباس کے ساتھ اسے بھی اوڑھتی ہیں ۔۔
اس نے خوش اخلاقی سے جواب دیا۔۔
ہایون کان میں پڑنے والی آواز سے انکی جانب غیر ارادی طور پر متوجہ ہوا۔۔
مجھے لگتا یہ موٹی بہت ہے اسلیئے اس طرح اپنے آپ کو چھپا رہی۔۔ گوارا نے اپنی زبان میں اظہار خیال کیا
اریزہ کو سمجھ تو نہیں آیا مگر کیا کر سکتی تھی مسکرا کر سیدھی ہو بیٹھی۔
ہیون نے اس کو کافی غور سے دیکھا۔۔
پیچ کلر کے کرتے پاجامے میں وہ بڑا سا کپڑا جو اسکے لباس سے قطعی مختلف اور رنگ برنگے پرنٹ کا تھا سینے پر پھیلائے تھی۔۔ شولڈر تک آتے بالوں کو اس نے کیچر میں باندھا ہوا تھا اسکے بال سیاہ تھے مگر گھنے تھے۔
اس نے حیرت سے اسکے حلیے کو دیکھا۔۔ شائد اسکے ملک میں یہی فیشن ہو۔۔
دوسری لڑکیوں کے برعکس وہ ہلکی سی لپ اسٹک تک نہیں لگائے تھی۔۔۔
سنتھیا مجھے بہت بھوک لگ چکی ہے۔۔ اس نے بے چاری سی شکل بنا کر کہا۔۔
مجھے بھی میں نے رات کو بھی ٹھیک سے گدھا نہیں کھایا تھا۔۔۔ سنتھیا نے دھیرے سے کہا تو بے ساختہ ہنس دی
ہایون کی توجہ اسی پر تھی انکی آواز کتنی باریک سی تھی اور ٹھہر ٹھہر کو بولتے ہوئے زبان تو نا جانے کونسی تھی مگر سننے میں اسے کافی بھلی لگی۔۔
کلاس ختم ہونے پر سنتھیا سیدھا ایڈون کی جانب بھاگی
ارے رکو۔۔ اریزہ اسکی تیزی پر حیران رہ گئ۔۔ اپنا بیگ اٹھاتی بولتی ہوئ لپکی تو جتنی تیزی سے آگے بڑھی تھی اتنے ہی زور سے پیچھے ہوئی گلا گھٹا تھا اور الٹ کر پیچھے گرنے لگی
ہایون اسکو گرتے دیکھ کر ایکدم سہارہ دینے اٹھا مگر وہ سنبھل گئ تھی۔۔ پلٹ کر دیکھا تو اسکے دوپٹے کے دونوں کنارے کرسی کی پشت سے بندھے تھےاتنی زور کا جھٹکا پڑنے سے اسکی آنکھوں میں آنسو آگئے تھے اور کھانسی بھی لگ گئ۔۔ اس نے بیگ کرسی پر ڈالا اور دوپٹہ گردن سے ڈھیلا کرنے لگی
ایک منٹ۔۔ ہیونگ سک نے آگے بڑھ کر اسکا دوپٹہ چھڑانا چاہا۔۔
دو گرہ لگا کر پکا باندھا تھا۔۔
وہ کرسی کے ہتھے پر ٹکی تو دوپٹے میں جھول پڑا گرہ ڈھیلی پڑی۔۔
جب تک ایڈون وغیرہ صورت حال سمجھ کر اس تک آئے وہ دوپٹے کی گرہ کھول چکا تھا
تھینک یو۔۔ بھرائے آواز میں اریزہ بولی۔۔
اٹس اوکے۔۔ ایون آئم سوری دس وازنٹ آ گڈ پرینک ایٹ آل۔۔ میں معزرت خواہ ہوں اپنی دوست کی جانب سے۔۔۔
آپ اب بہتر محسوس کر رہی ہیں؟
اریزہ اتنی انگریزی کے جواب میں کھانس کر ہی رہ گئ۔۔
کیا ہوا اریزہ تم ٹھیک تو ہو۔۔
سنتھیا بھاگ کر آئی۔۔
ہمم ۔۔ اس نے شانوں پر دوپٹہ برابر کیا۔۔
یار یہ بھی کوئی مزاق تھا ابھی اسکو گردن میں جھٹکا بھی آسکتا تھا۔۔ یہ شاہزیب تھا جو غصے میں بولا۔۔
ہیونگ سک نے انکو دیکھا تو اپنا بیگ اٹھا کر جانے لگا۔۔
آپ انکو پانی پلائیں
وہ کچھ سوچ کر مڑا پھر اپنے بیگ سے بوتل نکال کر اسکی جانب بڑھائی۔۔
تھینک یو ہم بس ابھی کیفے ہی جا رہے۔۔ ایڈون نے سہولت سے منع کردیا تھا۔۔
وہ بھی کندھے اچکا کر مڑ گیا۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ سب چیز سینڈوچ کھا رہے تھے چائے کے نام پر جو یہاں مل رہا تھا وہ ہرگز بھی انکو چائے کہیں سے نہ لگا تھا سو سب نے کافی پر ہی اکتفا کیا۔۔
یار کھانے کا یہاں بہت مسلہ ہے رات کو زندگی میں پہلی بار سادے ابلے چاولوں پر انڈہ رکھ کر کھایا۔۔
شاہزیب منہ بنا کر بتا رہا تھا
چلو کھایا تو۔۔ میں نے تو دو نوالے لیے ہونگے پتہ چلا گدھے کے گوشت کا اسٹیک ہے ساری رات خواب میں گدھے ہی دیکھتی رہی میں۔۔۔ سنتھیا کا اپنا دکھڑا تھا
ہیں وہ اسٹیک گدھے کے گوشت کا تھا۔۔
سالک کی آنکھیں ابل پڑیں
اور کھا گوشت ۔۔ شاہ زیب ہنسا
میں نے سوچا تھا پہلا دن ہے آج کھا لوں بعد میں حرام حلال دیکھتا رہوں گا۔۔۔ وہ منہ بنا کر بولا
کیون پہلے دن مزہب کا اطلاق نہیں ہوتا آپ پر؟
اریزہ نے کہا تو سالک کے سر پر سے گزر گیا
کس کی طلاق؟
بھول جائو۔۔۔ اریزہ نے منہ بنایا
تم لوگوں نے وہ نہیں سنا جب روم میں ہو تو وہی کرو جو رومی کرتے؟
ایڈون نے اطمینان سے سینڈوچ ختم کرکے ٹشو سے ہاتھ منہ صاف کیا۔۔
یعنی۔
اریزہ نہ سمجھی
یعنی یہ کہ کل یہ شاہزیب لوٹا ڈھونڈ رہا تھا اور سالک کسی طرح گدھے کے گوشت کر ھلال ثابت کر رہا تھا کہ مجھے نہیں پتہ اس جانور کو ھلال کیا یا نہیں سو یہ حلال ہے۔۔
سالک کھسیانا سا ہوا۔۔۔
ویسے تھا مزے کا اسٹیک۔۔۔ اس نے کہا تو اریزہ اور سنتھیا گھور کر رہ گئیں۔
تو جناب یہ اپنے پاکستانی طور طریقے بھول کر کوریا میں ہو تو کوریائی لوگوں کی طرح رہو۔۔ نان مسلم کنٹری ہے یہاں ھلال گوشت اور لوٹا نہیں ملنے والا تم۔لوگوں کو سو یا تو صبر کرو یا پھر موج کرو کیونکہ مجبوری کا نام ہے شکریہ۔۔ ایڈون کی تقریر ختم ہوئی
مزہب کوریا میں آکر تبدیل نہیں ہوگیا ۔۔ جس گوشت کے بارے میں آپکو یقین نہیں کہ اسے حلال کیا گیا ہے کہ نہیں وہ چاہے گدھے کا ہو گائے کا ہو حرام ہے اسکو آپ معصومیت سے یہ کہہ کر ٹال۔نہیں سکتے کہ مجھے کیا پتا۔۔آپ غیر مسلم ملک میں ہیں سو آپکو پتہ ہے کہ وہ حلال نہیں کرتے۔۔
لوٹا نہیں مل رہا تو مسلم شاور باتھ روم میں موجود ہے اسے استعمال کیجئے
رہی بات پاکستانی طورطریقے کی تو ہم یہاں کچھ عرصے کیلیے ہی آئے ہیں ہمیشہ یہاں نہیں رہنا سو انکو بھولنے کی ضرورت نہیں وہیں واپس جا کر کام آئیں گے۔۔
اریزہ رہ نہ سکی ۔۔ اسکی اتنی لمبی تقریر کو ایڈون بھی جھٹلا نہ سکا کندھے اچکا کر رہ گیا۔۔
سنو شام کا کیا پروگرام ہے
گھومیں سیول میں ؟
سالک نے کہا تو وہ سب موڈ تبدیل کرکے پرجوش ہوگئے
مگر یار یہاں کے راستے وغیرہ نہیں پتہ ہمیں۔۔
سنتھیا نے کہا تو سب اسے دیکھ کر رہ گئے
سمارٹ فون ہے نا اسٹوپڈ لڑکی۔۔ ایڈون نے اسکے سر پر ٹھونگا لگایا۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ پانچوں سہ پہر میں یونیورسٹی گیٹ پر اکٹھا ہوئے۔۔
یہ رہی ہماری پہلی منزل۔۔
گنگنم اسٹریٹ۔۔
ہم جائیں گے بائی ٹرین ۔۔
تم سب میرے ساتھ رہنا میں نے سب پلان کر لیا ہے۔۔ تم لوگ بس میرے ساتھ چلو
