Urduz Web Digest

aur koi soorat bhi nahin hay aur nahin zabt ka yaara bhi

• Syeda Vaiza Zaidi
• 0
• Posted on October 31, 2021July 6, 2023

اور کوئی صورت بھی نہیں ہے اور نہیں ضبط کا یارا بھی 

ہائے اسی نے توڑدیا دل جس نے دل سے چاہا بھی

کتنی ترقی کر گئی دنیا کر لو پیار کا سودا بھی

دل بھی خریدے جا سکتے ہیں ہاں ہوتا ہے ایسا بھی 

کچھ اپنی تقدیر کی گردش کچھ تدبیر کی خامی تھی 

پیار پہ کوئی الزام نہیں پیار برا بھی اچھا بھی 

عشق نہیں ،اچھا تو ہوس ہے جو ہے ایک حقیقت ہے 

لاکھ فسانوں پر بھاری ہے اپنی ہوس کا قصا بھی 

سیم و زر تو اپنی نظر میں ٹھہر سکے ہیں نہ ٹھہریں گے 

ہم تو ستارے توڑ کر لاتے کوئی ہمارا ہوتا بھی 

حسن نظر کا دھوکہ نکلا پیار فریب حرص و ہوس 

عقل ٹھکانے آگئی لیکن کچھ بنتا اس دل کا بھی 

آج کہیں کل اور کہیں ہے موج شمیم آوارہ 

وہ جو ہمارا ہو نہ سکا وہ ہو نہ سکے گا کسی کا بھی 

از قلم زوار حیدر شمیم