پہلا اسٹاپ جہان سے ہم ٹرین پر چڑھ سکتے پندرہ منٹ کی واک پر ہے۔۔ چلو میرا پیچھے آئو۔۔
ایڈون طرم خان بنا ہوا تھا
مزے سے کہہ کر آگے ہو ا تو ان میں سے کوئی بھی جگہ سے نہ ہلا
وہ خود ہی کچھ دور جا کر رک گیا۔۔
یہ کچھ چھچھورا نہیں ہو رہا۔۔ اریزہ نے کہا مگر سب متفق تھے اس سے
آئو نا۔۔ وہ مڑ کر بولا یہ سب اسے یونہی گھورتے رہے وہ پلٹ کر واپس آیا اور ان کیساتھ آکھڑا ہوا سر جھکا کر بولا
سب اکٹھے چلتے ہیں۔۔
یہ بہتر ہے۔۔ وہ سب کورس میں بولے۔۔
یونہی ہنستے باتیں کرتے جب آدھا گھنٹہ انہیں چلتے ہو گیا اور تب جا کر اسٹیشن دور کم از کم پانچ منٹ کی واک پر نظر آیا تو سب دانت کچکچاتے مڑے
ڈرائیو کرکے آتے تو دس منٹ بھی نہ لگتے
وہ معصوم سی شکل بنا کر بولا۔۔
ہمیں تو یہیں تھکا مارا ہے گنگنم اسٹریٹ کیلیے وہیل چئیر ہائر کرلو اب۔۔
سنتھیا تھک گئ ۔۔
خدا خدا کرکے اسٹیشن آیا
ایڈون ہی ڈھونڈھانڈ کر ٹکٹس لے آیا۔۔
یہاں لیڈیز کا علیحدہ حصہ نہیں ؟
اریزہ حیران ہوئی
ٹرین کھچا کھاچ بھری تھی ایڈون سالک اور شاہ زیب انکو گھیر کو کھڑے ہوگئے۔۔وہاں لیڈیز فرسٹ کا اصول بھی نہیں تھا لڑکیاں ہینڈ گرپ پکڑ کر کھڑی تھیں تو لڑکے مزے سے ٹانگ پر۔ٹانگ رکھے سیٹ پر بیٹھے تھے۔۔
ایڈون کے برابر والی سیٹ خالی ہوئی تو اس نے سنتھیا کو وہاں بٹھا دیا۔۔
اریزہ کو بھانت بھانت کی شکلیں دیکھنے میں مزا آرہا تھا۔۔
اسٹاپ آنے پر بھی وہ تینوں ہی رش میں جگہ بنا کر انہیں باہر لائے۔۔
سنتھیا ہم اکیلے ہوتے تو ابھی ٹرین سے ہی نہ نکل پاتے۔۔ اریزہ نے سنتھیا کا بازو تھام کر کیا وہ سو فیصد متفق تھی۔۔
یہ تو راجہ بازار ہے۔۔۔
گنگنم اسٹریٹ دیکھ کر وہ۔حیران رہ گئ۔۔
تنگ راستے جگہ بے جگہ ٹھیلے کہیں کھانے پینے کے اسٹال تھے کہیں جیولری۔۔
سنو جہاں بھی گول گول گھوم لو اکٹھے اسی ریستوران کے سامنے ہونا ٹھیک۔۔
سالک اور شاہزیب کا ارادہ گھومنے کا بن رہا تھا تو ایڈون نے انکو تاکید کی وہ دونوں سر ہلاتے ایک جانب مڑ گئے
یہ دونوں ایڈون کے ساتھ تھیں وہ انہیں لے کر سیدھا چل پڑا۔۔
ایسی نئی نئی چیزیں کھانے پینے کی دکھائی دے رہی تھیں کہ عقل دنگ رہ گئ۔۔
ایک جگہ سے ایڈون نے انہیں رائس کیک جو پاکستانی پاپڑ کی طرح کڑنچ کڑنچ کر کے کھائے جا سکتے تھے دلائے پھیکے تھے مگر مختلف ذائقہ تھا دونوں کو کافی پسند آیا
سی فوڈ والے حصے کی طرف بو کی وجہ سے دونوں جانے کو تیار نہ ہوئیں۔
ایک جگہ روائتی کورین لباس کرائے پر دستیاب تھا دونوں بضد ہوئیں پہننا ہے لمبے لمبے رنگیں چوغے دیکھنے میں کافی نئے اور اچھے لگے انہیں مگر جب قیمت پتہ کی تو اوس گر گئ ارمانوں پر۔۔
منہ نہ بنائو ابھی تو آئی ہو۔۔ میرا ارادہ ہے شام کو یہاں کوئی چھوٹی موٹی جاب ڈھونڈنے کا ۔۔ پیسے جمع کر کے پھر آئیں گے گھومنے۔۔
ایڈون نے سنتھیا کو بہلایا۔۔ اریزہ کو اسکا انداز کافی امپریس کر گیا اسکا ارادہ تھا ہاسٹل جا کر سنتھیا کا کافی مزاق بنانے کا۔۔
چلو وہاں چلیں اریزہ کو دور جیولری کا اسٹال نظر آیا تو یکدم پرجوش ہوئی۔۔۔
ہاں چلو۔۔ سنتھیا بھی خوش ہوئی۔۔
وہ دونوں کافی دیر اسٹال پر چیزیں لیتی رہیں ایڈون بور سا ادھر ادھر لڑکیاں تاڑتا رہا۔۔
اس نے ایک پیارا سا ہار اٹھایا دنگ برنگے موتیوں والا گلے سے لگا کر دیکھا تو پوری گردن پر سرخ سی لکیر پڑی تھی
یار یہ شیفون کا دوپٹہ کھال رگڑ گیا ۔۔
اس نے آئنے میں دیکھا تو سنتھیا کو غصہ آگیا
منحوس لڑکی تھی ایک نمبر کی۔۔ تم ڈورم چلو تو اس پر لوشن لگا لیتے ہیں۔۔
سنتھیا نے دھیرے سے سہلایا۔۔
ان دونوں کو وہ اسٹال اتنا پسند آیا کافی کچھ خرید ڈالا۔
اسٹال کی مالکہ انہیں دیکھ کر مسکراتی رہی۔۔ جب وہ سب خرید کر جانے ہی لگی تھیں کہ انہیں آواز دے کر روکا۔۔
جی۔۔ اریزہ مڑی تو پیار سے اسکو قریب بلا کر ایک پتھروں کا منقش بریسلٹ ہاتھ میں پہنا دیا۔۔ یہ تحفتا دیا گیا تھا۔۔
وہ لینا نہیں چاہ رہی تھی مگر اصرار کرکے دے ہی دیا اس نے شکریہ ادا کیا تو بوڑھی آنکھیں جھلملا اٹھیں
وہ اپنے ہی کسی دھیان میں کھو کر اسے کچھ کہتی چلی گئیں ۔۔
اسے کچھ سمجھ نہ آیا تو اسکی شکل دیکھ کر ہنس دیں ۔۔
یار انکو تم بہو کے طور پر پسند تو نہیں آگئ ہو۔۔ سنتھیا نے کان میں سرگوشی کی۔۔
بکو مت۔۔ اریزہ نے گھرکا پھر انکے انداز میں ہی تھوڑا سا جھک کر اجازت چاہی۔
جب یہ لوگ ریستوران کے پاس پہنچے تو سالک اور شاہزیب ہاتھ میں بیگز پکڑے انکا انتظار کر رہے تھے انہیں دیکھ کر حیران رہ گئے
تم لوگوں نے کچھ نہیں خریدا؟
ایڈون نے ان کی جانب اشارہ۔کیا۔۔
ان لوگوں نے جیولری ہی خریدی تھی سو بیگ میں ڈال لی تھی۔
یہ لوگ ایک جیولری کے اسٹال سے آگے بڑھی ہی نہیں۔۔
دونوں کھسیا گئیں
تم نے کچھ لینا تو چلو پھر چلتے۔۔
سنتھیا نے فورا کہا مگر ایڈون نے منع کر دیا
رات ہو گئ ہے ابھی ہمیں یہاں کا کچھ پتہ بھی نہیں نہ راستوں کا نہ ماحول کا ۔۔۔
شام ڈھل رہی تھی انہیں پتہ بھی نہ چلا کئ گھنٹے یوں ہی پھرتے پھراتے گزر چکے تھے
چلو کچھ کھائیں ۔۔ شاہزیب نے کہا تو سالک کو بھی بھوک کا احساس ہوا۔۔
ویسے سنا ہے یہاں انڈین ریسٹورنٹ ہیں سبزیاں ہی سہی دیسی کھانا تو ملے گا۔۔
مگر میں ابھی ڈھونڈنے کے موڈ میں نہیں ہوں ان یہیں کہیں سے کچھ لے لیتے ہیں ایڈون کا انداز قطعی تھا۔۔
تھوڑی دیر میں یہ پانچوں ایک سپر اسٹور سے بریڈ اور چیز خریدتے پائے گئے۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حسب عادت وہ ڈوبتے سورج کا نظارہ کرنے دریا کنارے موجود تھا
سورج کے گرد پھیلا نارنجی ہالہ دھیرے دھیرے نیلے پانیوں میں جزب ہوتا جا رہا تھا۔۔
اپنی گاڑی سے ٹیک لگائے مگن اسے شک بھی نہ گزرا وہ کافی دیر سے کسی کی نظروں کے حصار میں ہے۔۔
ریت پر دھیرے دھیرے خدو خال ابھرتے جا رہے تھے وہ مٹی سے مجسمہ نہیں بنا رہی تھی بلکہ زمین اسکا کینوس تھی اور وہ شبیہہ اتار رہی تھی۔۔
کسی گہری سوچ میں ڈوبا کسی انجان سی چیز پر نظر ٹکائے وہ دلکش کوریائی نقوش کا اپالو۔۔
تصویر مکمل کر کے اس نے سر اٹھایا تو کئ مقامی تفریح کو آئے لوگوں کی توجہ کا مرکز اس تصویر کو پایا۔۔
وہ کنفیوز سی ہو گئ۔۔
بہت اعلی واہ۔۔
سب نے با قائدہ تالیاں بجا کر اس کو سراہا۔۔
اس نے جھینپ کر سر جھکاتے مخصوص انداز میں شکریہ ادا کیا
سب آہستہ آہستہ چھٹنے لگے
کچھ لوگ جاتے جاتے نزرانہ بھی رکھ گئے کسی نے جوس کا پیکٹ چھوڑ دیا کوئی بسکٹ کا پیک اس نے سب چیزیں سمیٹ کر احتیاط سے بیگ میں ڈالیں
اٹھ کر کھڑی ہوئی تو ساکت رہ گئ۔۔ اوپر کا سانس اوپر نیچے کا نیچے رہ گیا۔۔
اپالو اس کے سامنے ہی کھڑا بڑے غور سے اپنی تصویر دیکھ رہا تھا۔۔
وہ یہ
اس کی آواز کپکپا گئ۔۔
تھوک نگل کر اس نے صفائی پیش کرنی چاہی۔۔
وہ معاف کیجئے گا بس یونہی میں اسے ابھی مٹا دیتی ہوں
وہ جھک کر مٹانے کیلیئے ہاتھ بڑھا رہی تھی اس نے اسکا ہاتھ پکڑ کر روک دیا۔۔ وہ بری طرح گھبرا کر ہاتھ چھڑا گئ۔۔ ہیونگ سک نے اچنبھے سے اسکی حرکت کو دیکھا۔۔
نہیں اسے مٹائو نہیں
وہ گھوم گھوم کر دیکھ رہا تھا۔۔
۔۔ یہ اچھی ہے بلکہ
بہت اچھی ہے۔۔ میں اسکے ساتھ ایک سیلفی لے لوں۔۔
اس نے تھوڑی کے پاس کھڑے ہو کر اپنی سیلفی لی رخ ایسا لیا کہ پورا چہرہ نمایاں تھا
کھڑی ہوپ بھی قریب تھی مگر خود کو اسکے کیمرے کے اینگل میں آتا دیکھ کر تھوڑا پیچھے ہو گئ۔۔
اس نے دو تین پوز میں تصویر لی پھر اسکی جانب مڑ کر کہنے لگا
میری ایک دور سے بھی تصویر۔۔ موبائل اسکی جانب بڑھانے لگا تو حیران رہ گیا۔۔ وہ دور بھاگتی جا رہی تھی۔۔ ۔
عجیب لڑکی ہے۔۔ اسکے زہن میں جھماکا ہوا۔۔
یہ ہوپ۔۔
اسے یاد آیا ابھی دو دن پہلے اسی کو تو لفافہ دے کر آیا تھا۔۔ اور اس سے پہلے۔۔
یہ لفٹ میں ۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم غلط مڑ گئے ہیں۔۔
چلتے چلتے تیسرا لان بھی پار کر لیا تو اسے خیال آیا۔۔
انکا ہاسٹل والا بلاک آہی نہیں چک رہا تھا۔۔
میں تھک گئ۔۔
سنتھیا وہین بنچ پر پر بیٹھ کر ہانپنے لگی۔۔
ٹھہرو میں دیکھ کر آتی ہوں یہ کونسا بلاک ہے۔۔
اریزہ اسے وہیں بٹھا کر خود تیزی سے بھاگتی سامنے والے بلاک میں گھس گئی
تیرہواں بلاک
یقینا اس سے اگلا انکا بارہواں بلاک تھا۔۔
وہ مطمئن ہو کرپلٹنے کو تھی کہ سامنے والے ہال کے ادھ کھلے دروازے سے اسے کچھ لڑکیاں ورزش کرتی نظر آئیں
وہ متجسس ہو کر اس کی جانب بڑھ گئ
وہ سب جمناسٹک کر رہی تھیں ایک بڑا سا ربن پکڑ کر گول گول گھومتی ہوا میں کرتب دکھاتے ہوئے اپنے قدموں پر بنا کسی مدد کے اچھل کر آکھڑی ہوئی۔۔
اسے ہمیشہ اولمپکس میں بھی جمناسٹک دیکھنا پسند رہا تھا ایک طرف چھوٹے چھوٹے بارز پر لڑکی ہاتھوں کے زور پر الٹی کھڑی ہو جاتی ہوا میں قلا بازی کھا کر بازو پر ہی اتر آتی اس نے ہاتھوں کے بل پر کھڑے ہو کر ٹانگ لہرائی ایک بازو اٹھاتی ٹانگ گزارتی پھر دوسرا ایسے کئ چکر لگاکر وہ سیدھی ہوئی تو بے اختیار اریزہ تالی بجا بیٹھی۔۔
تالیوں کی آواز پر سب کے قدم رکے سب چونک کر اسے دیکھنے لگیں وہ تھوڑا کنفیوز ہوئی پھر خوش دلی سے بولی
زبردست آپ سب بہت اچھا کر رہی ہیں
وہ سب مسکرا دیں جی ہائے استہزائیہ ہنسی
تم بھاگو یہاں سے یہاں صرف ایتھلیٹ آ سکتے ہیں بس۔۔
دیکھنے دو اسے کونسا ابھی کوئی آفیشل ہے یہاں ۔۔ اسکی سہیلی نے ٹوکا
پھر اس سے بولی
ہم اگلے مہینے کے ریجنل ٹورنامنٹ کی تیاری کر رہے ہیں ہم ایک نیا کرتب کریں گے دیکھو گی؟
اس لڑکی نے مسکرا کر اسے انگریزی میں کہا تو وہ خوشی سے اثبات میں سر ہلا گئ۔۔
وہ پانچ لڑکیاں تھیں ربن لہراتی اچھلتی گول گول گھومتی دیکھتے ہی دیکھتے ایک دوسرے کے اوپر ہاتھوں کے سہارے چڑھ گئیں پہلے پھول بنایا پھر تیر آخر میں پھلجھڑی کی طرح ایک دوسرے سے علیحدہ ہوئیں۔۔
اس نے پورے جوش سے تالیان بجا کر انکی حوصلی افزائی کی۔۔
دو لڑکیاں اسی کرتب میں نیچے کھڑی ہوئیں دو ان کے اوپر الٹی تیسری جی ہائے انکے ہاتھوں کے سہارے جیسے اڑ کر سب سے اوپر پہنچی
یہاں اسے رکنا تھا چند لمحے رک وہ واپس آ ہی رہی تھی تیسری لڑکی کے کندھے پر اسکا پائون پھسلا وہ ایکدم سے چار پانچ فٹ کی اونچائی سے سر کے بل۔نیچے آتی کہ اریزہ جو انہیں ہی دیکھ رہی تھی دوڑ کر آئی اور اسکو بازو سے سہارہ دے دیا
وہ اسکے کندھے پر پائوں رکھتی آرام سے نیچے اتر آئی۔۔
اف یہ گئ تھی ابھی ۔۔۔۔۔باقی سب بھی کرتب
چھوڑ چھاڑ چھلانگ مار کر سیدھی ہو گئیں
تھینکس یار۔۔ اسی لڑکی نے اسکا شکریہ ادا کیا جے ہی نیچے اتر کر سیدھی لیٹ گئ تھی
تم ٹھیک تو ہو؟ اریزہ نے پوچھا مگر اس نے جواب نہ دیا۔۔ اریزہ اس پر جھکی تو اسکی گردن کا سرخ نشان اس سے چھپا نہ رہ سکا۔۔ باقی سب بھی
اب اسکے گرد جمع اسکا حال پوچھ رہی تھیں اریزہ خاموشی سے اٹھ گئ۔۔
کہاں رہ گئیں تھیں تم اگلا بلاک ہے ہمارا۔۔
ہال سے نکلی تو سنتھیا پکارتی اسی کے پاس آرہی تھی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ آج پھر اپنے گھر آیا تھا۔۔
سیکیورٹی کیمرے میں کھڑا دیکھتا رہا۔۔ بیل بجائی ہی نہیں۔۔
چند لمحے دیکھ کر واپس مڑ گیا۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہایون اپنے گھر جا رہا تھا جب گاڑی موڑتے جون جے پر نظر پڑی جون جے تھکے تھکے قدموں سے اپنے گھر کے ہی باہر سے گزر رہا تھا
جون جے۔۔
اس نے رفتار دھیمی کر کے پکار لیا۔۔۔ جون جے چونکا پھر جلدی سے چہرے پر پھیلے آنسو صاف کر لیے اور مسکرا کر اسکی جانب بڑھا
گھر جا رہا ہے؟
آ چھوڑ دوں ۔۔
ہاں مگر تمہیں دور پڑے گا میں ٹرین سے چلا جائوں تم آرام سے گھر جائو۔۔ اس نے سہولت سے انکار کیا۔۔
آئو پھر اسٹیشن چھوڑ دیتا ہوں
ہیون نے کہا تو وہ چند لمحے سوچ کر گھوم کر آکر فرنٹ سیٹ پر اسکے برابر آکر بیٹھ گیا۔۔
اس نے گاڑی اسٹارٹ کی پھر کن اکھیوں سے اسے دیکھ کر پوچھنے لگا۔۔
تمہاری امی ابھی بھی ناراض ہیں۔۔
جون جے نے ٹھنڈی سانس لی پھر ہلکی سی آواز میں بولا دے۔۔ ہاں
تمہاری جاب کیسی جا رہی ؟
ٹھیک ہے۔۔
اس نے کہا پھر بولا۔۔
میں بے روزگار ہوں۔۔میں نے جاب چھوڑ دی
ہایون چونکا۔۔ کیوں؟
مالیاتی ادارے میں اچھے عہدے پر کام کر رہا تھا وہ جاب کیوں چھوڑ دی؟
سود سے میری تنخواہ بنتی تھی اسلیے۔۔
تو ؟ ہایون کو سمجھ نہ آیا۔۔
میرے مزہب میں سود حرام ہے۔۔ جون جے مسکرایا۔۔
کیا؟
تم نے مزہب کے پیچھے نوکری بھی چھوڑ دی؟ کیسا مزہب ہے یہ اور تم کیسے پاگل ہوئے ہو ہر کسی کو چھوڑے جا رہے شراب ماں دوست اور اب نوکری بھی۔۔۔
راہب بن گئے ہو کیا ؟
ہایون جھلایا۔۔
رہبانیت بھی حرام ہے اس نے گہری سانس لے کر سیٹ کی پشت سے سر ٹکایا۔۔ ورنہ میرا دل یہی کرتا میں سب چھوڑ دوں۔۔
کیا۔۔؟ ہایون نے اسے ایسے ہی دیکھا جیسے اسکے سر پر سینگ اگ آئے ہوں
تم کسی سا ئکاٹرسٹ سے رابطہ کر۔و۔
ہایون نے سنجیدگی سے مشورہ کیا۔۔
جون جے ہنس پڑا ہنسے گیا ہنستے ہنستے آنکھ میں پانی اتر آیا۔۔
اسٹیشن آگیا تھا ہیونگ سک نے گاڑی روکی تو وہ شکریہ کہتا اترا۔۔۔
ہیونگ سک گاڑی اسٹارٹ کرکے موڑنے ہی لگا تھا جون جے واپس مڑ کر اسکے پاس آیا۔۔
تمہیں بھوک لگ رہی ہو اور تمہارے سامنے کھانا اور سونا رکھا ہو تم کس پر لپکو گے؟
ہایون اسکی شکل دیکھتا رہ گیا۔۔
جواب دو۔۔ وہ جواب کیے بغیر مڑنے والا نہیں تھا
شائد کھانے پر ۔۔
جون جے جیسے مطمئن ہوگیا اسکو خدا حافظ کہتا تیز تیز قدم اٹھاتا اسٹیشن کی طرف بڑھ گیا۔۔
یہ واقعی پاگل ہو گیا ہے۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرے ایک ہاتھ میں جلتا کوئلہ ہے
اس نے اپنی الجھی لکیرون والی ہتھیلی پھیلائی۔۔
یہ ہتھیلی جل رہی ہے۔۔
دوسری ہتھیلی۔۔ اس نے اپنا دوسرا ہاتھ بھی سامنے پھیلایا
میرا دوسرا ہاتھ سرد ہے اس میں برف جمی ہے
اس نے ازیت سے آنکھیں بند کر لیں
کوئی بیک وقت دونوں ہاتھوں میں جلن محسوس کر سکتا ہے
ایک میں آگ سی تپش
دوسرے میں برف کی جلن اس نے ہتھیلیان جوڑ لیں
ایک سرد لہر اس کے رگ و پے میں دوڑ گئ۔۔ وہ ایکدم اٹھی اور بھاگ پڑی
چہار سو برف پڑی تھی ٹھنڈی برفانی ہوا اسکے جسم سے ٹکرا رہی تھی وہ جس پر دوڑ رہی تھی زمیں نہیں تھی ہلکی سفید تہہ تھی جس سے آر پار نظر آرہا تھا
نیچے اسکی موت تھی پیچھے بھی اسکی موت تھی اور آگے اس نیم ملگجے اندھیرے میں اسے کچھ دکھائی نہیں دے رہا تھا جانے وہاں کونسی عفریت تھی
آدل اسکی ماں پکار رہی تھی۔۔ وہ جواب دینا چاہتی تھی مگر اسکی زبان بند ہو گئ تھی۔۔
وہ گہری گہری سانس لے رہی تھی۔۔ گھٹی گھٹی آواز اسکے حلق سے نکل رہی تھی
اسے ٹھوکر لگی تھی وہ منہ کے بل گرنے کو تھی کسی نے ا سکا ہاتھ تھام لیا۔
اپالو اسکی آنکھوں میں جھانک کر مسکرا رہا تھا۔۔
وہ جھٹکے سے اٹھ بیٹھی
تبھی زور دار اطلاعی گھنٹی بجی تھی۔۔
وہ دہل کر رہ گئ۔۔
حواس بحال کرتی اٹھی
چپل پہنی پانی کی شدید طلب تھی اس نے فریج سے بوتل نکالی مگر پینے کا موقع نہ ملا ڈور بیل پھر بجی تھی
وہ ڈھکن کھول کر منہ سے لگاتی دروازہ کھولنے لگی۔۔
دروازہ کھولنے ہر جو چہرہ سامنے تھا اسے گنگ کر گیا
منہ میں بھرا پانی نگلنا بھول گئ۔
ایسا ہوتا ہے بھلا آپ جس اجنبی چہرے کو خواب میں دیکھیں وہ حقیقت میں بھی آپکے سامنے آ کھڑا ہو۔۔
ہایون اسے بھونچکا دیکھ کر مسکرا دیا۔۔
گنگشن نے آگے بڑھ کر سلام کیا۔۔
ہوپ کے حواس بحال ہوئے۔۔
فورا پانی نگل کر سر جھکا کر جواب دیا اور انہیں اندر بلاتی جلدی سے لائٹیں جلانے لگی۔۔
کیسی ہو۔۔ انی حسب معمول خوشگوارموڈ میں تھیں
ہوپ بمشکل مسکرائی
۔۔ یہ میرا بھائی ہے۔۔ہایون میرا خیال ہے تم لوگوں کی ملاقات ہو چکی ہے
آپ بیٹھئے نا۔۔
ہوپ نے بات کاٹ کر کہا تو وہ شکریہ کہتی بیٹھ گئیں۔
مجھے تمہارے گھر کا تو نہیں پتہ تھا مگر ہایون نے بتایا اسکی ایک بار تم سے یہاں لفٹ میں ملاقات ہو چکی ہے۔۔ میں سیدھا یہاں نہ آتی مگر میرا تم سے ملنا ضروری تھا تمہارے ریستوران گئ تو انہوں نے بتایا تمہاری طبیعت ٹھیک نہیں تم دو دن کی چھٹی پر ہو۔وہ سانس لینے رکیں
کوئی بات نہیں ۔۔ وہ مروتا بولی
۔ اب کیسی طبیعت ہے تمہاری۔۔ انی پیار سے پوچھ رہی تھیں
جی ٹھیک ہوں۔۔
وہ نہ جانے کیوں گھبرا رہی تھی۔۔۔ شائد ہیونگ سک کی نظریں خود پر محسوس کر کے
اس نے ڈرتے ڈرتے نگاہ اٹھائی تو ہیونگ سک بے نیازی سے اپنے موبائل میں لگا ہوا تھا جانے کیوں اسکا دل بجھ گیا۔۔
میں تمہارا زیادہ وقت نہیں لونگی میرے پاس تمہارے لیے ایک جاب ہے ہمارا ادارہ ایک نیا جریدہ۔شروع کر رہا ہے اسکے ٹائٹل کیلیے ہم نے کچھ فن کاروں سے رابطہ کیا ہے تمہارے ڈیزائنز بھی میں نے اپنے ڈاریکٹر کو دکھائے انہیں کافی پسند آئے۔۔ تم کیا اس کام کو کسی فنکار کے ساتھ مل کر سرانجام دینا چاہوگی؟
وہ آرٹس گریجویٹ تھی مگر اسکی ڈگری کا ہونا نہ ہونا برابر تھا یہ اسکیلیئے بہت بڑی آفر تھی
وہ بے تحاشہ خوش ہو گئ تھی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں ٹھیک ہوں بابا کھا پی بھی ٹھیک رہی ہوں آپ پریشان نہ ہوں۔
اس نے بابا سے فون پر تو یہی کہا تھا۔مگر کیفے میں بے چارگی سے مینیو گھور رہی تھئ۔
مجھے لگتا ہے میں جلد ہی وزن کم کر لوں گی
اریزہ نے بے چارگی سے کہا
سنتھیا بھی اس سے متفق ہی تھی
آج چکن نوڈلز تھے ساتھ رائس کیک اور ساسیجز۔۔
اریزہ کو کچھ نہ سوجھا کیا کھائے۔۔
فروٹ میں ایواکاڈو تھا
تم یہ بھی کھا لو۔۔ سنتھیا نے اسے اپنا بھی پیش کر دیا۔۔
اس نے ڈرتے ڈرتے کھایا مگر پھل مزے کا تھا الگ سا ذائقہ تھا مگر خدا کا بنایا تھا تو بد مزہ ہو نہیں سکتا تھا۔۔
میں نے سنا ہے یہاں بین القوامی طلباء کیلئے ہاسٹل بن رہا ہے پیچھے پھر کچن بھی ہوگا ویسے تو اس ہاسٹل میں بھی کچن ہے مگر کہاں یہ نہیں پتہ۔
گوارا انہیں دوبارہ نظر نہ آئی ہاسٹل میں شائد کہیں گئ ہوئی تھی ہاں جی ہائے سے آمنے سامنے کمرے ہونے کی وجہ سے آتے جاتے نظر پڑ جاتی مگر جی ہائے روکھی سی لڑکی تھی۔۔ ابھی بھی انہیں دیکھ کر آگے بڑھ گئ۔۔
دونوں کھا کر واپس کمرے میں آ گئیں
یار نیند نہیں آرہی۔۔ دونوں نے منہ لٹکا کر کہا اکٹھے کہا پھر اس اتفاق پر زور سے ہنس پڑیں
یار کوئی پرانا ناول دوبارہ پڑھ لیتے ہیں۔۔ سنتھیا کو آئیڈیا آیا
وہ تو ہم کرتے ہی رہتے۔۔۔ اریزہ سوچ میں پڑی۔۔ یار ہم سیول میں ہیں کچھ نیا سوچو۔۔
سو جاتے ہیں ۔۔ سنتھیا نے کہا تو اریزہ اسے گھور کر رہ گئ۔۔سنتھیا موبائل میں لگی تھی اسے شک گزرا ۔۔ سنتھیا مزے سے بیڈ پر لیٹی پائوں ہلا رہی تھی اس نے اس پر چھلانگ لگا کر موبائل چھینا۔۔ ہے اے۔۔ وہ چیختی رہ گئ
ایڈون سے پیغامات پر بات ہو رہی تھی۔۔
یوں کہو نا تم اب مصروف ہو ۔۔ وہ موبائل اسکے اوپر اچھالتی اٹھ گئ۔۔
اریزہ اریزہ۔۔ سنتھیا اسے پکار رہی تھی مگر وہ منہ بناتی زور سے دروازہ بند کرتی باہر نکل آئی۔۔
ڈورم سے باہر لمبی سی گیلری تھی جس میں آمنے سامنے کمروں کو دروازے کھلتے تھے سرے پر اوپن ٹیرس تھا وہ وہیں باہر آگئ۔۔
آج کی کڑوی سچائی
دوستوں کو سنگل رہنا چاہیئے ورنہ دوست دوست نہیں رہتے ۔۔ وہ بڑبڑا کر رہ گئ۔۔
چودھویں کا چاند تھا شائد بڑا سا آسمان میں روشنیاں بکھیرتا۔۔
ہلکی ہلکی خنک ہوا کے ساتھ ٹھنڈی چاندنی اسکا موڈ ایکدم خوشگوار کر گئ۔۔یونہی سر اٹھا کر آسمان دیکھتے کتنی دیر ہوئ تھک کر وہیں گھٹنوں میں سر دے کر بیٹھ گئ۔۔
جانے کیوں ڈھیروں آنسو پھسلتے چلے آئے وہ وہیں گھٹ گھٹ کر رو نے لگی۔۔
پچھلے کچھ دنوں سے کیا کچھ ہوگیا تھا سب برا پھر کچھ اچھا اسے تو یہ بھی خواب ہی لگ رہا تھا کہ وہ یہاں اتنی دور ایک دوسرے ملک میں بیٹھی تھی
اسے ایک ہفتے میں خود سے بھی ملنے کا موقع نہ مل سکا تھا۔۔ اسکا دل اتنا بھر آیا تھا کی اسے لگا وہ دھاڑیں مار مار کر رو پڑے گی رو بھی پڑتی جو اسے اپنے شانے پر ہلکا سا دبائو محسوس نہ ہوتا۔۔
اس نے چونک کر سر اٹھایا۔۔۔
جی ہائے اسکے کندھے پر جھکی تھی۔۔
تمہیں روتے کافی دیر ہو گئ ہے لو پانی پی لو۔۔
وہ ہاتھ میں پانی کا گلاس پکڑے تھی۔۔ اریزہ بری طرح شرمندہ ہو گئ۔۔
پانی پی کر کافی سکون محسوس ہوا تھا۔۔ تھینکس
وہ گرل کا سہارا لے کر اٹھی جی ہائے نے کافی تعجب سے اسے دیکھا۔۔
اس نے گلاس تھمایا جے ہی نے گلاس پکڑا واپس جانے کیلیے مڑی پھر جانے کیا سوچ کر اپنے اپر کی جیب میں ہاتھ ڈالا اور بسکٹ کا کھلا ہوا پیک نکال کر اسے دیا۔
لو کھا لو تمہیں بھوک بھی لگی ہوگی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کمرے میں آکر دروازہ بند کیا تو سنتھیا ابھی بھی ٹیکسٹنگ میں لگی تھی
آگئیں کہاں گئ تھیں ؟
اس سے پوچھ تو رہی تھی مگر آنکھیں اسکرین پر ہی جمی تھیں۔۔
میڈم وہیں دھیان دو۔ وہ اپنا موبائل چارجنگ سے نکالتی دھپ دھپ اوپر چڑھ گئ
پیکٹ تقریبا پورا تھا ہاف رول تھا دو ایک ہی کھائے ہونگے
اس نے احتیاط سے ریپر کا پوسٹ مارٹم کیا ایک ایک اجزا پڑھ کر تسلی کی سادے ویٹ بسکسٹس تھے اس نے ایک اٹھا کر چکھا مزے کا تھا دو ایک کھا کر اس نے سائڈ ٹیبل کی دراز کھول کر رکھ دیے برے وقت میں کام آئیں گے۔۔
یہ وقت فیس بک کی جان کو رونے کا تھا
اس نے سوچا پھر انگریزئ میں لکھا
۔۔۔ بیوقوف ہیں جو سمجھتے ہیں رونا کمزوری ہے۔۔ نہ رونا کمزور کرتا ہے آپ کو اندر سے۔۔
آنسوتو نعمت ہیں رو نے سےتو دل ہلکا ہوتا اور رونے سے دل پگھل بھی جاتا۔۔۔۔۔
آنسو بہہ جانے کیلیے ہوتے آپ خوش قسمت ہیں اگر آپ رو سکتے۔۔ روئیے دل کھول کر روئیے بار بار روئیے یہ جو دل پر بار ہے نا ایسے ہی کم ہوگا۔۔ یہ بار ختم کیجیے پھر آپ زیادہ مضبوط اور زیادہ ہمت والے بن جائیں گےکیونکہ اب آپ رو چکے اب آپ کو اس سے آگے کچھ سوچنا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دور کہیں کسی کے پاس نوٹیفیکیشن آیا تھا۔۔
کئ دن کے بعد بلاگ اپ ڈیٹ ہوا تھا۔۔
اس نے فورا چیک کیا۔۔
رونا نعمت ہے۔۔ وہ حیران ہوا۔۔
وہ سوچ میں پڑ گیا۔۔
ایک وہ تھا رو رو کے اپنے رونے سے تنگ آیا ہوا تھا۔۔ کون جانتا تھا ابھی بھی رو کر بیٹھا تھا کچھ آنسو ابھی بھی پلکوں پر دھرے تھے اس نے آنکھیں پونچھیں مسکرا دیا پچھلے ڈیڑھ سال سے وہ اس بلاگ کا پیروکار تھا آج پہلی بار دل کیا کمنٹ کرنے کا سو۔۔ بلاگر کو
مخاطب کیا
قنوطی ۔۔
جو رو چکا ہو کیا کرے؟
سینڈ کرکے اس نے کمر سیدھی کی۔۔ کمبل سر تک کھینچا منٹوں میں بے خبر ہوا۔۔
تھوڑی دیر میں اسکے موبائل کی لائٹ جلی۔۔۔ قنوطی نے فورا جواب دیاتھا۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو رو چکتا ہے اسے پتہ لگ جاتا اب آگے کیا کرنا اگر ابھی نہیں پتہ چلا تو مزید روئے ابھی کم رویا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
#
پورکستانی۔۔
جن سیٹ پر وہ کئ دن سے بیٹھ رہے تھے پانچوں اکٹھا اس پورے ڈیسک پر چاکنگ ہوئی وی تھی۔۔
وہ پانچوں غصے سے بھر گئے۔۔
ساتھ ہی نازیبا زبان بھی استعمال کی گئ تھی ان پانچوں کو جمے دیکھ کر یون بن نے تجسس میں ایڈون کے پیچھے سے جھانک کر دیکھا۔
کیا ہوا؟
تم لوگوں نے اپنے ملک کا نام لکھا ہے سیٹ پر۔۔
وہ یہی سمجھا تھا۔۔
ہمارے ملک کے نام میں آر اور او نہیں آتا۔۔ ایڈون نے مٹھی بھینچی۔۔
اوہ ریموو ایبل چاک ہے مٹا کر دوبارہ لکھ لو۔۔ اس نے مفت مشورے سے نوازا ان چاروں نے کھا جانے والی نظروں سے گھورا
وہ کندھے اچکاتا اپنی نشست کی طرف بڑھ گیا۔۔
اریزہ نے بیگ سے ٹشو نکالے اور سیٹ رگڑنے لگی بے حد محنت سے او اور آر دھندلے ہو گئے مٹے نہیں
اریزہ کوئی فائدہ نہیں ہم پیچھے چل کر بیٹھتے ہیں۔۔ شاہزیب نے کہا تو سالک نے بھی تائید کی۔۔
ہاں چلو سیٹ بدل لیتے ہیں۔۔
تا کہ کل کسی اور سیٹ پر یہ لکھا ہو۔۔ اریزہ کو بہت غصہ آرہا تھا۔۔
ہمیں روز جگہ بدلنی چاہیئے۔۔ سنتھیا کا مشورہ قابل عمل تھا
آپ لوگوں کا بیٹھنے کا ارادہ نہیں ہے؟
پروفیسر صاحب کی آواز گونجی تو یہ پانچوں سٹپٹا کر وہیں بیٹھ گئے۔۔اپنی الجھن میں انہیں اندازہ ہی نہ ہوا کب پروفیسر آ بھی گئے۔۔
ہمم
انہوں نے غور سے ان پانچوں کو دیکھا۔۔
پچاس طلبا دو سو سیٹس گھیر کر بیٹھے ہیں کیا وجہ ہے؟
آپ لوگ ایک دوسرے کو پسند نہیں کرتے کیا۔۔؟
انکی بات پر سب نے پر جوش تردید کی تھی۔۔
ٹھیک ہے۔۔ کورین بیٹھے رہیں باقی قومیتوں کے لوگ اٹھ کھڑے ہوں۔۔
کئ گروپ کھڑے ہوئے سب الگ الگ ملکوں سے آئے ہوئے الگ الگ بیٹھے تھے
جاپانی چینی فلپائنی امریکی مڈل ایسٹ کی بھی کچھ شکلیں تھیں
آپ لوگ الگ الگ کیوں بیٹھے ہیں ؟
عجیب بات ہے پڑھ رہے ہیں بین القوامی تعلقات اور ابلاغ عامہ بیرون ملک جا کر اور تعلقات بنانے مین بالکل دلچسپی نہیں آپ لوگوں کو؟نئے گروپ بنائیں کم سے کم چار لوگ ہوں اور لازمی مجھے آپ لوگوں کے گروپ میں فارنر چاہیے۔۔
اور آپ پاکستانیز۔۔
دو ہفتے ہو رہے آپ پانچوں کو میں نے اکٹھے بیٹھے خاموشی سے دیکھا آیندہ دو بھی اکٹھے بیٹھے نظر نہ آئیں مجھے کلاس میں۔۔
سمجھ آئی؟
جی سر ۔۔ وہ سر ہلا کر رہ گئے
ابھی سے کیوں نہیں آپ میں سے ایک ایک آگے آتا جائے بیٹھتا جائے
ہری اپ۔۔۔۔
یہ یونیورسٹی ہے؟
ایسا تو آخری بار میرے ساتھ پانچویں میں ہوا تھا۔۔
اریزہ نے کہا تو سب متفق تھے اس سے۔۔
ہم بہت وقت ضائع ہو گیا۔۔ اب کام کی بات کرتے ہیں
ان سب کو جدا کرکے وہ اطمینان سے لیکچر شروع کرنے لگے
۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں یہ سوچ رہی تھی ہم مارکیٹ سے کچھ کھانے پینے کا سامان نہ لا کر رکھ لیں ؟
ڈیپارٹمنٹ سے باہر نکلتے اریزہ کو خیال آیا۔۔
ہاں یار کھانے کا واقعی بہت مسلہ ہے۔۔ سنتھیا متفق تھی۔۔
چلو۔۔ دونوں تیز تیز چلتی یونیورسٹی سے باہر نکل آئیں۔۔
دس پندرہ منٹ کی واک پر سپر سٹور تھا۔۔ آرام سے کھانے پینے کی چیزیں خرید کر باہر نکلیں تو آنکھیں پھاڑ کر رہ گئیں
اچھی خاصی تیز بارش ہو رہی تھی۔۔
ابھی تو سورج نکلا ہوا تھا۔۔ سنتھیا کی حیرانی عروج پر تھی۔۔
سیول کی گرمی آتی یا جاتی سردیوں جیسی تھی پاکستان کی ۔۔۔۔۔
اس بارش نے اچھی خاصی خنکی کردی تھی۔۔ اور ویسے بھی برستی بارش میں وہ بھیگتی جا نہیں سکتی تھیں۔۔
واپس اسٹور میں آگئیں۔۔
بیگ ایک کونے میں رکھ کر دوبارہ پھرنے لگیں۔۔
میم ٹرائی دس ۔۔
اسپائسی ٹوفو۔۔
وہ باتوں میں مگن تھیں جب ایک اسٹال سے اس لڑکی نے آواز دے کر روکا۔۔
کیا ہے یہ؟
وہ اتنے اخلاق سے کہہ رہی تھی کہ دونوں صاف منع نہ کر سکیں۔۔
اس نے ایک چھوٹی سی اسٹک اور چھوٹے سا پلاسٹک کا کپ پکڑا دیا۔۔
تم کھائو پہلے۔۔
اس نے سنتھیا کو کہا۔۔ وہ متزبزب ہوئی مگر پھر منہ میں رکھ لیا۔
پنیر ہے۔۔ اس نے کچھ اور بھی بتانا چاہا۔۔
مگر تب تک اریزہ مطمئن ہو کر پورا منہ مین رکھ چکی تھی۔۔
مگر بہت مرچیں ہیں۔۔۔
سنتھیا نے جملہ مکمل کیا۔۔ خود اس نے تو تھوڑا سا منہ میں رکھا تھا اریزہ پورا رکھ کر تب تک چبا چکی تھی۔۔
ہاہہ۔ اسکے کانوں سے دھواں نکلنے لگا تھا۔۔ وہ لڑکی بھی گھبرا گئی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بارش تھم گئ تو وہ باہر نکل آئیں شفاف سڑک دھل کر چمک رہی تھی۔۔
گرم صبح کی نسبت موسم بے حد خوشگوار ہو چکا تھا۔۔
لگ رہا ہم اسلام آباد میں ٹہل رہے ہیں ہے نا۔۔
اس نے گہری سانس لے کر تروتازہ ہوا کو اپنے اندر اتارا۔۔ بارش سے گہما گہمی میں خاطر خواہ کمی آئی تھی
فٹ پاتھ پر چلتے اکا دکا لوگ اپنے آپ میں مگن تھے شام کے اندھیرے پھیل رہے تھے۔۔ سڑک کے دونوں جانب دکانوں میں بتیاں جلنا شروع ہو چکی تھیں ہر طرف دمکتی روشنیاں اسے اپنا آپ اس پینڈو کی طرح لگ رہا تھا جس نے پہلی بار شہر کی بتیاں دیکھی ہوں۔۔ اس نے کہہ بھی دیا۔۔
یار میرے اندر اچانک کوئی پینڈو جاگ گیا ہے۔۔ دل کر رہا منہ اٹھا کر بتیاں دیکھتی رہوں۔۔
سنتھیا نے اتنی معصومیت سے کہا تھا کہ اریزہ کو اس پر پیار ہی آگیا۔۔
اپنے ہاتھ میں پکڑے شاپر دوسرے ہاتھ میں منتقل کیے پھر پیار سے اسے ساتھ لگا لیا۔۔
اریزہ یہاں ہمیں کوئی گھور بھی نہیں رہا۔۔
اریزہ نے سنتھیا کندھے پر سر رکھ دیا
ہاں یار۔۔
کاش پاکستان میں بھی ہم اسی طرح گھوم سکیں بنا تنگ ہوئے۔۔ سنتھیا کے انداز میں حسرت تھی۔۔
ہممم
اریزہ نے کہا تو وہ چڑی۔۔
کیا ہوں ہاں کر رہی ہو زبان پیٹ میں گر گئ ہے۔۔
ہممم۔ اریزہ نے اور چڑایا۔۔
دفع ہو۔
سنتھیا نے اسے دھکا دے کر پیچھے کیا وہ اتنی ہی زور سے پلٹ کر اس سے لپٹ گئ۔
اون ہوں۔ سنتھیا نے ہنس کر خود کو چھڑانا چاہا مگر اریزہ کی گرفت سخت تھی۔۔
دونوں دھکم پیل میں سر ٹکرا بیٹھیں پھر ہنستے ہنستے لپٹ گئیں۔۔
سڑک کے دوسری جانب کھڑے انکے یونیورسٹی فیلو نے کافی حیرت سے یہ منظر دیکھا تھا۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ آج ساحل کنارے دریا بنا رہی تھی۔۔
دور تک جما برفیلا دریا۔۔ بس۔۔ اس نے مٹھی بند کی ریت پر چھاپی پھر چاروں انگلیوں کی پوروں سے احتیاط سے اس نشان کے اوپر قطار میں چھوا اب یہ دیکھنے میں پاوں کا نشان لگ رہا تھا۔۔
اس نے گھٹنوں کے بل اٹھ کر کر اپنی تصویر کے درمیان تک ایسے پاوں چھاپے جیسے کوئی بھاگ رہا ہو اس پر اس نے گھٹنے تک جینز موڑ رکھی تھی اسکی پنڈلیاں اور دونوں ہاتھ ریت سے سن چکے تھے۔۔
اس نے مطمئن ہو کر اپنی تصویر کو دیکھا پھر دو زانو بیٹھ گئ۔۔ آج شائد لوگوں کو اسکی تصویر خاص نہیں لگی تھی وہ لڑکا اور لڑکی جو اسے تصویر بناتے دیکھ کر رک کر دیکھنے کھڑے ہو گئے اب پلٹ کر جا رہے تھے۔۔
اس نے مایوس سا ہو کر دیکھا۔۔ تبھی تصویر کھنچنے کی آواز آئی۔۔
اس نے آواز کے تعقب میں پلٹ کر دیکھا تو ہایون اس کے پیچھے کھڑا تصویر کھینچ کر مسکرا رہا تھا۔۔
تم میں کافی ہنر ہے۔۔ تا حد نگاہ صحرا اس میں قدموں کے نشان ۔۔ ویسے مسافر جس کے قدموں کے نشان ہیں گیا کدھر۔۔ وہ دلچسپی سے دیکھ رہا تھا پھر آکر اسکے پاس ہی اکڑوں بیٹھ کر قدموں کے نشان جہاں ختم ہو رہے تھے ادھر اشارہ کر کے بولا۔۔
وہاں اسے تھک کر گرا ہونا چاہیئے۔۔ ہےنا۔۔
اس نے اسکی آنکھوں مین جھانک کر تائید چاہی۔۔
ہوپ کے زہن کے پردے پر کوئی منظر روشن ہوا۔۔ کوئی اتنا تیز بھاگے تو آخر میں سانس پھول جاتی ہی پھر قدموں سے جان نکلنے پر وہ بے دم ہو کر گر ہی پڑتا۔۔ اس کے زہن کے پردے پر جو کردار بھاگ رہا تھا وہ گر ہی گیا تھا۔۔
ہیونگ سک نے اسکی آنکھوں کے سامنے چٹکی بجا کر متوجہ کیا تو وہ چونک کر حال میں لوٹی۔۔
میری تجویز پسند نہیں آئی؟
وہ دھیرے سے بولی۔۔
یہ صحرا نہیں ہے۔۔ یہ دریا ہے جو ٹھنڈ سے جم گیا ہے۔۔
اوہ۔ اس نے سمجھ کر سر ہلایا۔۔ پھر ہنس دیا۔
معزرت مجھے آرٹ کی کچھ زیادہ سمجھ نہیں مگر ماننے والی بات ہے تمہارے ٹیلنٹ نے مجھے متاثر کیا ہے۔۔
وہ مسکرانے میں کتنا فراخ دل تھا۔۔ کیسے کوئی یونہی بات بہ بات مسکرا سکتا ہنس سکتا۔۔ وہ اسے تعجب سے دیکھ رہی تھی۔۔
تم نے اس دن جو میری تصویر بنائی تھی وہ میں نے سوشل میڈیا پر ڈالی تھی کئ سو لائکس ہو چکے ہیں اس پر۔۔
تم بس ریت پر تصویر بناتی ہو یا کسی کے فرمائش کرنے پر پورٹریٹ بھی بنا سکتی ہو؟
بنا سکتی ہوں۔۔ وہ دھیرے سے کہہ کر سمٹ کر تھوڑا سا پیچھے ہوئی۔۔ اسے جھجکتے دیکھ کر ہایون نہ سمجھنے والے اندازمیں اسے دیکھ کر کپڑے جھاڑتا اٹھ کھڑا ہو۔۔
پھر کسی روز کا اپائنٹمنٹ مل سکتا ہے مجھے؟
اس نے پوچھا مگر ہوپ مکمل طور پر اسے نظر انداز کیے اپنے گھنٹنے جھاڑتی پینٹ گھٹنے سے نیچے کر رہی تھی۔۔
وہ چند لمحے دیکھتا رہا پھر ہونٹ بھینچ کر مڑا
میں سنڈے کو بھی یہاں آتی ہوں پانچ بجے ۔۔
اسکو ہوپ کی دھیمی سی آواز سنائی دی۔۔
اس نے پلٹ کر دیکھا تو اپنے کپڑے جھاڑتی اپنی بنائی تصویر کو بے دردی سے پیر وں سے خراب کر رہی تھی۔۔
اس نے بے ساختہ اسے روکنے کیلیئے منع کرنا چاہا
مگر اسکے چہرے پر اتنا تنائو تھا کہ وہ بول نہ سکا۔۔
اسے الجھن سے دیکھتا رہا یہاں تک کے وہ تصویر کے سب نشان مٹا کر ایک کونے میں رکھے بیگ اور جوتے اٹھاتی تیز تیز قدم اٹھاتی چلی گئ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ کولڈ ڈرنک لینا چاہ رہی تھی۔۔ اس نے بہت سے طلبا کو اس مشین میں سکے ڈال کر نکالتے دیکھا تھا۔۔ اسے کولڈ ڈرنک نکالنے کا کہہ کر سنتھیا خود تیز ی سے باتھ روم کی طرف بڑھ گئ تھی۔۔ اریزہ اس کو لان میں جانے کا کہہ کر مشین کے ساتھ لگ گئ۔۔
وہ پیسے ڈال چکی تھی مگر مشین ٹس سے مس نہ ہوئی۔۔۔
ہیونگ سک ڈرنک لینے آیا تھا اسکے پیچھے کھڑااسے تھوڑی دیر مشین میں الجھا دیکھتا رہا۔۔ پھر اسے دوسرے طریقے سے کین نکالنے کا طریقہ بتانے آگے بڑھا ہی تھا کہ جیسے وہ خود بھی سمجھ گئ کہ مشین لاتوں کی بھوت ہے۔۔ اس نے احتیاط سے دائیں بائیں دیکھا
پھر مشین کے نچلے حصے پر زور دار لات ماری کھٹ سے کین باہر نکل آیا۔۔ اس نے فاتحانہ انداز میں دیکھا پھر دوسرا کوائن ڈال کر ساتھ ہی لات جما دی۔۔ دوسرا کین بھی آرام سے باہر نکل آیا وہ کین اٹھا کر مڑی تو ہایون کو مسکراہٹ دباتے دیکھ کر کھسیا گئ۔۔
وہ یہ اٹک رہا تھا۔۔ اس نے اردو میں ہی کہا تھا۔۔ ہیون کو کیا سمجھ آنی تھی آگے بڑھ کر اپنے لیے کین نکالا اسکی دفعہ بے حد آرام سے کین نکل آیا۔۔ وہ کین کھولتا مڑا تو اسے حیرت سے اپنی طرف دیکھتا پا کر ابرو کے اشارے سے پوچھا کیا ہوا۔؟
اسے بس مجھ سے دشمنی تھی؟
واٹ؟
اسے سمجھ نہ آیا۔۔
تو اسے خیال آیا۔۔
اسکا کیا ترجمہ ہو۔۔
شی از جسٹ بیئنگ اینیمی ود می
۔۔ اس نے بول تو دیا پھر خیال آیا انگریزی میں لفظی نہیں با محاورہ ترجمہ کرنا چاہیے تھا۔۔ وہ سوچ میں پڑی کیا کہنا چاہیئے۔۔
ہیونگ سک اسکا ماضی الضمیر سمجھ گیا تھا۔۔
مسکرا کر بولا۔۔
اس سے روز ملا کرو تاکہ یہ عادی ہو جائے اور تم سے دوستی کر لے۔
ہیونگ سک نے کہا تو وہ مسکرا کر رہ گئ۔۔
ہاں تم روز مجھے ادھار دیا کروگے نا۔۔
اس نے انگریزی میں جواب دینے کی کوشش نہ کی۔۔
ہیونگ سک منتظر رہا کہ شائد وہ پہلے کی طرح ترجمہ کرے مگر اریزہ کا ارادہ نہیں تھا
آرام سے کین میں الجھی مڑ گئ اسکا رخ ڈیپارٹمنٹ سے باہر لان کی جانب تھا۔۔ اس نے کندھے اچکا کر تقلید کی۔۔
ہوا کا رخ اس سے مخالف تھا وہ اس سے تھوڑا آگے چل رہی تھی
اسکا لانبا دوپٹہ اسکی پشت سے لہرا رہا تھا۔۔ اسے دیکھ کر سپر میں کا خیال آیا۔۔ وہ نارنجی سرخ رنگ کا پرنٹد سوٹ پہنے تھی جسکا دوپٹہ گہرے لال رنگ کا تھا۔۔
لک سپر مین۔۔
ان کے پاس سے گزرتی لڑکیوں نے تبصرہ داغا تھا
ہایون کو بے ساختہ ہنسی آئی اریزہ نے اسکی ہنسی کی آواز پر مڑ کر دیکھا ان لڑکیوں نے تو ہنگل میں ہی کہا تھا اس نے سنا بھی نہیں مگر ہیونگ سک اس کے پیچھے پیچھے ہنستا آرہا تھا کیوں؟
اس نے ناک چڑھا لی تھی۔۔ ہیونگ سک نے فورا اپنے تاثرات تبدیل کیے۔۔
اریزہ نے فورا اپنے کپڑے ٹھیک کیے ۔۔
ہوا بھی توتیز چل رہی تھی اسے شک گزرا۔۔
تم کیوں ہنس رہے تھے۔۔؟
اس کے کڑے تیور تھے۔۔
آہنیو۔۔ وہ بولا پھر خیال آیا۔۔ نو اٹس نتھنگ آئ واز جسٹ تھنکنگ ابائو ٹ سم تھنگ دیٹس نتھنگ ٹو ڈو ود یو۔۔
اریزہ ابھی بھی مشکوک انداز میں دیکھ رہی تھی
۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گوارا کیا ہے۔۔ ہمیشہ معمولی باتوں پر اتنا شدید ردعمل دیتی ہو۔۔
یون بن اسکے پیچھے پیچھے آرہا تھا گوارا پیر پٹختی آگے آگے جا رہی تھی۔۔
یہ معمولی بات ہے؟
اس نے رک کر کینہ توز نظروں سے گھورا۔۔
تم کل رات مجھے بتائے بنا اپنی ایکس کے ساتھ کلب میں شراب پی رہے تھے اور جب وہ ہوش کھو بیٹھی تو اسے اسکے گھر بھی چھوڑ کر آئے۔۔
بس وہ اتفاق سے بار میں مل گئ تھی وہ اپ سیٹ تھی۔۔ میں نے بس اسکو چل۔کیا ہم نے ڈرنک کی بس اس نے کچھ زیادہ پی لی تھی تو مجھے مناسب نہ لگا۔۔
اس نے گوارا کا ہاتھ تھام لیا۔۔ خود بتائو اکیلی لڑکی کو جو مدہوش بھی تھی بار میں اکیلا چھوڑ جانا مناسب تھا؟
اور کل تو میں نے تمہیں کہا تھا میں جا رہا ہوں تم بھی چلو۔ تم نے ہی منع کیا تھا۔۔
اس نے یاددلایا تو گوارا نے ناراضگی سے ہاتھ چھڑایا
میں نہیں آئی تو تم نے فورا میری متبادل ڈھونڈ لی۔۔ ؟
میرا ارارہ نہین تھا مگر جب میں بعد میں جب وہان پہنچی تو تم اسکے ساتھ۔۔
گوارا کو پھر وہ منظر یاد آیا جب وہ یون بن کے کندھے سے جھول رہی تھی
اس نے کچھ بھی مزید کہنا بے کار سمجھا۔۔
اور جھٹکے سے مڑ کر تیز تیز جانے لگی۔۔
یون بن نےبھاگ کر آگے آکر اسے روکنا چاہا
اس نے اسے ایک طرف کر دیا اس نے کندھے پر ہاتھ رکھا گوارا جھٹک کر آگے ہوئی آخری کوشش کے طور پر اس نے گوارا کا ہاتھ پکڑ کا کھینچا اعر گلے سے لگا لیا۔۔
۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔
سچ مچ میں اپنے آپ میں مگن تھا۔۔ اریزہ اسکا راستہ روکے کھڑی تھی اسے صفائی دینی پڑی۔۔
اریزہ نے یقین کیا یا نہیں ہاں راستہ چھوڑ کر کنارے ہو گئ۔۔
ہایون شکریہ کہتا بڑھنے کو تھا کہ اسے خیال آیا۔۔ وہ ابھی تک کین کھول نہ پائی تھی
میں کھول دوں اسے؟تمہارے لیے۔۔ اس نے ہاتھ بڑھا کر پوچھا۔۔ اریزہ نے لمحہ بھر سوچا پھر اسے پکڑا دیا۔۔ اس نے پہلی ہی کوشش میں کین کھول دیا۔۔
یہ لو۔۔ اس نے کین پکڑانا چاہا مگر وہ متوجہ نہیں تھی غور سے اسکے پیچھے کسی منظر کو دیکھنے مین مگن تھی۔۔
اس نے مڑ کر اسکی نظروں کے تعاقب میں دیکھا۔۔۔
۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ لوگ بنچ پر بیٹھے کولڈڈرنک اور رائس کیک اڑا رہے تھے جب سالک کی نظر سامنے پڑی۔۔
وہ دیکھو۔۔ اس نے انگلی سے سامنے کی جانب اشارہ کیا
اس نے کہا تو ایڈون اور شاہزیب بھی متوجہ ہوئے۔۔
وہ۔لڑکا بار بار لڑکی کے سامنے آرہا تھا کبھی ہاتھ پکڑتا کبھی راستہ روکتا۔۔
لڑکی غصے میں تھی بار بار ہاتھ چھڑا لیتی۔۔
یہاں بھی ٹھرکی پائے جاتے۔۔
ایڈون نے تبصرہ کیا۔۔
کیوں یہاں لڑکے لڑکے نہیں ہوتے۔۔ شاہ زیب نے اسکی احمقانہ بات پر گھورا۔۔
یار ویسے ہے غلط بات لڑکی غصے میں ہے۔۔
سالک نے کہا تو ایڈون نے کندھے اچکائے۔۔
بوائے فرینڈ ہوگااسکا لڑ پڑے ہونگے۔۔
مجھے نہیں لگ رہا۔۔لڑکی واقعی غصے میں ہے۔۔ سالک نے خیال ظاہر کیا
شاہزیب اٹھ کھڑا ہوا۔
دونوں نے اسے حیرت سے دیکھا۔۔
کدھر جا رہا ہے؟
میں خاموشی سے نہیں دیکھ سکتا یہ۔۔؟
وہ آگے بڑھنے کو تھا۔۔
اوئے رک۔۔ ایڈون اٹھ کھڑا ہوا۔۔
ہیرو نہ بن ہم پاکستان میں نہیں ہیں
یہاں یہ اتنی بڑی بات نہیں ۔۔۔ نہ ہی وہ کوئی پاکستانی لڑکی ہے جو تو جزباتی ہو رہا
ہان یار بیٹھ کسی مصیبت میں نہ پڑ جائیں۔۔
سالک نے بھی تائید کی۔۔
پاکستانی نہیں تو کیا ہوا ہے تو لڑکی۔۔ اس نے کہا۔۔ اور دوبارہ انکی جانب نگاہ کی
وہ لڑکا اسے زبردستی گلے لگا چکا تھا وہ لڑکی اسکی بانہوں میں پھڑ پھڑا رہی تھی اسے دور کرنا چاہ رہی تھی مگر لڑکے کی مضبوط گرفت اسکی کوشش ناکام کر رہی تھی۔۔ اب شاہزیب نہ رک سکا سچ تو یہ کہ ایڈون اور سالک نے اسکا بازو چھوڑ دیا تھا۔۔ وہ انکی جانب بھاگا تو ایڈون سالک ایک دوسرے کو ایسے دیکھنے لگے کہ اب کیا کریں پھر فیصلہ کر کے دونں اسکے پہچھے بھاگے۔۔
شاہ زیب نے آئو دیکھا نہ تائو قریب جاکر زور دار مکا ناک پر جمایا۔۔ یون بن اسکے لیے تیار نہ تھا الٹ کر پیچھے ہوا۔۔
کیا ہوا۔۔ اسکی ناک سے خون بہہ نکلا۔۔
شاہزیب نے اس پر بس نہیں کیا اسکو گریبان سے پکڑ کر دو چار لگا دیں۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ تمہارا دوست ہے نا جو پٹ رہا۔۔
اس نے کین لیتے ہوئے ہیون سے تصدیق چاہی
شاہزیب کی اسکی جانب پیٹھ تھی اسے بس یون بن کا چہرہ دکھائ دے رہا تھا ہیون نے اطمینان سے گھونٹ بھرا
ہاں مگر پٹ کیوں رہا؟۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔
مھے بتائو تو سہی کیوں مار رہے ہو ۔۔دو تین مکوں کے بعد بھی اس نے صرف اپنا بچائو کیا بازو آگے کر کے اسکے مکے روک کر پوچھا تھا۔۔
لڑکی کو چھیڑتا ہے ؟ آج میں تجھے سبق سکھاتا ہوں۔۔
اس نے کہا تو یون بن کو خاک پتھر سمجھ نہ آئی
گوارا چیخ چیخ کر اپنی زبان میں کچھ کہہ رہی تھی۔۔ پھر اسے کچھ سمجھ نہ آیا تو شاہ زیب کو زوردار لات مار دی۔۔
کیوں مار رہے ہو۔۔ وہ غصے سے بولتی شاہ زیب کر پٹخ رہی تھی۔۔ تمہاری جرات کیسے ہوئی۔۔ یون بن نے اسے غصے سے آگ بگولا ہوتے دیکھا تو اٹھنے کی کوشش کی۔۔
ایڈون اور سالک بھاگ کر قریب آتے آتے رک گئے۔منظر بالکل خلاف توقع تھا وہ نازک سی لڑکی جو ابھی اپنے آپ کو چھڑا نہیں پا رہی تھی اب نہ جانے کراٹے تائیکوانڈو کو ن کون سی ٹرک آزما کرشاہزیب کو ہلنے کا موقع دیے بغیر پٹخ رہی تھی۔۔ شاہزیب کے ہاتھوں مجزوب یون بن کچھ کہہ تو رہا تھا مگر خود ابھی اٹھنے کے قابل نہ ہوا تھا۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھے کیا پتہ۔۔ اریزہ نے لاپروائی سے کہا۔۔
تم بچائو گے نہیں تمہارا دوست پٹ رہا ہے؟
اس نے گھونٹ بھرتے ہوئے حیرت سے اسے گھورتے ہوئے پوچھا۔۔
نہیں ۔۔ ہیونگ سک کا اطمینان دیکھنے کے قابل تھا۔۔
کیونکہ اب تمہارا دوست پٹ رہا ہے۔۔
اس نے مسکرا کر بتایا۔۔ اریزہ نے الجھن سے اسکی نظروں کے تعقب میں دیکھا تو منظر یکسر تبدیل ہو چکا تھا۔۔ شاہزیب زمین پر گرا پڑا تھا اور گوارا اسکی ٹھکائی کر رہی تھی۔۔
اریزہ نے ایک نظر ہیونگ سک کو دیکھا وہ مزے سے کولڈ ڈرنک کے گھونٹ بھر رہا تھا۔۔
روکو اسے۔۔ اریزہ اردو میں ہی کہہ کر بھاگ پڑی
کیا؟
ہیونگ سک کو کچھ سمجھ نہ آیا مگر اریزہ کی رفتار خاصی تھی ہیونگ سک نے سوچا ہھر خود بھی دوڑ لگا دی
روکو اسے
یون بن کے پیٹ میں بل پڑ رہے تھے ایڈون اور سالک خاموشی سے شاہزیب کی درگت بنتے دیکھ رہے تھے۔۔
روکو اسے وہ اٹھتے ہوئے بولا۔۔ پھر بیٹھ گیا وہ گوارا کو اپنی زبان میں رکنے کو کہہ رہا تھا…
وہ دونوں اس مشکل میں لڑکی کو کیسے روکیں
اریزہ بھاگتی آئی اور گوارا کو پیچھے سے پکڑ لیا
اسٹاپ اٹ۔
ہیونگ سک بھی پیچھے پیچھے بھاگتا آیا
گوارا نے جھٹکے سے خود کو چھڑایا اریزہ دھپ سے کمر کے بل گری اس بار ہیونگ سک نے گوارا کو جکڑ لیا۔۔
ایڈون نے ہمت پکڑی اور آگے بڑھ کر شاہزیب کو اٹھانے لگا۔۔
اریزہ بھی ہاتھ جھاڑتی اٹھ کھڑی ہوئی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ختم شد
جاری ہے